- Detalles
No DOG do 03/02/2022 publican a RESOLUCIÓN do 21 de xaneiro de 2022, do tribunal designado para xulgar o proceso selectivo para o ingreso, pola quenda de promoción interna, no corpo de xestión da Administración xeral da Comunidade Autónoma de Galiza, subgrupo A2, convocado pola Orde do 7 de xaneiro de 2020.
Examinadas as reclamacións presentadas polos aspirantes sobre as listaxes de puntuacións publicadas mediante a Resolución do 10 de decembro de 2021 (DOG núm. 243, do 21 de decembro), e feita unha nova corrección respecto a nove aspirantes, dous deles ven incrementada a súa puntuación, o que afecta o número de aspirantes que superaron o exercicio, ao acadaren a puntuación mínima de 15 puntos 220 aspirantes.
Publican as puntuacións obtidas polos aspirantes que viron modificada a súa puntuación no portal web da Xunta de Galiza funcionpublica.xunta.gal
- Detalles
No DOG do 02/02/2022 o Consello de Contas de Galiza publica a RESOLUCIÓN do 19 de xaneiro de 2022, do tribunal designado para cualificar o proceso selectivo de consolidación de emprego temporal para o acceso a postos de auxiliar administrativo (subgrupo C2), convocado polo Acordo da Comisión de Goberno do 13 de xullo de 2020 (DOG número 148, do 24 de xullo).
Desestiman a única reclamación presentada contra a puntuación do segundo exercicio, declaran exentas de realizar o terceiro exercicio a todas as persoas aspirantes que superaron o segundo exercicio e declaran rematada a fase de oposición do proceso selectivo.
- Detalles
No DOG do 01/02/2022 publican a RESOLUCIÓN do 21 de xaneiro de 2022 pola que se convocan para a elección de destino provisional as persoas aspirantes que superaron o proceso selectivo para o ingreso no corpo superior da Administración xeral da Comunidade Autónoma de Galiza, subgrupo A1, escala de sistemas e tecnoloxía da información, convocado pola Orde do 1 de marzo de 2018 (DOG número 47, do 7 de marzo).
Publican como anexo I a relación de persoas aspirantes que superaron o proceso selectivo e que, segundo a base IV.6 da convocatoria, son convocadas á elección de destino provisional.
Para o acceso á aplicación informática para a elección de destino, a Dirección Xeral da Función Pública remitirá ás persoas aspirantes un correo electrónico co usuario e a clave de acceso á aplicación do proceso selectivo.
No prazo máximo de dous (2) días hábiles contados a partir do día seguinte ao da publicación desta resolución no DOG, a persoa aspirante, no suposto de que non recibise correctamente o seu usuario e clave, deberá poñerse en contacto co servizo informático da Dirección Xeral da Función Pública, no teléfono 881 99 98 83, para que se lle faciliten os datos necesarios.
Unha vez transcorrido o prazo sinalado no parágrafo anterior, abrirase un prazo de cinco (5) días hábiles para que as persoas aspirantes que constan no anexo I desta resolución seleccionen telematicamente, a través do sistema electrónico, os destinos ofertados por orde de prelación.
- Detalles
No DOG do 31/01/2022 publican a RESOLUCIÓN do 25 de xaneiro de 2022, do tribunal designado para xulgar o proceso selectivo, pola quenda de acceso libre, para o ingreso no corpo administrativo da Administración xeral da Comunidade Autónoma de Galiza, subgrupo C1, convocado pola Orde do 22 de novembro de 2019 (DOG número 224, do 25 de novembro), pola que se fan públicos a data, a hora e o lugar de realización do terceiro exercicio do proceso selectivo.
Convocan para a realización do terceiro exercicio da fase de oposición as persoas aspirantes que relacionan, que, de acordo co establecido nas bases da convocatoria, non acreditaron estar en posesión do Celga 4 ou equivalente.
Terá lugar na aula 8 da Escola Galega de Administración Pública (rúa de Madrid, 2, 15707 Santiago de Compostela, A Coruña) o día 2 de febreiro de 2022 en chamamento único que se iniciará as 16.00 horas.
- Detalles
No DOG do 31/01/2022 publican a RESOLUCIÓN do 24 de xaneiro de 2022, do tribunal nomeado para cualificar o proceso selectivo para o ingreso, pola quenda de acceso libre, no corpo de xestión da Administración xeral da Comunidade Autónoma de Galiza, subgrupo A2, convocado pola Orde do 22 de novembro de 2019, pola que se fan públicos a data, a hora e o lugar de realización do terceiro exercicio do proceso selectivo.
Convocan para a realización do terceiro exercicio da fase de oposición as persoas aspirantes que relacionan, que, de acordo co establecido nas bases da convocatoria, non acreditaron estar en posesión do Celga 4 ou equivalente.
Terá lugar na aula 8 da Escola Galega de Administración Pública (rúa de Madrid, 2, 15707 Santiago de Compostela, A Coruña) o día 3 de febreiro de 2022 en chamamento único que se iniciará as 16.00 horas.
