- Detalles
No DOG do 14/09/2022 a EGAP publica a RESOLUCIÓN do 5 de setembro de 2022 pola que se convoca o webinario O réxime do funcionario interino tras o Real decreto lei 14/2021, do 6 de xullo, de medidas urxentes para a redución da temporalidade no emprego público.
Esta actividade está dirixida ao persoal empregado público, en situación de servizo activo ou asimilada, da Administración autonómica galega, das súas entidades públicas instrumentais e da Administración institucional, da Administración local, da Administración de xustiza e das universidades do Sistema universitario de Galiza.
Data: xoves 22 de setembro de 2022. Modo de impartición: telepresenza. Horario: das 12.00 ás 14.00 horas. Duración: 2 horas lectivas.
O prazo para a inscrición estará aberto desde as 8.00 horas do día seguinte ao da publicación desta resolución no DOG ata as 23.55 horas do día 18 de setembro de 2022.
- Detalles
No DOG do 12/09/2022 publican o DECRETO 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galiza e das entidades públicas instrumentais integrantes do sector público autonómico.
O regulamento resulta de aplicación ao persoal funcionario de carreira da Administración xeral da Comunidade Autónoma de Galiza e das entidades públicas instrumentais do sector público autonómico enumeradas no artigo 45.a) da Lei 16/2010, do 17 de decembro, de organización e funcionamento da Administración xeral e do sector público autonómico de Galiza.
De acordo co artigo 89.1 da Lei 2/2015, do 29 de abril, o concurso é o procedemento normal de provisión de postos de traballo polo persoal funcionario de carreira e consiste na valoración dos méritos e das capacidades e, de ser o caso, das aptitudes dos candidatos conforme as bases establecidas na correspondente convocatoria.
O concurso para a provisión de postos de traballo poderá ser ordinario ou específico segundo se determine na relación de postos de traballo.
Os concursos para a provisión de postos de traballo poden convocarse para a xeneralidade dos postos de traballo vacantes, para postos de traballo dun determinado ámbito ou para postos de traballo concretos, en atención ás necesidades do servizo. En todo caso, non se incluirán neles os postos de traballo que teñan adscrito persoal funcionario de carreira por motivos de saúde ou rehabilitación ou por motivos de violencia de xénero.
En todo caso, de conformidade co disposto nas bases da convocatoria, estará obrigado a participar nos concursos ordinarios de provisión de postos de traballo o persoal funcionario de carreira que se atope nalgún dos seguintes supostos:
a) Persoal removido do posto obtido por concurso ordinario ou específico, agás que acceda a outro posto con carácter definitivo.
b) Persoal removido do posto obtido mediante libre designación, agás que acceda a outro posto con carácter definitivo.
c) Persoal cuxo posto de traballo sexa obxecto de amortización.
d) Persoal adscrito con carácter provisional a un posto de traballo.
e) Persoal que non se atope adscrito nun determinado posto de traballo.
O incumprimento desta obriga determinará a declaración da situación de excedencia voluntaria por interese particular.
O disposto nesta alínea será de aplicación en exclusiva aos postos de persoal funcionario de carreira de Administración xeral e especial.
De acordo co artigo 92.1 da Lei 2/2015, do 29 de abril, a libre designación con convocatoria pública consiste na apreciación discrecional polo órgano competente da idoneidade das persoas solicitantes en relación cos requisitos exixidos para o desempeño do posto.
Os procedementos de concurso, sexa ordinario ou específico, e libre designación con convocatoria pública para a provisión de postos de traballo rexeranse pola correspondente convocatoria, que se axustará ao establecido no presente regulamento e ás normas específicas que resulten de aplicación.
- Detalles
No DOG do 09/09/2022 publican a RESOLUCIÓN do 1 de setembro de 2022, do tribunal cualificador do proceso extraordinario de consolidación para o ingreso na categoría 004 do grupo I, titulado/a superior, de persoal laboral fixo da Xunta de Galiza, convocado pola Orde do 22 de novembro de 2019 pola que se fai pública a baremación definitiva da fase de concurso.
Fan pública, como anexo a esta resolución, a baremación definitiva da fase de concurso, con indicación da puntuación obtida polas persoas aspirantes, de conformidade co disposto nas bases II.2, II.3 e II.5 da convocatoria.
- Detalles
No DOG do 07/09/2022 a EGAP publica a RESOLUCIÓN do 31 de agosto de 2022 pola que se convocan actividades de formación continua en materia de economía pública.
O prazo de presentación de solicitudes estará aberto desde o día seguinte ao da publicación desta resolución no DOG ata o día 12 de setembro de 2022.
As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo <https://egap.xunta.gal/ matricula> desde as 8.00 horas da data de inicio do prazo de presentación de solicitudes e ata as 23.55 horas da data de finalización. As solicitudes entenderanse presentadas unha vez que se complete correctamente o proceso de matriculación.
