- Detalles
No DOG do 20/01/2022 publican a ORDE do 19 de xaneiro de 2022 pola que se ditan instrucións sobre a confección de nóminas do persoal ao servizo da Administración autonómica para o ano 2022.
O título II da Lei 17/2021, do 27 de decembro, de orzamentos xerais da Comunidade Autónoma de Galiza para o ano 2022, dedica o capítulo II a regular as retribucións de todo o persoal ao servizo da Comunidade Autónoma, e no artigo 11 establece que as retribucións non poderán experimentar un incremento global superior ao 2 % con respecto ás vixentes en 31 de decembro de 2021, en termos de homoxeneidade para os dous períodos da comparación, tanto polo que respecta a efectivos de persoal como á súa antigüidade.
- Detalles
No DOG do 19/01/2022 a EGAP publica:
- RESOLUCIÓN do 22 de decembro de 2021 pola que se aproban as bases reguladoras e se convoca unha bolsa de formación en estudos relacionados co dereito administrativo (código de procedemento PR770F).
EXTRACTO da Resolución do 22 de decembro de 2021 pola que se aproban as bases reguladoras e se convoca unha bolsa de formación en estudos relacionados co dereito administrativo (código de procedemento PR770F).
- RESOLUCIÓN do 22 de decembro de 2021 pola que se aproban as bases reguladoras e se convoca unha bolsa de formación para a xestión de procesos de avaliación e calidade (código de procedemento PR770P).
EXTRACTO da Resolución do 22 de decembro de 2021 pola que se aproban as bases reguladoras e se convoca unha bolsa de formación para a xestión de procesos de avaliación e calidade (código de procedemento PR770P).
O prazo de presentación de solicitudes será dun mes, contado a partir do día seguinte ao da publicación destas convocatorias no DOG.
- Detalles
No DOG do 17/01/2022 publican o DECRETO 1/2022, do 13 de xaneiro, polo que se crea a Delegación Territorial da Xunta de Galiza en Ferrol.
A Delegación Territorial da Xunta de Galiza en Ferrol estará integrada polos municipios de Ferrol, Narón, Valdoviño, Cedeira, Ares, Mugardos, Fene, Neda, San Sadurniño, Moeche, As Somozas, Pontedeume, Cabanas, A Capela, As Pontes de García Rodríguez, Monfero, Cerdido, Cariño, Ortigueira e Mañón.
- Detalles
No DOG do 14/01/2022 publican o ACORDO do 3 de xaneiro de 2022, do tribunal designado para cualificar o proceso selectivo para o ingreso, pola quenda de acceso libre, no corpo auxiliar da Administración xeral da Comunidade Autónoma de Galiza, subgrupo C2, convocado mediante a Orde do 22 de novembro de 2019.
Publican as cualificacións do terceiro exercicio.
- Detalles
No DOG do 12/01/2022 publican a RESOLUCIÓN do 31 de decembro de 2021, do tribunal designado para cualificar o proceso selectivo para o ingreso no corpo superior da Administración xeral da Comunidade Autónoma de Galiza, subgrupo A1, escala de sistemas e tecnoloxía da información, convocado pola Orde do 1 de marzo de 2018 (DOG número 47, do 7 de marzo), pola que se dá publicidade dun novo aspirante que superou o proceso selectivo.
- Detalles
No DOG do 11/01/2022 publican a RESOLUCIÓN do 27 de decembro de 2021 pola que se convoca o proceso selectivo para a provisión, mediante contrato laboral temporal, dunha praza de titulado/a superior, xestor de proxecto (proxecto MonitoRIS3).
O prazo de presentación de solicitudes será de 10 días hábiles desde o día seguinte ao da súa publicación oficial.
- Detalles
No DOG do 11/01/2022 publican o ANUNCIO do 17 de decembro de 2021 polo que se abre o prazo para presentar solicitudes, para o ano 2021, de paso á segunda actividade do persoal das categorías de bombeiro/a forestal do Servizo de Defensa contra Incendios Forestais, derivado do publicado pola Resolución do 9 de xaneiro de 2017, da Secretaría Xeral de Emprego da Consellaría de Economía, Emprego e Industria.
Poden solicitar o paso á segunda actividade os traballadores fixos e temporais das categorías de bombeiros/as forestais que cumpran ou teñan cumpridos xa no ano 2022 os 60 anos de idade, que non estean acollidos á xubilación parcial e que se comprometan a xubilarse á idade legalmente establecida ou, de seren maiores de 65 anos, no prazo dun ano despois de concedida a segunda actividade.
O prazo de solicitude abranguerá desde o día seguinte ao da publicación no DOG ata o día 31 de xaneiro de 2022, ambos incluídos.
- Detalles
No DOG do 07/01/2022 publican a RESOLUCIÓN do 23 de decembro de 2021, do tribunal encargado de cualificar o proceso selectivo para o ingreso no corpo superior de Administración xeral da Comunidade Autónoma de Galiza, subgrupo A1, escala de letrados, convocado pola Resolución do 15 de abril de 2021, publicada no DOG número 76, do 23 de abril, pola que se fai pública a data, a hora e o lugar de realización do primeiro exercicio.
- Detalles
No DOG do 04/01/2022 publican a RESOLUCIÓN do 22 de decembro de 2021, do tribunal designado para cualificar o proceso selectivo para o ingreso na agrupación profesional de persoal funcionario subalterno da Administración xeral da Comunidade Autónoma de Galiza, subgrupo agrupacións profesionais.
Publican no portal web corporativo funcionpublica.xunta.gal as puntuacións das persoas aspirantes convocadas para a realización do segundo exercicio.