- Detalles
No DOG do 01/09/2022 publican a RESOLUCIÓN do 26 de xullo de 2022, do tribunal designado para xulgar o proceso selectivo para o ingreso no corpo superior da Administración xeral da Comunidade Autónoma de Galiza, subgrupo A1, escala superior de finanzas, convocado pola Resolución do 31 de maio de 2021 (DOG número 115, do 18 de xuño), pola que se fai pública a relación de aspirantes que superaron o primeiro exercicio do proceso selectivo pola quenda de acceso libre.
Publican as puntuacións obtidas polas persoas aspirantes presentadas o 15 de xullo de 2022 ao primeiro exercicio do proceso selectivo para o ingreso pola quenda de acceso libre no corpo superior da Administración xeral da Comunidade Autónoma de Galiza, subgrupo A1, escala superior de finanzas, no portal web corporativo da Xunta de Galiza, funcionpublica.xunta.gal
- Detalles
No DOG do 01/09/2022 a EGAP publica a RESOLUCIÓN do 22 de agosto de 2022 pola que se convocan cursos para persoal dos entes instrumentais do sector público autonómico.
Poderá participar nas accións formativas convocadas nesta resolución o persoal que se encontre en situación de servizo activo (incluído o persoal que teña concedido un permiso por motivos de conciliación da vida persoal, familiar e laboral) e que reúna os requisitos establecidos nesta convocatoria, das seguintes entidades: persoal da Sociedade Pública de Investimentos de Galiza, S.A. (SPI Galicia), da Fundación Cidade da Cultura de Galiza (FCC), da Empresa Pública de Servizos Agrarios Galegos, S.A. (Seaga), da Sociedad Gestora de Entidades de Inversión de Tipo Cerrado, S.A.U. (Xesgalicia), de Galiza Calidade, S.A.U., da Corporación Radio e Televisión de Galiza, S.A. (CRTVG), da Sociedade Galega do Medio Ambiente, S.A. (Sogama) e de Redes de Telecomunicación Galegas (Retegal, S.A.).
O prazo de presentación de solicitudes será desde o día seguinte ao da publicación desta resolución no DOG ata o 12 de setembro de 2022.
- Detalles
No DOG do 31/08/2022 publican a RESOLUCIÓN do 17 de agosto de 2022, do tribunal designado para xulgar o proceso selectivo para o ingreso no corpo superior da Administración xeral da Comunidade Autónoma de Galiza, subgrupo A1, escala superior de finanzas, convocado mediante a Resolución do 31 de maio de 2021 (DOG número 115, do 18 de xuño), pola que se fai pública a relación de aspirantes que superaron o primeiro exercicio do proceso selectivo pola quenda de promoción interna.
Publican as puntuacións obtidas polas persoas aspirantes presentadas o 14 de xullo de 2022 ao primeiro exercicio do proceso selectivo para o ingreso pola quenda de promoción interna no corpo superior da Administración xeral da Comunidade Autónoma de Galiza, subgrupo A1, escala superior de finanzas, no portal web corporativo da Xunta de Galiza funcionpublica.xunta.gal
No DOG do 31/08/2022 tamén publican a RESOLUCIÓN do 23 de agosto de 2022 pola que se amplía o prazo de realización do segundo exercicio do proceso selectivo para o ingreso, pola quenda de promoción interna, no corpo superior da Administración xeral da Comunidade Autónoma de Galiza, subgrupo A1, escala superior de finanzas.
Amplían o prazo de realización do segundo exercicio do proceso selectivo para o ingreso, pola quenda de promoción interna, no corpo superior da Administración xeral da Comunidade Autónoma de Galiza, subgrupo A1, escala superior de finanzas, en vinte (20) días hábiles.
- Detalles
No DOG do 31/08/2022 a EGAP publica a RESOLUCIÓN do 22 de agosto de 2022 pola que se convocan os cursos correspondentes ao segundo semestre do Plan de formación do Servizo Público de Emprego de Galiza do ano 2022 no marco do Plan de recuperación, transformación e resiliencia, financiado pola Unión Europea-NextGenerationEU.
Poderá participar nas accións formativas convocadas mediante esta resolución o persoal funcionario e laboral das oficinas de emprego, da Dirección Xeral de Formación para o Emprego e Orientación, da Dirección Xeral de Relacións Laborais, da Dirección Xeral de Emprendemento e Apoio ao Emprego, da Secretaría Xeral de Apoio ao Emprego, Traballo Autónomo e Economía Social e da área de emprego das xefaturas territoriais da Consellería de Promoción do Emprego e Igualdade que se atope en situación de servizo activo (incluído o persoal que teña concedido un permiso por motivos de conciliación da vida persoal, familiar e laboral) e que reúna os requisitos establecidos nesta convocatoria.
O prazo de presentación de solicitudes estará aberto desde o día seguinte ao da publicación desta resolución no DOG ata o 9 de setembro de 2022.
- Detalles
No DOG do 26/08/2022 a EGAP publica a RESOLUCIÓN do 18 de agosto de 2022 pola que se convoca o Curso superior en protección de datos.
O prazo para a inscrición permanecerá aberto desde as 8.00 horas do día seguinte á publicación desta resolución no DOG ata as 23.55 horas do día 18 de setembro de 2022.
