Inicio
Luns, 27 Outubro 2025

Manifestación do SPIF o 30 de outubro: a mobilización funciona!!

Seguimos adiante na loita aínda que CCOO, UGT e CSIF intenten deixar vendido ao persoal do Servizo de Incendios Forestais

Denunciamos a actitude desleal e irresponsable de CCOO, UGT e CSIF, que solicitaron DESPOIS DA CONVOCATORIA DA MANIFESTACIÓN, unha reunión coa Consellería do Medio Rural excluíndo a representación maioritaria do persoal.

Esta manobra, xusto antes da mobilización do 30 de outubro, busca desmobilizar, dividir e confundir, freando a loita colectiva por acadar melloras ...


Luns, 27 Outubro 2025

Sentenza histórica! O Supremo obriga a incluír nas pagas extras as gardas, nocturnidade, domingos e festivos

A CIG-Autonómica esiximos á Xunta de Galiza que aplique de oficio a sentenza do Tribunal Supremo nº 820/2025, do 25 de xuño, e que retribúa de forma completa e con carácter retroactivo os complementos salariais polas gardas, quendas, nocturnidade, domingos e festivos.

O Tribunal Supremo vén de establecer que cando as gardas, nocturnidade, domingos e festivos ou productividades por razón de servizo, cando se prestan dentro da xornada ordinaria, os complementos deben incluírse tamén nas ...


Venres, 24 Outubro 2025

A CIG reclama unha suba do 5% para o persoal empregado público e unha cláusula de garantía salarial vinculada ao IPC

A Área Pública da CIG (Administración, Ensino e Saúde) vén de iniciar a recollida de sinaturas da Proposición Non de Lei (PNL) para blindar por lei a revalorización salarial na administración xeral, o ensino e a sanidade

 A Área Pública da CIG  compareceu en rolda de prensa este luns para reiterar as demandas para garantir a recuperación da capacidade adquisitiva do persoal empregado público e dar a coñecer a campaña de recollida de sinaturas da PNL para o estabelecemento dunha ...


Martes, 21 Outubro 2025

A CIG denuncia a situación irregular e clientelar das comisións de servizo na Xunta de Galiza, en especial na Consellaría do Medio Rural

Nos últimos días coñecéronse novos anuncios de comisións de servizo na Consellaría do Medio Rural. Algunhas delas corresponden a prazas que xa foron adxudicadas de forma definitiva o 16 de outubro, e cuxas persoas titulares aínda nin sequera tomaron posesión. O persoal funcionario interino que se atopa ocupando esas prazas non foi cesado. Esta situación non é un feito illado, senón a mostra dun problema estrutural e prolongado no tempo na xestión do persoal público galego. Unha práctica ...


Luns, 20 Outubro 2025

30 de outubro: en pé por un Servizo de Incendios digno e público!

O persoal do Servizo de Incendios mobilízase o xoves 30 de outubro en Compostela por un servizo público, digno e con garantías laborais. A manifestación saíra ás 11 horas da Consellaría de Medio Rural en San Lázaro e rematará diante do edificio da Xunta en San Caetano.

Dende a CIG-Autonómica denunciamos a situación de abandono, desigualdade e mala xestión que padece o persoal do Servizo de Prevención e Defensa contra Incendios Forestais (SPIF) da Xunta de Galiza ao que ano tras ano e, ...


Luns, 20 Outubro 2025

Monte queimado e axentes baixo mínimos: a Xunta abandona o control da caza

No ano de maior devastación polos incendios, a Consellería de Medio Ambiente e Cambio Climático non activa as gardas de reforzo e deixa reducida ao 25 % a operatividade do cadro de axentes ambientais

A tempada de caza comeza este domingo 19 de outubro nun contexto especialmente delicado para o medio natural galego. Despois dun verán no que arderon milleiros de hectáreas, a Consellería, por vez primeira en anos, non activou as gardas do período extraordinario, deixando o servizo baixo ...


Venres, 17 Outubro 2025

A Xunta impón modificacións da Lei do emprego público de Galiza a través das leis de acompañamento e de orzamentos para o 2026 sen ningunha mellora

Dúas das normas máis relevantes para as persoas empregadas públicas como son a lei de orzamentos e a lei de acompañamento (lei de medidas fiscais e administrativas), o PP despachounas sen dar lugar sequera a unha negociación real. E para isto non nos enviou os textos das leis ata 20 horas antes da Mesa Xeral de Negociación de Empregados Públicos, e para poñer máis obstáculos enviou nova documentación media hora antes. A iso se lle chama mala fe negocial.

Pero non por iso renunciamos a ...


Mércores, 15 Outubro 2025

A clase traballadora galega para polos dereitos do pobo palestino e a fin da ocupación ilegal

Milleiros de persoas participaron nas 15 mobilizacións convocadas pola CIG con motivo da xornada de paro xeral

O paro xeral por Palestina está a ter un importante seguimento entre a clase traballadora galega, que unha vez máis amosa a súa solidariedade ao participar tamén de xeito masivo nas mobilizacións para reclamar a fin do xenocidio e da ocupación ilegal. A sinatura do cesamento ao fogo, malia que aínda non se materializou sobre o terreo, atende á reivindicación máis urxente para a ...


Martes, 14 Outubro 2025

Manifestación de bombeiras/os forestais en Madrid o 18 de outubro

A CIG, que participa coa Plataforma de bombeiras e bombeiros forestais nesta loita, chama a todas as compañeiras e compañeiros do colectivo a participar nesta manifestación.

