- Detalles
No DOG do 26/10/2021 publican o ACORDO do 15 de outubro de 2021, do tribunal designado para cualificar o proceso selectivo para o ingreso, pola quenda de acceso libre, no corpo auxiliar da Administración xeral da Comunidade Autónoma de Galiza, subgrupo C2, convocado pola Orde do 22 de novembro de 2019.
Publican no portal web da Xunta de Galiza, funcionpublica.xunta.gal, as puntuacións obtidas polas persoas aspirantes que viron modificada a súa puntuación.
- Detalles
No DOG do 25/10/2021 o Consello de Contas de Galiza publica a RESOLUCIÓN do 14 de outubro de 2021 pola que se dá publicidade do Acordo do Pleno do 6 de outubro de 2021 polo que se aproban as bases comúns para a convocatoria de concursos específicos de méritos.
- Detalles
No DOG do 22/10/2021 publican a RESOLUCIÓN do 19 de outubro de 2021 pola que se amplía o prazo de realización do primeiro exercicio do proceso selectivo para o ingreso na escala de auxiliar do Servizo de Prevención e Defensa contra Incendios Forestais, subgrupo C2, nas especialidades de emisorista/vixilante fixo/a, bombeiro forestal-condutor de motobomba e bombeiro forestal, do corpo de auxiliares de carácter técnico de Administración especial da Administración xeral da Comunidade Autónoma de Galiza.
Amplian o prazo de realización do primeiro exercicio do proceso selectivo para o ingreso na escala de auxiliar do Servizo de Prevención e Defensa contra Incendios Forestais, subgrupo C2, nas especialidades de emisorista/vixilante fixo/a, bombeiro forestal‑condutor de motobomba e bombeiro forestal, do corpo de auxiliares de carácter técnico da Administración especial da Administración xeral da Comunidade Autónoma de Galiza, en vinte días hábiles.
- Detalles
No DOG do 22/10/2021 publican a RESOLUCIÓN do 11 de outubro de 2021 do tribunal designado para cualificar o proceso selectivo para o ingreso no corpo facultativo superior, escala de ciencias na especialidade de bioloxía, de Administración especial da Administración xeral da Comunidade Autónoma de Galiza, subgrupo A1.
Publican as puntuacións definitivas obtidas polas persoas aspirantes que realizaron o primeiro exercicio da fase de oposición no portal web da Xunta de Galiza, funcionpublica.xunta.gal
- Detalles
No DOG do 21/10/2021 o Consello de Contas de Galiza publica a RESOLUCIÓN do 13 de outubro de 2021 pola que se ordena a publicación do Acordo do Pleno do 6 de outubro de 2021 polo que se regula o teletraballo do persoal desta entidade.
- Detalles
No DOG do 21/10/2021 a Axencia Galega de Innovación publica a RESOLUCIÓN do 13 de outubro de 2021 pola que se convocan dous postos de persoal investigador, na modalidade de investigador distinguido, para beneficiarios dunha bolsa do Consello Europeo de Investigación (ERC), no marco do programa Oportunius (código de procedemento IN859A).
O prazo para presentar as solicitudes será de quince días naturais, que se contarán a partir do seguinte ao da publicación desta convocatoria no DOG.
- Detalles
No DOG do 20/10/2021 publican a RESOLUCIÓN do 13 de outubro de 2021, do tribunal designado para cualificar o proceso selectivo de consolidación de emprego temporal para o acceso a postos de auxiliar administrativo (subgrupo C2), convocado mediante o Acordo da Comisión de Goberno do Consello de Contas de Galiza do 13 de xullo de 2020 (DOG número 148, do 24 de xullo).
Unha vez feita a corrección dos exames en sesión do 11 de outubro de 2021, de acordo cos criterios anteriores, acadou a puntuación mínima de 15 puntos un total de 113 aspirantes.
Acordouse publicar no portal web do Consello de Contas de Galiza (https:// www.ccontasgalicia.es/gl/content/taboleiro-de-novas-de-procesos-selectivos) os resultados obtidos polas persoas aspirantes que se presentaron ao primeiro exercicio.
- Detalles
No DOG do 19/10/2021 publican a RESOLUCIÓN do 7 de outubro de 2021, do tribunal designado para xulgar o proceso selectivo para o ingreso no corpo superior da Administración xeral da Comunidade Autónoma de Galiza, subgrupo A1, escala superior de estatísticos/ as, convocado pola Orde do 22 de abril de 2019 pola que se dá publicidade a diversos acordos.
Publican as puntuacións obtidas polas persoas aspirantes que superaron o segundo exercicio do proceso selectivo para o ingreso no corpo superior da Administración xeral da Comunidade Autónoma de Galiza, subgrupo A1, escala superior de estatísticos/as no portal web corporativo funcionpublica.xunta.gal, así como a relación das que non acadaron os mínimos establecidos na base II.1.2 da convocatoria. As puntuacións acadadas constan no anexo I.
- Detalles
No DOG do 19/10/2021 a EGAP convoca o curso monográfico A innovación social no sector público.
O prazo para a inscrición estará aberto desde as 8.00 horas do día seguinte ao da publicación desta resolución no DOG ata as 23.55 horas do día 25 de outubro de 2021.
- Detalles
No DOG do 18/10/2021 publican:
RESOLUCIÓN do 30 de setembro de 2021, do tribunal designado para xulgar o proceso selectivo extraordinario de consolidación para o ingreso na categoría 005 do grupo I, titulado/a superior veterinario, do persoal laboral fixo da Xunta de Galiza, convocado pola Resolución do 10 de decembro de 2020 (DOG número 249, do 11 de decembro), pola que se fai pública a data, a hora e o lugar de realización do primeiro exercicio do proceso selectivo.
O primeiro exercicio do proceso selectivo terá lugar o día 30 de outubro de 2021, en chamamento único que se iniciará ás 9.30 horas, na Feira Internacional de Galicia en Silleda.
RESOLUCIÓN do 30 de setembro de 2021, do tribunal designado para xulgar o proceso selectivo para o ingreso, pola quenda de acceso libre e promoción interna, no corpo facultativo superior de administración especial da Administración xeral da Comunidade Autónoma de Galiza, escala de veterinarios (subgrupo A1), convocado pola Resolución do 10 de decembro de 2020 (DOG número 249, do 11 de decembro), pola que se fai pública a data, a hora e o lugar de realización do primeiro exercicio do proceso selectivo.
O primeiro exercicio do proceso selectivo terá lugar o día 30 de outubro de 2021, en chamamento único que se iniciará ás 9.30 horas, na Feira Internacional de Galicia en Silleda.