Novas por contido

A denegación totalmente inxustificada para a participación nos actos das Letras Galegas 2025 ten lugar tras a eliminación das conmemoracións do Día das Letras Galegas en 2024 na EGAP e a campaña da CIG “Por unha EGAP transparente e en galego”, dada a deriva de galegofobia e de incuprimento da normativa lingüística na Administración da Xunta

Un Servizo de Persoal da Consellaría de Política Social denegoulle a unha persoa traballadora dos equipos de valoración e orientación (EVO) dunha oficina integrada da dependencia e discapacidade a autorización para asistir aos actos conmemorativos do Día das Letras Galegas, dedicados este ano ás Cantareiras

Os actos foron convocados como parte da oferta formativa oficial da Escola Galega de Administración Pública (EGAP). O 16 de maio tivo lugar unha homenaxe ás Cantareiras na sede da EGAP, cunha actuación musical e a proxección dun documental; actividade que é requisito para poder acceder á viaxe cultural posterior, destinada exclusivamente ao persoal da Administración galega.

Estes actos forman parte das actuacións transversais da EGAP, dentro da programación de formación na lingua galega. A formación transversal non ten unha relación directa co grupo ou categoría profesional do persoal, senón que se trata da actualización e mellora continua de coñecementos e competencias necesarias para o desempeño do traballo en distintos eidos (lingua galega, TIC, lexislación xenérica da Administración, idiomas, igualdade, etc.). 

Na CIG consideramos que a xustificación alegada pola xefatura de servizo da persoa traballadora de que esta formación non ten relación coas súas funcións para denegarlle a asistencia, unha vez a súa solicitude foi aceptada pola EGAP, é unha discriminación clara e patente con respecto ao resto de persoal ao que si se lle permitiu a súa asitencia. Trátase dunha xustificación pola cal ningunha persoa da nosa Administración podería asistir a esa formación.

Unha vez que as persoas responsábeis da denegación do permiso recibiron a queixa, a xustificación inicial da denegación múdase a outra distinta, evidenciando que a motivación real das denegacións é unha auténtica persecución. Isto está a acontecer no contexto de cancelación do Día das Letras Galegas de 2024 por parte da actual dirección da EGAP, motivo polo que a CIG fixo unha denuncia pública. 

O 15 de maio, día previo aos actos das Letras cuxa asistencia se lle denegou á persoa traballadora, a CIG facía, precisamente, unha concentración diante da propia EGAP cuxo lema foi “Por unha EGAP transparente e en galego”, unha campaña de denuncia da deriva antigalega que está a caracterizar non só á EGAP, senón tamén o funcionamento da nosa Administración, como estamos a comprobar.

Esiximos que de inmediato cesen os impedimentos e discriminacións, así como as represalias, cara ao persoal que solicitou a súa participación nos actos conmemorativos do Día das Letras Galegas, unha das efemérides máis importantes con relación ao galego, lingua propia da desta Administración.

Outras novas recentes

Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...