- Detalles
No DOG do 05/09/2022 publican:
- RESOLUCIÓN do 31 de agosto de 2022 pola que se modifica a composición do tribunal encargado de cualificar o proceso selectivo de acceso libre para o ingreso no corpo facultativo de grao medio de administración especial da Administración xeral da Comunidade Autónoma de Galiza, subgrupo A2, escala de enxeñeiros técnicos, especialidade de enxeñaría técnica forestal.
- RESOLUCIÓN do 31 de agosto de 2022 pola que se modifica a composición do tribunal encargado de cualificar o proceso selectivo de estabilización para o ingreso no corpo facultativo de grao medio de administración especial da Administración xeral da Comunidade Autónoma de Galiza, subgrupo A2, escala de enxeñeiros técnicos, especialidade de enxeñaría técnica forestal.
- Detalles
No DOG do 05/09/2022 publican a RESOLUCIÓN do 30 de agosto de 2022 pola que se resolve o concurso ordinario para a provisión de postos de traballo vacantes do corpo superior da Administración xeral da Comunidade Autónoma de Galiza, escala superior de estatísticos, e do corpo de xestión da Administración xeral da Comunidade Autónoma de Galiza, escala técnica de estatísticos, convocado pola Resolución do 5 de abril de 2022.
Adxudican e fan públicas as adxudicacións dos postos de traballo ás persoas que se relacionan no anexo. Esta información atópase ao dispor das persoas interesadas no portal web corporativo da Xunta de Galiza http://funcionpublica.xunta.gal, na epígrafe <concurso de traslados>.
- Detalles
No DOG do 05/09/2022 publican a RESOLUCIÓN do 30 de agosto de 2022, do tribunal nomeado para cualificar o proceso selectivo extraordinario de consolidación para o ingreso na categoría 017 do grupo II, asistente/a social, de persoal laboral fixo da Xunta de Galiza, convocado pola Orde do 4 de novembro de 2019 (DOG número 213, do 8 de novembro) pola que se fai pública a baremación provisional da fase de concurso.
Fan pública, como anexo a esta resolución, a baremación provisional da fase de concurso, con indicación da puntuación obtida polas persoas aspirantes, de conformidade co disposto na base II.2 da convocatoria.
- Detalles
No DOG do 02/09/2022 publican a RESOLUCIÓN do 29 de agosto de 2022, da Dirección Xeral da Función Pública, pola que se dá publicidade da modificación da Resolución do 16 de maio de 2022 pola que se aproban e se fan públicas as listaxes definitivas de persoas admitidas e excluídas no proceso selectivo de acceso libre para o ingreso no corpo de axudantes de carácter facultativo de Administración especial da Administración xeral da Comunidade Autónoma de Galiza, subgrupo C1, escala de axentes do Servizo de Gardacostas de Galiza.
- Detalles
No DOG do 02/09/2022 publican a ORDE do 29 de agosto de 2022 pola que se modifica a Orde do 25 de marzo de 2015 pola que se inicia o procedemento de integración como persoal laboral da Xunta de Galiza do persoal laboral fixo da extinta Empresa Pública de Obras e Servizos Hidráulicos (EPOSH), adscrito á entidade pública empresarial Augas de Galiza, e se regula a desistencia das solicitudes presentadas no procedemento iniciado ao abeiro dela.
Cómpre modificar a referida Orde do 25 de marzo de 2015 coa seguinte finalidade:
a) Corrixir o número e a denominación dos postos relacionados no anexo I-B.
b) Dotar dunha maior seguridade xurídica o procedemento de integración, abrir un novo prazo para que o persoal poida desistir da súa solicitude de integración, dado que desde a publicación da orde de inicio do procedemento se introduciron modificacións nas relacións xurídico-laborais do persoal afectado pola integración a través do Decreto 165/2019, do 26 de decembro, e da Lei 4/2021, do 28 de xaneiro, que o persoal que presentara solicitudes de integración no puido ter en conta no seu momento.
c) Posibilitar a continuación do procedemento iniciado coas solicitudes presentadas ao abeiro da Orde do 25 de marzo de 2015.
- Detalles
No DOG do 01/09/2022 publican a RESOLUCIÓN do 4 de agosto de 2022, da Dirección Xeral da Función Pública, pola que se dá publicidade da modificación da Resolución do 6 de xuño de 2022 pola que se aproban e se fan públicas as listaxes definitivas de persoas admitidas e excluídas no proceso selectivo de acceso libre para o ingreso no corpo facultativo superior de Administración especial da Administración xeral da Comunidade Autónoma de Galiza, subgrupo A1, escala de arquitectos.
