Novas por contido

Os sindicatos CIG, CCOO, CSIF e UGT, xunto con Función Pública e Política Social, estivemos a negociar nas últimas semanas un Acordo de condicións de traballo en centros de xestión propia da Consellería de Política Social e Xuventude.

Despois de varias xuntanzas, borradores e alegacións, finalmente chegou o día en que os sindicatos tivemos que votar na Comisión de Persoal do 9 de agosto si aceptabamos ou non a proposta final do Acordo. CCOO e UGT xa votaron a favor do texto.

A CIG manifestou que votar en agosto unha proposta que afecta a milleiros de persoas e con cambios no texto final no mesmo día da votación, é facelo sen coñecer a opinión do persoal. Por tanto, a CIG solicitou poder aprazar o seu voto ata setembro, para así poder pescudar a opinión dos compañeiros e compañeiras. 

Pero o director xeral de Función Pública non aceptou e só permitiu adiar o voto ata o venres 11 de agosto. Xa que logo, non vemos outra maneira rápida de coñecer a opinión do persoal que facelo mediante un formulario na rede.

Para participar neste cuestionario urxente, temos que poder identificar ás persoas que votan, polo que che vamos a pedir que nos digas o teu nome, apelidos e o centro de traballo. Desbotaremos a opinión das persoas que non poidamos identificar como traballador/a dun centro de Política Social.

Rematamos pedindo desculpas por facer as cousas deste xeito, pero as persoas que dirixen a Administración non nos permiten facer as cousas como hai que facelas.

(Os datos que recollamos non serán gardados. Serán eliminados o venres, unha vez analizados)

Formulario para votar: ligazón

Este é o texto final do Acordo: ligazón

Outras novas recentes

Venres, 03 Outubro 2025

Persoal da Xunta de Galiza reclama unha solución inmediata á parálise dos concursos de traslados (Concentración 30/09/2025)

A CIG demanda unha prelación xusta, axilidade na resolución, máis medios e a duplicidade dos postos bloqueados por medidas xudiciais Traballadoras e traballadores da Xunta de Galiza concentráronse na mañá do martes 30 de setembro de 2025 diante do edificio administrativo de San Caetano para esixir unha solución inmediata aos concursos de traslados, paralizados dende hai...
Martes, 30 Setembro 2025

Campaña de vixilancia da saúde 2025/2026 para persoal non docente de centros de ensino

Aplicable ao persoal docente e non docente (funcionario e laboral) en activo, que presta servizos nos centros docentes públicos non universitarios, dependentes da Consellería de Educación, Ciencia, Universidades e Formación Profesional. A inscrición ten carácter voluntario, polo que se realizará previa solicitude das persoas interesadas conforme ás instrucións deste...
Mércores, 01 Outubro 2025

RPT de Medio Rural e RPT da administración especial para poder finalizar o concurso de enxeñarías, arquitecturas e ciencias

O venres 26/09/2025 celebrouse a Comisión de Persoal onde se levaban dous asuntos,   RPT de Medio Rural Estamos en contra dunha modificación de RPT na que se amortizan 14 postos de traballo para crear 7. Sen os postos derivados do decreto de estrutura temos que se destrúen 7 postos para crear 2 e para financiar a inmoral e insolidaria suba do complemento específico dos...