Consecuencia da teima do PP contra da lingua de Galiza, o luns 13 de xuño vai á Comisión de Persoal a modificación das bases dunha chea de procesos selectivos para os que, por mor da eliminación da obrigatoriedade de entender un test redactado en galego, reabren o prazo para solicitar participar nos procesos selectivos. Noraboa a quenes se lles pasou o prazo de matricula, e para os demais, toca estudar mais, que haberá mais competencia. Estes son os procesos afectados pola Comisión de Persoal:
- corpo superior da administración da Xunta de Galicia, subgrupo A1
- corpo de xestión da administración da Xunta de Galicia, subgrupo A2
- corpo administrativo da Xunta de Galicia, subgrupo C1
- corpo auxiliar da Xunta de Galicia, subgrupo C2
- consolidación de emprego para o ingreso no corpo superior da administración da Xunta de Galicia, subgrupo A1
- consolidación de emprego para o ingreso no corpo de xestión da administración da Xunta de Galicia, subgrupo A2
- consolidación de emprego para o ingreso no corpo administrativo da Xunta de Galicia, subgrupo C1
- consolidación de emprego para o ingreso no corpo auxiliar da Xunta de Galicia, subgrupo C2
- corpo facultativo superior da Xunta de Galicia, subgrupo A1, escala de arquitectos
- corpo facultativo de grao medio da Xunta de Galicia, subgrupo A2, escala de arquitectos técnicos
- corpo de xestión de administración da Xunta de Galicia, subgrupo A2, escala técnica de inspección de consumo
- corpo de xestión de administración da Xunta de Galicia, subgrupo A2, escala de xestión de sistemas de información
- corpo administrativo da Xunta de Galicia, subgrupo C1, escala técnica de auxiliar de informática
- corpo de xestión de administración da Xunta de Galicia, subgrupo A2, escala técnica de inspección turística
Coa modificación e apertura de novo prazo, terán que publicar nova relación provisional de admitidos/as e excluidos/as, prazo de subsanación de defectos, e relación definitiva. A CIG non se atreve a imaxinar para cando serán os exámes.
Parabéns para o CSIF, Galicia Bilingüe, PP, Rosa Diaz, Falange Auténtica e demais, que finalmente conseguiron que os empregados públicos da administración galega non teñen que demostrar que entenden un texto en galego.
