- Detalles
No DOG do 18/04/2022 publican:
- RESOLUCIÓN do 11 de abril de 2022 pola que se nomea o tribunal que deberá cualificar o proceso selectivo para o ingreso no corpo superior da Administración xeral da Comunidade Autónoma de Galiza, subgrupo A1, escala superior de seguridade e saúde no traballo, especialidades de seguridade no traballo, de hixiene industrial e de ergonomía e psicosocioloxía aplicada.
- RESOLUCIÓN do 11 de abril de 2022 pola que se nomea o tribunal que deberá cualificar o proceso selectivo para o ingreso na escala superior de saúde laboral, subgrupo A1, do corpo facultativo superior de Administración especial da Administración xeral da Comunidade Autónoma de Galiza.
- RESOLUCIÓN do 11 de abril de 2022 pola que se nomea o tribunal que deberá cualificar o proceso selectivo para o ingreso no corpo de xestión da Administración xeral da Comunidade Autónoma de Galiza, subgrupo A2, escala técnica de seguridade e saúde no traballo, especialidades de seguridade no traballo e de hixiene industrial.
- RESOLUCIÓN do 11 de abril de 2022 pola que se nomea o tribunal que deberá cualificar o proceso selectivo para o ingreso na escala técnica de saúde laboral, subgrupo A2, do corpo facultativo de grao medio de Administración especial da Administración xeral da Comunidade Autónoma de Galiza.
- Detalles
No DOG do 18/04/2022 publican a RESOLUCIÓN do 7 de abril de 2022 pola que se amplía o prazo de realización do segundo exercicio do proceso selectivo para o ingreso, pola quenda de acceso libre e de promoción interna, no corpo superior da Administración xeral da Comunidade Autónoma de Galiza, subgrupo A1, escala de letrados.
Amplían o prazo de realización do segundo exercicio do proceso selectivo en vinte dias hábiles.
- Detalles
No DOG do 12/04/2022 a EGAP publica a RESOLUCIÓN do 4 de abril de 2022 pola que se convoca o curso monográfico Economía política e estabilidade orzamentaria.
O prazo para a inscrición estará aberto desde as 9.00 horas do día seguinte ao da publicación desta resolución no DOG ata as 23.55 horas do 18 de abril de 2022.
- Detalles
No DOG do 08/04/2022 publican a Resolución do 5 de abril de 2022 pola que se convoca concurso ordinario para a provisión de postos de traballo vacantes do corpo superior da Administración xeral da Comunidade Autónoma de Galiza, escala superior de estatísticos, e do corpo de xestión da Administración xeral da Comunidade Autónoma de Galiza, escala técnica de estatísticos.
A solicitude deberá presentarse electronicamente a partir do día seguinte ao da publicación da convocatoria no DOG e ata o día 3 de maio de 2022.
- Detalles
No DOG do 08/04/2022 publican:
RESOLUCIÓN do 4 de abril de 2022, do tribunal encargado de cualificar o proceso selectivo para o ingreso na escala de auxiliar do Servizo de Prevención e Defensa contra Incendios Forestais, subgrupo C2, nas especialidades de emisorista/vixilante fixo/a, bombeiro forestal-condutor de motobomba e bombeiro forestal, do corpo de auxiliares de carácter técnico da Administración especial da Administración xeral da Comunidade Autónoma de Galiza, convocado pola Orde do 28 de febreiro de 2019 (DOG número 44, do 4 de marzo), pola que se fai público o resultado do terceiro exercicio do proceso selectivo.
RESOLUCIÓN do 5 de abril de 2022, da Dirección Xeral da Función Pública, pola que se fai público o procedemento para a acreditación dos méritos correspondentes á fase de concurso do proceso selectivo para o ingreso na escala de auxiliar do Servizo de Prevención e Defensa contra Incendios Forestais, subgrupo C2, nas especialidades de emisorista/vixilante fixo/a, bombeiro forestal-condutor motobomba e bombeiro forestal, do corpo de auxiliares de carácter técnico de Administración especial da Administración xeral da Comunidade Autónoma de Galiza.
No prazo dos 10 días hábiles seguintes ao da publicación da presente resolución no DOG, as persoas aspirantes actuarán do xeito que se indica.
