Novas por contido

Ao igual que veñen facendo con cada mobilización cidadán, o Partido Popular blindou con antidisturbios a EGAP, onde se celebraba a reunión da Mesa Xeral de Negociacion. Unha mesa de negociación desaloxada pola policía, ao negarse os nosos compañeiros a dar por rematada a xuntanza ata que Feijoo comparecese a explicarlles os recortes, pois uns directores xerais de Función Pública e de Orzamentos non son quen de dar contas dunha decisión claramente política como foi esta.

Fóra, centos de compañeiros/as manifestáronse contra o recorte, intentando entrar a apoiar aos compañeiros que estaban dentro sendo impedido isto pola policia. Mentras se golpeou nas cristaleiras para poder entrar foi inmobilizado no chan un compañeiro. Bloquearon tamén o acceso aos medios para que non se puidese ver o que dentro acontecía. Finalmente, os directores xerais tiveron que sair pola porta de atrás escoltados pola policia.

Os ánimos estiveron moi caldeados e isto é só unha pequena mostra do clima de confrontación social que o Partido Popular está a crear dentro da Administración. A paciencia dos empregados/as públicos/as galegos/as xa se esgotou.

Outras novas recentes

Xoves, 14 Agosto 2025

A CIG e os outros sindicatos esiximos solucións aos problemas das gardas e seguridade dos axentes ambientais de Patrimonio Natural

E solicitamos ter unha reunión, en canto remate a vaga de lumes, coa Consellería de Medio Ambiente e Cambio Climático. No día de onte, 13 de agosto de 2025, enviouse comunicación aos axentes ambientais do Servizo de Patrimonio Natural das catro provincias galegas de que acudiran a apoiar nos incendios forestais. Esta comunicación foi feita principalmente por wassapp e por...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...