- Detalles
No DOG do 03/11/2021 publican a RESOLUCIÓN do 26 de outubro de 2021, do tribunal encargado de cualificar o proceso selectivo para o ingreso na escala de auxiliar do Servizo de Prevención e Defensa contra Incendios Forestais, subgrupo C2, nas especialidades de emisorista/vixilante fixo/a, bombeiro forestal-condutor de motobomba e bombeiro forestal, do corpo de auxiliares de carácter técnico da Administración especial da Administración xeral da Comunidade Autónoma de Galiza, convocado pola Orde do 28 de febreiro de 2019 (DOG número 44, do 4 de marzo), pola que se fan públicos a data, a hora e o lugar de realización do primeiro exercicio do proceso selectivo.
O primeiro exercicio do proceso selectivo terá lugar na Feira Internacional de Galicia en Silleda, en chamamento único para cada especialidade, que se distribuirá como se detalla a seguir:
| Subgrupo e especialidade | Data do 1º exercicio | Hora de chamamento |
| C2-Bombeiro forestal condutor de motobomba | 27.11.2021 | 9.30 horas |
| C2-Emisorista/vixilante fixo/a | 27.11.2021 | 16.30 horas |
| C2-Bombeiro/a forestal | 27.11.2021 | 9.30 horas |
- Detalles
No DOG do 03/11/2021 publican a RESOLUCIÓN do 26 de outubro de 2021 pola que se convocan, no marco da iniciativa Universo EGAP Innova, as xornadas de formación práctica dixital (E-martes) sobre o Rexistro Electrónico na Xunta de Galiza.
Os prazos para a inscrición nestas actividades serán os seguintes:
• Para a xornada E-martes que se desenvolverá o día 16 de novembro: desde as 8.00 horas do día seguinte ao da publicación desta resolución no DOG ata as 23.55 horas do día 11 de novembro de 2021.
• Para a xornada E-martes que se desenvolverá o día 14 de decembro: desde as 8.00 horas do día seguinte ao da publicación desta resolución no DOG ata as 23.55 horas do día 9 de decembro de 2021.
- Detalles
No DOG do 02/11/2021 publican a RESOLUCIÓN do 14 de outubro de 2021, do tribunal designado para xulgar o proceso selectivo para o ingreso no corpo superior da Administración xeral da Comunidade Autónoma de Galiza, subgrupo A1, escala superior de estatísticos/as, convocado pola Orde do 22 de abril de 2019, da Consellería de Facenda, pola que se fai pública a data, o lugar e a hora de realización do terceiro exercicio do proceso selectivo.
Terá lugar o día 15 de novembro de 2021, en chamamento único que se iniciará ás 15.30 horas, na aula 7 da Escola Galega de Administración Pública, situada na rúa Madrid 2-4 (As Fontiñas) de Santiago de Compostela.
Oposicións consolidación C2 do Consello de Contas de Galiza: data, hora e lugar do segundo exercicio
- Detalles
No DOG do 29/10/2021 o Consello de Contas de Galiza publica a RESOLUCIÓN do 25 de outubro de 2021, do tribunal designado para cualificar o proceso selectivo de consolidación de emprego temporal para o acceso a postos de auxiliar administrativo (subgrupo C2), convocado polo Acordo da Comisión de Goberno do 13 de xullo de 2020, pola que se fan públicos a data, a hora e o lugar de realización do segundo exercicio do proceso selectivo.
Terá lugar o día 13 de novembro de 2021, con horario de chamamento ás 9.00 horas, na Facultade de Dereito da Universidade de Santiago de Compostela, situada na avenida Dr. Ángel Echeverri s/n, 15782 Santiago de Compostela.
- Detalles
No DOG do 29/10/2021 publican a RESOLUCIÓN do 20 de outubro de 2021, do tribunal designado para cualificar o proceso selectivo para o ingreso, pola quenda de acceso libre e promoción interna, no corpo facultativo de grao medio da escala de técnicos facultativos de servizos sociais, especialidade educadores, de Administración especial da Administración xeral da Comunidade Autónoma de Galiza (subgrupo A2), convocado pola Orde do 31 de outubro de 2019, pola que se dá publicidade de diversos acordos.