- Detalles
No DOG do 06/04/2022 publican a RESOLUCIÓN do 29 de marzo de 2022, da Dirección Xeral da Función Pública, pola que se fai pública a relación de persoas admitidas e excluídas con carácter provisional que solicitaron a inclusión nas listas únicas para a cobertura con carácter transitorio de prazas reservadas a persoal funcionario de determinados corpos, escalas ou especialidades, ao abeiro do establecido no artigo 5.2 da Orde do 20 de xullo de 2021, e a nova valoración provisional dos méritos de todas as persoas admitidas nas devanditas listas.
As listas poderán consultarse no portal web corporativo da Xunta de Galiza, https://funcionpublica.xunta.gal, epígrafe de listas de contratación; e nas oficinas de rexistro e atención á cidadanía da Xunta de Galiza (oficinas dos edificios administrativos da Vicepresidencia Primeira e Consellaría de Presidencia, Xustiza e Turismo).
Figuran as persoas solicitantes admitidas nas listas únicas, ao abeiro da Resolución do 11 de outubro de 2021, procedentes de listas de contratación temporal de categorías profesionais laborais equivalentes, e a nova valoración dos méritos de todas as persoas admitidas nas listas únicas, incluídas as admitidas con carácter definitivo por solicitudes anteriores á dita data nos termos establecidos no artigo 2 da Orde do 20 de xullo de 2021, con indicación da puntuación provisional resultante da aplicación do baremo, conforme o establecido no artigo 6 e na disposición transitoria primeira da Orde do 20 de xullo de 2021, en relación co seu artigo 2, e as persoas excluídas ao abeiro da Resolución do 11 de outubro de 2021, con expresión da causa de exclusión.
As persoas interesadas disporán dun prazo de dez días hábiles, contados a partir do día seguinte ao da publicación desta resolución no DOG, para presentar reclamacións ante a Comisión Permanente (Dirección Xeral da Función Pública, Consellaría de Facenda e Administración Pública, Edificio Administrativo San Caetano, s/n, Santiago de Compostela).
| Grupo | Corpo/escala | Denominación |
| A1 | 205G | Escala de sistemas e tecnoloxía da información |
| A1 | 2060 | Corpo superior da Administración xeral da Comunidade Autónoma de Galicia |
| A1 | 2062 | Escala de enxeñeiros. Especialidade de enxeñaría de camiños, canles e portos |
| A1 | 2064 | Escala de enxeñeiros. Especialidade de enxeñaría industrial |
| A2 | 2051 | Corpo de xestión da Administración xeral da Comunidade Autónoma de Galicia |
| A2 | 205H | Escala de xestión de sistemas de informática |
| A2 | 2077 | Escala de enxeñeiros técnicos. Especialidade de enxeñaría técnica agrícola |
| C1 | 2053 | Corpo administrativo da Administración xeral da Comunidade Autónoma de Galicia |
| C1 | 205I | Escala técnica auxiliar de informática |
| C2 | 2059 | Corpo auxiliar da Administración xeral da Comunidade Autónoma de Galicia |
| 2055 | Agrupación profesional do persoal funcionario subalterno da Administración xeral da Comunidade Autónoma de Galicia |
- Detalles
No DOG do 06/04/2022 a EGAP publica a RESOLUCIÓN do 28 de marzo de 2022 pola que se convocan cursos de formación en prevención de riscos laborais: primeiros auxilios, loita contra incendios e evacuación.
Poderá participar nas accións formativas convocadas mediante esta resolución o persoal dos equipos de alarma e evacuación, de primeira intervención e de primeiros auxilios, así como o persoal que exerza a xefatura de emerxencia e/ou primeira intervención dos centros de traballo da provincia de Lugo recollidos no anexo II, que son os seguintes:
- Persoal dos equipos de alarma e evacuación, de primeira intervención e de primeiros auxilios, así como o persoal que exerza a xefatura de emerxencia e/ou primeira intervención da Residencia de Maiores A Milagrosa en Lugo.
