Novas por contido

Após da demanda da CIG no 2020, o tribunal sentenza que as funcións que a Consellería de Cultura deriva son competencia exclusivas de funcionarios/as públicos que a Xunta despediu para contratar esta empresa.

A sucesión de encomendas, e xa van 9 dende o 2018, para o informe e inspección arqueolóxica na que gastou máis de 2.225.726 euros foi declarada ilegal e anula o ultimo contrato vixente. Nesta sentenza ao longo de 32 páxinas evidénciase o malfacer da Xunta de Galiza e cárgalle custas.

Así a Xustiza é clara cos seus argumentos neste fallo:

• Afecta a competencias propias da Subdirección Xeral de Protección do Patrimonio Cultural e do seu Servizo de Arqueoloxía, xa que están previstas prazas na RPT e a escala na LEPG.
• Trátase de funcións exclusivas de persoal funcionario público (informes técnicos que teñen que garantir a salvagarda de intereses xerais e o valor probatorio dos informes)
Non se xustifica a urxencia cando se enlazan encomendas sucesivas
• As funcións encomendadas non concordan nada co obxecto social da empresa TRAGSATEC e tampouco ten a consideración de medio propio.
• A empresa TRAGSATEC contratou a 16 das 17 persoas que tiñan que realizar as funcions encomendadas polo que se demostra que non tiña suficiencia técnica nin persoal, constituíndo unha infracción aos requisitos de suficiencia, eficiencia e idoneidade.
Nas listas de contratación da Xunta había máis de 130 arqueólogos/as polo que non se xustifica tampouco a falta de persoal.


Na CIG valoramos positivamente esta sentenza que pon freo a proliferación descontrolada de encomendas e asistencias técnicas da Xunta nos últimos tempos e que para dar validez probatoria a un informe de obras e actuación que afecten a intereses xerais como o patrimonio cultural, a saúde pública ou o medio ambiente debe ser realizado por un funcionario/a público.

Lembramos que a Dirección Xeral de Patrimonio Cultural no ano 2018 decidiu que para facer os informes técnicos de arqueoloxía era máis doado conveniar con Tragsatec que crear prazas de arqueólogos na RPT, ou mesmo cubrir as que tiña vacantes. E comezou a facer encomendas de xestión a esgalla ( ata o día de hoxe van 7).

Dende a CIG xa advertimos a ese centro directivo da desfeita destes convenios que eran manifestamente ilegais por extraer da esfera pública un traballo que só debería facer o persoal funcionario.

Amáis gastábase unha inxente cantidade de diñeiro que ben podería servir para crear esas prazas estruturais en RPT da escala de arqueólogos.

E sen mencionar a fraude que se lle facía ás persoas apuntadas nas listas de contratación, que eran directamente ignoradas nos seus dereitos ou mesmo contratadas de novo por Tragsatec; pero claro con peores condicións económicas e laborais.

A CIG denunciou esta situación e interpuxo un contencioso no 2020 que acaba de resolverse, botando por terra todo este amaño e anulando a encomenda de xestión feita por Patrimonio Cultural.

Cun razoamento contundente, ilegaliza todos os actos e institúe as funcións de inspección, elaboracións de informes e asesoramento técnico nos corpos funcionariais, neste caso de arqueólogos pero serve de “aviso a navegantes” para outras consellerías (Política Social, Mar, Medio Rural) que andan xogando coa mesma dinámica de externalización do traballo funcionarial.


E agora…

quen se vai responsabilizar dos 2 millóns dilapidados? como se van prover as prazas de funcionarios da escala de arqueólogos? quen vai dimitir por actuar contra a legalidade vixente?

 

Outras novas recentes

Venres, 19 Xullo 2024

Carreira profesional de persoal laboral e funcionario (graos I e II): requirimentos de emenda de documentación

No DOG do 19/07/2024 publican: - RESOLUCIÓN do 5 de xullo de 2024, da Dirección Xeral de Emprego Público e Administración de Persoal, pola que se publican os requirimentos de emenda de documentación das solicitudes presentadas ao abeiro da Orde do 29 de decembro de 2023 pola que se publica o Acordo entre a Xunta de Galiza e as organizacións sindicais CC.OO. e UGT polo que...
Martes, 16 Xullo 2024

Función Pública altera os criterios da estabilización, sen dar moitas explicacións

Cando a Dirección Xeral do Emprego Público e Administración de Persoal (DXEP) publicou o pasado 9 de xullo o baremo provisional do proceso de estabilización da categoría de xefe/a de brigada, saltaron as alarmas polo feito de que a experiencia profesional que se lle asignaba a moito persoal era superior á esperada, mesmo por riba da declarada polas propias persoas afectadas...
Mércores, 17 Xullo 2024

RPT de Educación (proposta 16/07/24)

A Consellaría de Educación, Ciencia, Universidades e Formación Profesional, convocounos a unha xuntanza para o día 18/07/24, para tratar unha proposta de modificación da súa relación de postos de traballo (RPT). Ao coincidir con outras xuntanzas para o mesmo día, as organizacións sindicais solicitamos mudar a data. Descargar a proposta. De entrada, na proposta queren...