O Presidente da Xunta e o Conselleiro de Medio Rural, Samuel Juarez, responderon a varias interpelacións presentadas polo BNG e PSOE. As intervencións de Tareixa Paz e Sonia Verdes foron en prol do monte galego, o futuro do noso rural e a defensa a ultranza dos traballadores forestais da Xunta de Galicia. Mentres, Samuel Juarez adicábase a traer grises cifras sen posible comparación, a usar os incendios do 2006, o compañeiro morto despois do accidente de aviación nun incendio e a retirada dos medios estatais para defenderse.
Para nós, os que ali estabamos, traballadores do SPDCIF e axentes forestais, foi bochornoso e indignante. Como un conselleiro pode facer este tipo de declaracións? Como pode defender que a prevención quede en mans privadas “para apoiar ás empresas forestais” e insistir na privatización continua dos servizos de extinción ao tempo que denuncia o "negocio do lume"?
E mencionar tamén a teima que ten de botar balóns fóra no caso da investigación e detención dos incendiarios aínda cando o BNG denunciou no pleno o desmantelamento efectivo das BIIF (Brigadas de Investigación de Incendios Forestais), compostas por axentes forestais da Xunta de Galicia.
Unha vez máis so queda berrar: SAMUEL JUAREZ: DIMISIÓN!!!