- Detalles
No DOG Núm. 155 do Xoves, 17 de agosto de 2017, publicouse a convocatoria de cursos de linguaxe administrativa galega de nivel medio e superior, presenciais e en liña, e cursos preparatorios para acadar os certificados de lingua galega (Celga), para o curso 2017/18, nas escolas oficiais de idiomas de Galicia.
Os cursos de linguaxe administrativa galega de nivel medio e superior van dirixidos aos empregados/as públicos/as da Administración autonómica, da Administración local e da Administración periférica do Estado na Comunidade Autónoma de Galicia, exceptuando o persoal docente da Consellería de Cultura, Educación e Ordenación Universitaria e o persoal sanitario, non entendendo por tales os empregados públicos da escala de saúde pública e Administración sanitaria creada pola Lei 17/1989, do 23 de outubro, de creación de escalas de persoal sanitario ao servizo da Comunidade Autónoma de Galicia.
- Detalles
A EGAP publica no DOG do martes 27 de xuño a resolución pola que convocan tres cursos de nivel medio e tres cursos de nivel superior de linguaxe administrativa galega para o persoal ao servizo das distintas administracións da Comundiade Autónoma.
As persoas interesadas teñen dez días naturais contados dende o 28/06/2017.
- Detalles
Poñemos a túa disposición o Boletín de Servizos Centrais do verán de 2017, cos seguintes contidos:
- Función Pública subtrae postos do futuro concurso xeral e da elección de destino.
- A CIG dí NON á derradeira proposta de acordo da segunda actividade para o persoal do SPDCIF.
- 29 de xuño: Manifestación en Compostela de Axentes Medioambientais.
- Concentración de rexeitamento aos orzamentos do Estado o día 28 de xuño na Coruña.
- Campaña de verán de alto risco. Reinicio da actividade laboral do persoal fixo descontinuo de 3 meses.
- Nota informativa sobre o horario de verán.
- Renovación do convenio da CIG-Administración Pública coa Academia Postal para a aplicación de descontos á afiliación.
- Novas de última hora.
- Detalles
Poñemos a túa disposición o boletín da CIG-Autonómica en servizos centrais de maio do 2017, co seguinte contido:
- Fondo de acción social 2016: a Xunta de Feijoo continúa cos recortes aos empregados/as públicos.
- Aniversario de AMTEGA: 5 anos de externalizacións.
- Máis emprego estrutural e menos horas extras do persoal médico do SERGAS en Política Social.
- O PP en contra da ampliación do contrato do persoal de reforzo do SPDCIF.
- Reservas para fillos/as do persoal da Xunta nas escolas infantís.
- Última hora.
- Detalles
No DOG do venres 5 de maio de 2017, publícase resolución da EGAP pola que se convocan actividades de formación en convenio de colaboración coas consellerías de Política Social, Sanidade e Cultura, Educación e Ordenación Universitaria.
Estas actividades van dirixidas ao persoal empregado público dependente das consellerías de Política Social, Sanidade, Cultura, Educación e Ordenación Universitaria e persoal empregado nos servizos sociais comunitarios, vinculado á atención temperá. No caso de quedaren prazas vacantes, poderán participar outros/as profesionais dependentes das administracións mencionadas que interveñan profesionalmente con menores de 0-6 anos de idade.
- Detalles
O Bombeiro Forestal, boletín da sección sindical da CIG de Medio Rural de Ourense. No número de primavera podedes ler os seguintes artigos:
- Editorial: Hai alguén aí...?
- Máis medios privados para a extinción
- Campaña: Plans de acción
- PNL fixos discontinuos de 3 meses
- O eucalipto na Picota
- Certificado de competencias profesionais
- Cadernos técnicos: os ventos
- Prevención: Traballo a quendas
- Datos lumes 2016
- Comisión de seguimento acordo Bombeir@s forestais
- Taboleiro de breves
Podedes descargar o boletín premendo na imaxe e tamén facendo click nesta ligazón
- Detalles
Poñemos a túa disposición o boletín da CIG-Autonómica en servizos centrais de abril do 2017, co seguinte contido:
- Actuación ante un dano da saúde sufrido no traballo.
- Acordos da comisión de listas.
- As bases de helicópteros contra incendios sen helicópteros.
- Asinar un acordo con datos falsos (acordo de mellora de emprego de Madrid).
- Última hora.
- Data probas físicas SPDCIF.
- Detalles
No DOG do luns, 10 de abril de 2017 a EGAP en colaboración co ISSGA convoca un curso de prevención de riscos laborais en actividades de tempo libre, nivel básico, para empregados públicos, traballadores por conta allea ou autónomos, empresarios e aquelas persoas con inquietudes no ámbito da prevención de riscos laborais.
O curso ten 60 horas de duración e conta con 30 prazas. Será en modalidade de teleformación. O prazo de presentación de solicitudes é do 11 ao 20 de abril de 2017 a través da páxina web da EGAP https://egap.xunta.gal/matricula.
- Detalles
No DOG do luns, 10 de abril de 2017 a EGAP publicou a convocatoria do Programa de autoformación para o persoal ao servizo das administracións territoriais, institucionais e entes públicos instrumentais do sector público da Comunidade Autónoma, así como para o persoal da Administración de xustiza de Galicia e de administración e servizos (PAS) das tres universidades galegas.
A autoformación oriéntase cara a adquisición de coñecementos e habilidades de xeito autónomo, asumindo a persoa participante un papel activo no proceso de aprendizaxe, a través do emprego das tecnoloxías da información e da comunicación, ao mesmo tempo que se lle ofrece a posibilidade de acreditar a súa competencia mediante unha proba voluntaria, que lle dá dereito a obter un certificado de equivalencia.
- Detalles
No DOG do venres 7 de abril de 2017 publicouse a convocatoria de cursos de linguaxe administrativa galega para o persoal que preste servizo na Administración xeral da Comunidade Autónoma de Galicia e das entidades públicas instrumentais do sector público autonómico. Estos cursos están organizados pola EGAP en colaboración coa Consellería de Cultura, Educación e Ordenación Universitaria, a través da Secretaría Xeral de Política Lingüística.
Convócase as seguintes edicións de 25 prazas cada unha:
- 5 edicións de nivel medio en modalidade de teleformación
- 6 edicións de nivel superior en modalidade de teleformación
- 1 edición de nivel medio en modalidade presencial (SANTIAGO).
- 2 de nivel superior en modalidade presencial (SANTIAGO).
