O goberno de Alfonso Rueda volve a ofertar a mans privadas a xestión do centro ocupacional Souto de Leixa, que atende a persoas adultas discapacitadas, e que xa leva varios lustros dunha desastrosa xestión privada. Agora unha concesión por 12,7 millóns en 4 anos.
Unha das acepcións que o diccionario da RAG da para a o termo desleixar é o “non ter coidado dun mesmo ou das súas obrigacións, non ocuparse de algo por preguiza”. Un palmario exemplo práctico disto é a Resolución do 21 de maio de 2024 publicada no DOG do 03 de xuño de 2024, onde a Xunta vén de convocar o procedemento de asignación do concerto social para a xestión integral para o periodo 2024/2028 por 12,7 millóns de euros.
A pesares de anos de protestas de nais, pais e persoal polas deficientes condicións do trato ás usuarias/os, das denuncias e movilizacións masivas apoaiadas pola CIG, a pesares da penosa realidade na que está o centro dende que as mans privadas o xestionan, a Xunta lonxe de escoitar as queixas, avaliar as condicións de cumprimento do convenio, e de defender o servizo, volve a facer seu iso de “se non ques caldo toma sete tazas” e de novo prioriza porriba de todo os petos das grandes corporacións fronte ao que debería de ser a defensa das usuarias/os, e os servizos públicos de calidade.
