A directora xeral de Emprego Público e Administración de Persoal (DXEP) convocounos a unhas xuntanzas que serán o día 1 de agosto, coa seguinte Orde do día:
RPT DA CONSELLERÍA DE PRESIDENCIA, XUSTIZA E DEPORTES
Trátase dunha proposta de certa amplitude que foi tratada nunha xuntanza previa o día 11 de xullo. E agora, no mesmo día pretenden "negociar" en Mesa Sectorial de Persoal Funcionario (MSF), e aprobala a continuación na Comisión de Persoal (CP). Valoraremos coa nosa asesoría xurídica se estas formas son susceptibles de impugnación. Descargar
RPT DE ATRIGA e RPT DE FACENDA
Estas dúas RPT pasaron por MSF o 18 de xullo, e serán aprobadas nesta CP. Destaca o incremento de específico de entre 3.500 e 6.100 € para algunhas xefaturas de servizo e subdirección xerais respectivamente. Descargar RPT de Atriga. Descargar RPT de Facenda
RPT DE POSTOS DE ADMINISTRACIÓN ESPECIAL
Pasou por MSF o día 28/07/25. Nese momento, a Administración retirou a modificación de 12 dos postos de oficinas agrarias comarcais, que sendo de enxeñería agronómica e técnica agrícola, ampliaban a montes e forestais, especialidades que non teñen nada que ver co traballo que se desenvolve nas oficinas agrarias. Finalmente a DXEP retirou eses 12 postos.
A proposta continúa co mesmo cambio noutros dous postos (un no centro de formación e experimentación agroforestal de Ribadeo, e outro na dirección de Fogga), corrixen un suposto erro na clasificación de un posto base de A2 que pasa a montes e forestal, e a retirada do requisito de título de capitan de pesca nun posto de mestre de taller de escolas náutico-pesqueiras.