COMUNICADO

A realidade golpea con contundencia, as condicións climáticas mostran o novo camiño dun novo escenario moito máis complexo no mundo dos incendios forestais e as diversas continxencias que se xeran na contorna rural, cada vez máis abandonado e peor xestionado. No que temos que destacar a necesidade ...


Martes, 14 Outubro 2025

A CIG reúnese coa consellería de Educación polo persoal non docente e as cociñas

O pasado venres 10 de outubro a CIG Autonómica mantivo unha reunión coa consellería de Educación pola situación do persoal non docente dos centros de ensino e as escalas de cociña. Esto foi despois de moitas solicitudes, e de ser necesario chegar á mobilización e o conflito, cunha manifestación en Compostela a finais do curso pasado e as concentracións en todos os departamentos territoriais dependentes da Consellería neste comezo de curso.

Nesta xuntanza puxemos enriba da mesa toda a ...


Martes, 14 Outubro 2025

Privatización da vixiancia de estradas. A AXI non aposta polo seu persoal e vai reforzar o servizo de vixilancia de estradas con persoal das empresas adxudicatarias

No mes de xullo, a CIG solicitou a revisión dos pregos no procedemento de licitación para a contratación da conservación ordinaria e da viabilidade invernal das estradas de titularidade da Comunidade Autónoma de Galiza. Con data do 10 de xuño de 2025, a Axencia Galega de Infraestruturas (AXI) fixo pública, a través da Plataforma de Contratación Pública de Galiza, a documentación relativa ao procedemento de licitación para a contratación da conservación ordinaria e da viabilidade invernal ...


  • Carmen Santamariña- Secretaria nacional da Federación de Administración Pública. (A Coruña)
  • Elvira Patiño- Membro da Executiva confederal da CIG. (A Coruña)
  • Xerardo Alvaredo- Membro da Executiva da CIG-Autonómica membro da Mesa Xeral de Empregados Públicos. (Lugo)
  • Delio López- Responsábel da CIG-Autonómica en Lugo, membro da Mesa Xeral de Negociación de Funcionarios/as e presidente da Xunta de Persoal. (Lugo)
  • Carolina Castro- Membro da Executiva da Federación, membro da Mesa Xeral de Empregados Públicos e do comité de empresa da Consellaría de Educación. (Ourense)
  • Alfonso Diz- Responsábel comarcal da CIG-Autonómica e membro da Mesa Sectorial de Negociación de Funcionarios/as. (Ourense)
  • Rafa Aguirrebengoa- Membro da Executiva da Federación e membro da Mesa Sectorial de Negociación de Funcionarios/as. (Ferrol)
  • Anxo Anta- Membro da Xunta de Persoal e membro da Mesa Sectorial de Negociación de Funcionarios/as. (Servizos Centrais)
  • Xosé Ramón Vázquez- Membro da Xunta de Persoal e membro da Mesa Sectorial de Negociación de Funcionarios/as. (Servizos Centrais)

Na CIG-Autonómica non temos nada que agochar. Somos o sindicato maioritario con 142 delegados/as sindicais (44 de persoal funcionario e 98 de persoal laboral) dos cales 11 están liberados/as para dar apoio aos compañeiros/as, asumir as negociacións nas mesas e para tarefas de dirección da CIG-Autonómica. 142 delegados eleitos onde 10 dos 11 son funcionarios/as e unha persoal laboral da Xunta.

Hai que lembrar que os delegados de funcionarios son escollidos en eleccións sindicais ás Xuntas de Persoal e que teñen o número de membros que marca a lei, non Función Pública, e que son os mesmos que para calquera empresa privada.

A maiores, como en moitos Convenios de empresas privadas e sectores, se establecen unha melloras, neste caso para asumir as negociacións coa Xunta de Galiza a través das mesas de negociación.

Co RD-l 20/2012, onde se nos quitou a extra, tamén se nos recortaron dereitos sindicais, entre eles as horas sindicais para tarefas de prevención de riscos laborais, as horas para os membros do comité intercentros, as horas sindicais dos delegados, etc.

Función Pública, ao igual que xa pasou na Administración do Estado, en Castela-León, Aragón, no Madrid de Esperanza Aguirre, dase conta agora que para cumplir co dereito á negociación colectiva que marca o EBEP necesita que as organizacións sindicais teñan liberados/as para acudir ás mesas e non queden invalidados todos os procesos que requiren negociación, incluídos os proxectos normativos, e por iso nos propón un acordo que á CIG-Autonómica lle suporía pasar de 11 liberados institucionais a 17.

Pero nós non queremos máis liberados institucionais. Nós queremos que restitúan aos nosos delegados e delegadas o crédito horario mensual acordado no Convenio, as horas para realizar tarefas de prevención, e as horas que lles permitan aos nosos/as compañeiros/as traballar no intercentros.

O que queremos non son máis liberados senón que os nosos delegados/as non se lle recorten as horas para o traballo sindical.

A Xunta prefire liberados/as, prefire que se acumulen horas (fai o cálculo sumando todas as horas dos delegados/as e dividindo por 150) para falar de liberados/as en vez de delegados/as.

Quere, menor número de representantes dos traballadores e os que haxa que sexan a tempo completo, para tratar de alonxar a acción sindical dos traballadores e que nos concentremos en cuestións burocráticas.

Pois ben, a CIG-Autonómica estaría disposta a renunciar a todas as liberacións se se restitúen ás horas sindicais aos nosos/as delegados/as pactadas no Convenio e as mínimas para os funcionarios recollidas na lexislación básica.

Si, temos liberados, 11 para 22.000 traballadores/as, ainda que a La Voz non lle guste.

 

Compostela, 1 de febreiro de 2013

 

Fernando García

Secretario nacional da CIG-Autonómica