Novas por contido
  • A Consellaría de Traballo e Benestar inicia o proceso para privatizar as Residencias de Maiores.
  • A CIG-Autonómica solicita unha entrevista urxente coa conselleira de Traballo e Benestar co fin de evitar a entrega a empresas privadas do servicio de atención as persoas maiores.

A CIG-Autonómica denuncia que a Xunta de Galiza está a enviar a equipos de empresas privadas para que fagan un estudo de cómo privatizar as residencias. O alcance da privatización comprendería nun principio a todos os servizos das residencias excepto os servizos sanitarios. A Residencia da Volta do Castro en Santiago de Compostela figura entre os primeiros centros de referencia para pasar á xestión privada. O alcance desta medida incluiría ao resto de residencias e centros de día que dependen da Xunta de Galiza. De levarse adiante, mais de 2.000 residentes con praza nun servizo público verianse afectados pola privatización da súa asistencia.

Esta é a política de austeridade de Feijoo: alugar as residencias públicas a empresas privadas e logo pagarlles polo número de residentes a atender. A Administración pon á disposición toda a infraestructura, a propia residencia, instalacións, medios e loxística  a un custo cero para esas empresas que sacan deste xeito pingues beneficios do erario público. Para iso nos rebaixa Feijoo os salarios, para entregarlle o montante a empresas privadas. Ista privatización clara e aberrante vai supor unha perda de calidade do servizo que poñérá aos nosos maiores en mans de factorías de facer cartos a costa dos problemas dos cidadáns.

A CIG-Autonómica ven de solicitar un encontro coa conselleira para que explique aos traballadores cales son as súas pretensións e en que se basea para privatizar uns servizos que son esenciais para a atención aos maiores e que supoñen unha garantía de prestacións de calidade e atención aos usuarios. Esixímoslle á Xunta a paralización deste proxecto de privatizacións das Residencias de Maiores e unha maior dotación de prazas para asistidos e a defensa dos servizos públicos tal e como é obriga da máxima responsable deste departamento.

Outras novas recentes

Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...