- Detalles
No DOG do 26/08/2022 publican a RESOLUCIÓN do 29 de xullo de 2022 pola que se establecen as bases reguladoras do IV Premio empregados/as públicos/as innovadores/as e se convoca para o ano 2022 (código de procedemento IN822D).
Poderá participar nesta convocatoria todo o persoal funcionario e laboral, incluído no artigo 4.a), 4.c) e 4.e) da Lei 2/2015, do 29 de abril, do emprego público de Galiza.
O prazo de presentación de solicitudes comezará o día seguinte da publicación desta resolución no DOG e rematará o 30 de setembro de 2022.
- Detalles
No DOG do 25/08/2022 a EGAP publica a RESOLUCIÓN do 17 de agosto de 2022 pola que se convoca, no marco da iniciativa Universo EGAP Innova, a xornada de formación práctica dixital (E-martes) sobre notificacións electrónicas.
O prazo para a inscrición nesta actividade estará habilitado desde as 8.00 horas do día seguinte á publicación desta resolución no DOG ata as 23.55 horas do día 8 de setembro de 2022.
- Detalles
No DOG do 19/08/2022 publican a RESOLUCIÓN do 24 de xullo de 2022, da Dirección Xeral de Formación Profesional, pola que se convocan, con carácter gratuíto, cursos de linguaxe administrativa galega e cursos preparatorios para os certificados de lingua galega, Celga, que se realizarán en distintos períodos e en varias escolas oficiais de idiomas de Galiza.
As persoas que desexen participar nos cursos convocados nesta resolución deberán cubrir o formulario de inscrición telemática no enderezo www.eoidigital.com/preinslinguagalega. As solicitudes cubertas adecuadamente entenderanse presentadas na secretaría da escola oficial de idiomas correspondente unha vez que se complete correctamente o proceso de matriculación.
O prazo para a presentación das solicitudes abranguerá desde o día 1 ata o 10 de setembro de 2022, para os cursos do primeiro cuadrimestre (setembro-xaneiro), e desde o 3 ata o 13 de xaneiro de 2023, para os cursos do segundo cuadrimestre (febreiro-maio).
Os cursos de linguaxe administrativa galega de nivel medio e superior van dirixidos aos/as empregados/as públicos/as da Administración autonómica, da Administración local e da Administración periférica do Estado na Comunidade Autónoma de Galiza, exceptuando o persoal docente da Consellería Cultura, Educación, Formación Profesional e Universidades e o persoal sanitario, non entendendo por tales os empregados públicos da escala de saúde pública e administración sanitaria creada pola Lei 17/1989, do 23 de outubro, de creación de escalas de persoal sanitario ao servizo da Comunidade Autónoma de Galiza.
- Detalles
No DOG do 19/08/2022 a EGAP publica a RESOLUCIÓN do 10 de agosto de 2022 pola que se convocan cursos de prevención de riscos laborais de nivel básico para persoal empregado público, traballador por conta allea ou autónomo, empresario e persoas con inquietudes no ámbito da prevención de riscos laborais.
O prazo para a inscrición estará aberto desde as 9.00 horas do día 22 de agosto ata as 23.55 horas do día 31 de agosto de 2022.
Unha vez recibidas as solicitudes correctamente, asignaranse as prazas no curso solicitado por orde de inscrición ata esgotar o total de prazas, tendo prioridade aquelas persoas que posúan a condición de delegado/a de prevención, traballador/a designado/a e/ ou empresario/a que asuma as funcións de prevención de riscos laborais na súa empresa (deberán achegar a documentación que o acredite no enderezo issga.cursoprl@xunta.gal dentro do prazo de presentación de solicitudes) e reservándose o 50 % das prazas do curso para o persoal empregado público.
- Detalles
No DOG do 11/08/2022 publican:
- RESOLUCIÓN do 5 de agosto de 2022 pola que se ordena a publicación do Acordo do Consello da Xunta de Galiza, do 4 de agosto de 2022, polo que se aproba a relación de postos de traballo da Presidencia da Xunta de Galiza.
- RESOLUCIÓN do 5 de agosto de 2022 pola que se ordena a publicación do Acordo do Consello da Xunta de Galiza, do 4 de agosto de 2022, polo que se aproba a modificación da relación de postos de traballo da Vicepresidencia Primeira e Consellaría de Economía, Industria e Innovación.
- RESOLUCIÓN do 5 de agosto de 2022 pola que se ordena a publicación do Acordo do Consello da Xunta de Galiza, do 4 de agosto de 2022, polo que se aproba a modificación da relación de postos de traballo da Consellaría de Medio Ambiente, Territorio e Vivenda.
- RESOLUCIÓN do 5 de agosto de 2022 pola que se ordena a publicación do Acordo do Consello da Xunta de Galiza, do 4 de agosto de 2022, polo que se aproba a modificación da relación de postos de traballo da Consellaría do Medio Rural.
- RESOLUCIÓN do 5 de agosto de 2022 pola que se ordena a publicación do Acordo do Consello da Xunta de Galiza, do 4 de agosto de 2022, polo que se aproba a relación de postos de traballo do organismo autónomo Fondo Galego de Garantía Agraria.
- RESOLUCIÓN do 9 de agosto de 2022 pola que se ordena a publicación do Acordo do Consello da Xunta de Galiza do 4 de agosto de 2022 polo que se aproba a relación de postos de traballo da Axencia de Turismo de Galiza.
