Novas por contido

A CIG-Autonómica vén de presentar un escrito ante o director xeral de Función Pública, recollendo as queixas que achegaron moitas das persoas afectadas, polos atrasos no desenvolvemento dos seguintes procesos selectivos: C2 consolidación, A1 consolidación e C1 e A2 promoción interna.

O atraso nestes procesos selectivos é só un exemplo do mal funcionamento ao que nos ten acostumbados DisFunción Pública e que supoñen unha contínua merma dos nosos dereitos. Xa que logo, informamos que de non mellorar na súa eficiencia, co apoio das traballadoras e traballadores,  realizaremos as accións de protesta precisas a través dun calendario de mobilizacións.

C2 consolidación

A baremación definitiva da fase de concurso foi publicada no DOG do 21/11/2010. Dende entón, van máis de 2 meses, o tribunal aínda non achegou a lista de persoas que superaron o proceso selectivo. Solicitamos a publicación da relación de persoas aprobadas ou no seu caso unha aclaración satisfactoria das razóns do seu atraso.

A1 consolidación

A través dun escrito do 26 de novembro de 2010 denunciamos o enorme atraso neste proceso sen ver cambios no desenvolvemento da lectura do 2ª exercicio nin ter resposta por parte de Función Pública. Esiximos unha aclaración da parsimonia do tribunal, que reduce a lectura desta semana a 3 días e 3 persoas/día, tendo en conta que aínda queda o 3º exercicio e a fase de baremación de méritos. Solicitamos unha aclaración sobre as medidas se van a tomar para evitar o agravio que se vai producir con respecto ás persoas aprobadas da quenda de libre ao tomar posesión máis tarde.

A2 e C1 promoción interna

Xa foi denunciado pola CIG en reiteradas ocasións que a prioridade de toma de posesión debería ser en primeiro lugar para promoción interna segundo marca a lei. As tomas de posesión provisional desvirtúan o dereito das persoas da quenda de promoción interna e dan lugar a que unha persoa de acceso libre acumule máis tempo traballado e méritos cunha persoa de promoción interna, podendo acudir antes á seguinte promoción interna, aos concursos de traslados, etc. No caso do A2, os aspirantes que superaron o proceso selectivo pola quenda de libre foron nomeados con data de 27/07/2010 e os de consolidación con data de 08/11/2010, mentres que os de promoción interna seguen perdendo dereitos. No caso do C1 os da quenda de libre foron nomeados con data de 18/11/2010, estando  os de promoción interna e consolidación aínda sen nomear. Solicitamos unha aclaración sobre que medidas se pensan tomar para evitar este agravio con relación aos aspirantes de A2 e C1 pola quenda de promoción interna e así como os de C1 consolidación.


Outras novas recentes

Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...
Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...
Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...