Novas por contido

Trala noticia recibida onte do vindeiro recorte para o 2013 a través dos medios, a organización afirmou que para a próxima traerían a Chuck Norris e non precisamente para entregarlle carbón a Feijoo, como pretendín o Apalpador e Papá Noel.

Unha grande asistencia de traballadoras e traballadores públicos manifestouse hoxe en San Caetano. En principio o acto estaba previsto en reivindicación do cobro da paga extra que nos roubaron, pero as últimas novas con respecto á convocatoria da Mesa Xeral do venres, fixeron que se centrase neste último apartado.

O aumento na participación nesta concentración fai evidentemente que a paciencia está a chegar ao límite, hai un punto de flotación que está a piques de desbordarse, a corda está estirándose cada día máis pero isto vai romper tarde ou cedo. Xa o demostrou esta semana un cidadán afectado polas preferentes no Parlamento, vai pasar algo calquera día.

Non entanto, nunha mostra de civismo por parte deste colectivo traballador público tan puteado, hoxe a concentración transcorreu nun ambiente case festivo, a pesar de todo. A presenza do Apalpador e Papá Noel e un reparto de doces e golosinas recortadas, axudaron a que o ambiente fose moi agradable. Porén, os berros habituais en contra destas políticas austericidas e sen saída non faltaron e o tamén xa tradicional minuto de ruído contra o goberno da Xunta tampouco.

Pola tarde foron moitos os empregados e empregadas públicas que acudiron ás concentracións da Alianza Social Galega. Mañá convidamosvos a facer un "pincho de Nadal" austero diante da EGAP, protestando con nosco. Seguiremos loitando, contra os recortes, contra a chantaxe, contra os insultos á nosa diginiade, pola defensa dos Servizos Públicos.

Outras novas recentes

Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...