Rectifican puntuacións e as persoas aspirantes que non figuraban que tiñan superado o primeiro exercicio na publicación efectuada coa Resolución do 10 de xuño e que, logo da rectificación desta, resulta que superaron o primeiro exercicio disporán dun prazo de dez días hábiles contado desde o día seguinte ao da publicación desta resolución no DOG, para presentar a documentación xustificativa de estar en posesión do Celga 4 ou o equivalente.
- Detalles
No DOG do 29/10/2021 publican a RESOLUCIÓN do 14 de outubro de 2021, do tribunal designado para xulgar o proceso selectivo para o ingreso, pola quenda de promoción interna, no corpo administrativo da Administración xeral da Comunidade Autónoma de Galiza, subgrupo C1, convocado pola Orde do 7 de xaneiro de 2020 (DOG número 21, do 31 de xaneiro).
Publican a nova puntuación obtida polo aspirante que viu modificada a súa puntuación no portal web da Xunta de Galiza (funcionpublica.xunta.gal).
- Detalles
No DOG do 29/10/2021 publican:
- ACORDO do 25 de outubro de 2021, da comisión designada para xulgar o proceso para a adquisición da condición de persoal funcionario de carreira da escala auxiliar do Servizo de Prevención e Defensa contra Incendios Forestais, do corpo de auxiliares de carácter técnico de Administración especial da Comunidade Autónoma de Galiza, subgrupo C2, polo persoal laboral fixo de diversas categorías e postos pertencentes aos grupos IV e V do V Convenio colectivo do persoal laboral da Xunta de Galiza, mediante o seu cambio de vínculo xurídico, convocado pola Resolución do 25 de agosto de 2021 (DOG número 170, do 3 de setembro), polo que se fai pública a data, a hora e o lugar de realización da proba tipo test.
A proba terá lugar o 28 de novembro de 2021, ás 16.00 horas, no pavillón nº 1 do recinto da Feira Internacional de Galiza en Silleda.
ACORDO do 25 de outubro de 2021, da comisión designada para xulgar o proceso para a adquisición da condición de persoal funcionario de carreira da escala técnica do Servizo de Prevención e Defensa contra Incendios Forestais, especialidade de bombeiro forestal xefe de brigada, do corpo de técnicos de carácter facultativo de Administración especial, grupo B, polo persoal laboral fixo pertencente á categoría 100 do grupo III (bombeiro/a forestal xefe/a de brigada) do V Convenio colectivo do persoal laboral da Xunta de Galiza, mediante o seu cambio de vínculo xurídico, convocado pola Resolución do 25 de agosto de 2021 (DOG número 170, do 3 de setembro), polo que se fai pública a data, a hora e o lugar de realización da proba tipo test.
A proba terá lugar o 27 de novembro de 2021, ás 10.00 horas, no salón de actos da Facultade de Dereito da Universidade de Santiago de Compostela (avda. Dr. Ángel Echeverri s/n, Santiago de Compostela).
- Detalles
No DOG do 27/10/2021 publican a RESOLUCIÓN do 20 de outubro de 2021 pola que se procede ao nomeamento como persoal funcionario de carreira do corpo facultativo de grao medio de Administración especial da Administración xeral da Comunidade Autónoma de Galiza, subgrupo A2, escala de enxeñeiros técnicos, especialidade de enxeñaría técnica agrícola, das persoas aspirantes que superaron o proceso selectivo convocado pola Orde do 1 de marzo de 2018 (DOG número 47, do 7 de marzo).
Para adquiriren a condición de persoal funcionario de carreira, as persoas a que se refire o anexo desta resolución deberán cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes, que comezará a computarse a partir do día seguinte ao da publicación desta resolución no DOG.
- Detalles
No DOG do 26/10/2021 publican o ACORDO do 15 de outubro de 2021, do tribunal designado para cualificar o proceso selectivo para o ingreso, pola quenda de acceso libre, no corpo auxiliar da Administración xeral da Comunidade Autónoma de Galiza, subgrupo C2, convocado pola Orde do 22 de novembro de 2019.
Publican no portal web da Xunta de Galiza, funcionpublica.xunta.gal, as puntuacións obtidas polas persoas aspirantes que viron modificada a súa puntuación.
- Detalles
No DOG do 25/10/2021 o Consello de Contas de Galiza publica a RESOLUCIÓN do 14 de outubro de 2021 pola que se dá publicidade do Acordo do Pleno do 6 de outubro de 2021 polo que se aproban as bases comúns para a convocatoria de concursos específicos de méritos.