- Persoal dos equipos de alarma e evacuación, de primeira intervención e de primeiros auxilios, así como o persoal que exerza a xefatura de emerxencia e/ou primeira intervención do Edificio Administrativo da Xunta de Galiza en Lugo, sito na rolda da Muralla, 70.
- Persoal dos equipos de alarma e evacuación, de primeira intervención e de primeiros auxilios, así como o persoal que exerza a xefatura de emerxencia e/ou primeira intervención da Residencia de Maiores As Gándaras, en Lugo.
O prazo de presentación de solicitudes será de oito días a partir do día seguinte ao da publicación desta resolución no DOG.
- Detalles
No DOG do 05/04/2022 a EGAP publica a RESOLUCIÓN do 28 de marzo de 2022 pola que se convoca o curso monográfico Introdución á fiscalidade internacional.
O prazo para a inscrición estará aberto desde as 9.00 horas do día seguinte ao da publicación desta resolución no DOG ata as 23.59 horas do 11 de abril de 2022.
- Detalles
No DOG do 05/04/2022 a EGAP publica a RESOLUCIÓN do 31 de marzo de 2022 pola que se convoca o Programa de autoformación para o persoal ao servizo das administracións territoriais, institucionais e entes públicos instrumentais do sector público da Comunidade Autónoma, así como para o persoal da Administración de xustiza de Galiza e de administración e servizos (PAS) das tres universidades do Sistema universitario de Galiza (SUG).
Todo o persoal destinado nas administracións territoriais, institucionais e entes públicos instrumentais do sector público da comunidade autónoma, así como o persoal da Administración de xustiza de Galiza e de administración e servizos (PAS) das tres universidades do Sistema universitario de Galiza (SUG) que reúna os requisitos establecidos nesta convocatoria e, concretamente, na base primeira do anexo II, pode acceder aos contidos das actividades do Programa de autoformación, sen pasar por un proceso de selección, inscribíndose na zona de matrícula da EGAP, no enderezo <https://egap.xunta.gal/matricula>.
A inscrición para o acceso aos contidos pode facerse en calquera momento a partir do día seguinte ao da publicación desta resolución no DOG.
Pode participar nas probas de avaliación das actividades do Programa de autoformación o persoal destinado nas administracións territoriais, institucionais e entes públicos instrumentais do sector público da Comunidade Autónoma, así como o persoal da Administración de xustiza de Galiza e de administración e servizos (PAS) das tres universidades do Sistema universitario de Galiza (SUG), que non se encontre en situación de servizos noutras administracións públicas diferentes das que sexan obxecto desta convocatoria, excedencia voluntaria e suspensión de funcións, e reúna os requisitos establecidos nesta convocatoria e para cada un dos casos neste anexo II. Está exceptuado o persoal docente da Consellaría de Cultura, Educación e Universidade, o persoal das escalas dos corpos da policía de Galiza e o persoal do Servizo Galego de Saúde; non se entende por tal o persoal empregado público da escala de saúde pública e administración sanitaria creada pola Lei 17/1989, do 23 de outubro, de creación de escalas de persoal sanitario ao servizo da Comunidade Autónoma de Galiza.
O prazo de presentación de solicitudes será desde o día seguinte ao da publicación desta resolución no DOG e ata o 31 de maio de 2022.
- Detalles
No DOG do 04/04/2022 publican:
- RESOLUCIÓN do 30 de marzo de 2022 pola que se convoca o proceso selectivo para o ingreso na agrupación profesional de persoal funcionario subalterno da Administración xeral da Comunidade Autónoma de Galiza.
O sistema selectivo será o de oposición.
O prazo para presentar as solicitudes será de vinte (20) días hábiles, que se contarán a partir do seguinte ao da publicación desta convocatoria no DOG.
- RESOLUCIÓN do 30 de marzo de 2022 pola que se convoca o proceso selectivo para o ingreso na agrupación profesional de persoal funcionario subalterno da Administración xeral da Comunidade Autónoma de Galiza, en prazas reservadas para seren cubertas por persoas que acrediten discapacidade intelectual.
O sistema selectivo é o de oposición.
O prazo para presentar as solicitudes será de vinte (20) días hábiles, que se contarán a partir do seguinte ao da publicación desta convocatoria no DOG.