O xoves día 20 houbo a derradeira reunión da comisión de avaliación do concurso xeral e  acordouse o seguinte:

• Resolvéronse as últimas alegacións.

• Decidiuse sobre as renuncias totais, parciais e desestimentos de renuncias.

• Acordouse que aquelas persoas funcionarias coa obriga de concursar ao estar en adscrición provisional ou a dispor, e que non solicitaron todos os postos vacantes na súa localidade, se lles asignará de oficio e de xeito aleatorio un posto dos que queden vacantes.

• Aquel persoal que non validou ou conformou mal a certificación de méritos (sobre 280 persoas) non están excluídos do concurso pero participan con 0 puntos.

Agora ESTÁ XA TODO NO TELLADO DE FUNCIÓN PÚBLICA para aprobalo e publicalo.

Malia que PREGUNTAMOS CANDO SE VAI PUBLICA, NON QUIXERON DAR DATAS, porque é unha decisión que ten que tomar o director xeral. Pero dános a impresión de que presa parece que non teñen, porque están á espera do remate dos procesos selectivos, cuestión que a CIG xa propuxo solucionar sen éxito hai máis dun ano.

Incluso planeou a idea de que teñen que analizar como afecta a nova lei de estabilización de emprego porque, segundo din, hai prazas no concurso que poderían estar afectadas ao estar ocupadas por persoal interino durante máis de seis anos

En definitiva, que todo vai depender da decisión política de si se publica agora ou non, polo que solicitamos unha reunión co director xeral para que diga dunha vez que pensa facer, e de paso nos explique como vai solucionar o totum revolutum das tomas de posesión do persoal que concursou, do que está en destino provisional e de todos os procesos pendentes de promoción interna e libre.

Non esquecemos os concursos de escalas, de administración especial e de persoal laboral. É unha vergoña que nalgún caso vaian máis de 10 anos da anterior convocatoria. E no de laborais, que abertamente digan que non haberá nunca máis.