- Detalles
No DOG do 27/01/2022 publican a RESOLUCIÓN do 20 de xaneiro de 2022, do tribunal designado para xulgar o proceso selectivo para o ingreso, pola quenda de promoción interna, no corpo superior da Administración xeral da Comunidade Autónoma de Galiza, subgrupo A1, convocado pola Orde do 7 de xaneiro de 2020 (DOG número 21, do 31 de xaneiro), polo que se dá publicidade de diversos acordos.
Publican as puntuacións obtidas polas persoas aspirantes presentadas ao segundo exercicio do proceso selectivo para o ingreso, pola quenda de promoción interna, no corpo superior da Administración xeral da Comunidade Autónoma de Galiza, subgrupo A1, no portal web corporativo da Xunta de Galiza funcionpublica.xunta.gal
RPT da Vicepresidencia Primeira e Consellaría de Presidencia, Xustiza e Turismo: corrección de erros
- Detalles
No DOG do 27/01/2022 publican unha CORRECCIÓN DE ERROS. Resolución do 2 de decembro de 2021 pola que se ordena a publicación do Acordo do Consello da Xunta de Galiza do 2 de decembro de 2021 polo que se aproba a modificación da relación de postos de traballo da Vicepresidencia Primeira e Consellaría de Presidencia, Xustiza e Turismo.
- Detalles
No DOG do 26/01/2022 publican a RESOLUCIÓN do 20 de xaneiro de 2022, do tribunal designado para cualificar o proceso selectivo para o ingreso, pola quenda de acceso libre e promoción interna, no corpo facultativo superior da escala de ciencias na especialidade de bioloxía, de Administración especial da Administración xeral da Comunidade Autónoma de Galiza (subgrupo A1), convocado pola Orde do 22 de novembro de 2019 (DOG número 227, do 28 de novembro), pola que se dá publicidade de diversos acordos.
Publican a cualificación do segundo exercicio.
- Detalles
No DOG do 26/01/2022 publican a RESOLUCIÓN do 18 de xaneiro de 2022, do tribunal encargado de cualificar o proceso selectivo para o ingreso na escala de auxiliar do Servizo de Prevención e Defensa contra Incendios Forestais, subgrupo C2, nas especialidades de emisorista/vixilante fixo/a, bombeiro forestal-condutor de motobomba e bombeiro forestal, do corpo de auxiliares de carácter técnico da Administración especial da Administración xeral da Comunidade Autónoma de Galiza, convocado pola Orde do 28 de febreiro de 2019 (DOG número 44, do 4 de marzo), pola que se modifican as puntuacións do primeiro exercicio.
Examinadas as reclamacións presentadas polas persoas aspirantes contra as puntuacións obtidas no primeiro exercicio, publicadas pola Resolución do 16 de decembro de 2021 (DOG núm. 248, do 28 de decembro), realizouse unha nova corrección manual das persoas aspirantes que presentaron reclamacións contra a corrección, e modificouse a puntuación dunha aspirante da categoría de emisorista/vixilante, que a ve incrementada, e pasa a superar o exercicio. O resto das reclamacións presentadas desestímase na súa totalidade.
Publican a nova puntuación obtida pola persoa aspirante que viu modificada a súa puntuación no portal web da Xunta de Galiza (funcionpublica.xunta.gal).
- Detalles
No DOG do 24/01/2022 publican a RESOLUCIÓN do 17 de xaneiro de 2022, do tribunal encargado de cualificar o proceso selectivo para o ingreso na escala de auxiliar do Servizo de Prevención e Defensa contra Incendios Forestais, subgrupo C2, nas especialidades de emisorista/vixilante fixo/a, bombeiro forestal-condutor de motobomba e bombeiro forestal, do corpo de auxiliares de carácter técnico da Administración especial da Administración xeral da Comunidade Autónoma de Galiza, convocado pola Orde do 28 de febreiro de 2019 (DOG número 44, do 4 de marzo), pola que se fan públicos a data, a hora e o lugar de realización do segundo exercicio do proceso selectivo.
Convócanse as persoas aspirantes da especialidade de emisorista/vixilante fixo/a para a realización do segundo exercicio do proceso selectivo os días 27 e 28 de xaneiro de 2022, en chamamento único, na Escola Galega de Administración Pública (EGAP), situada na rúa de Madrid, 2-4, 15707 Santiago de Compostela (A Coruña), segundo a distribución que se indica no anexo I.
Convócanse as persoas aspirantes das especialidades de bombeiro forestal-condutor de motobomba e bombeiro forestal para a realización do segundo exercicio do proceso selectivo os días 1, 2, 3 e 4 de febreiro de 2022, en chamamento único, no Estadio Municipal Verónica Boquete de San Lázaro, situado na avenida de Fernando de Casas Novoa, 20, 15703 Santiago de Compostela (A Coruña), segundo a distribución que se indica no anexo II.