- Detalles
No DOG do 23/01/2023 publican a RESOLUCIÓN do 19 de xaneiro de 2023 pola que se ordena a publicación do acordo do Consello da Xunta de Galicia polo que se aproba a modificación das relacións de postos de traballo das consellarías de Promoción do Emprego e Igualdade; do Medio Rural; de Política Social e Xuventude, e de Cultura, Educación, Formación Profesional e Universidades.
- Detalles
No DOG do 20/01/2023 publican a RESOLUCIÓN do 11 de xaneiro de 2023 pola que se convocan para a elección de destino provisional as persoas aspirantes que superaron o proceso selectivo extraordinario de consolidación para o ingreso na categoría 007 do grupo II, titulada/o de grao medio, de persoal laboral fixo da Xunta de Galiza, convocado pola Orde do 22 de novembro de 2019 (DOG número 225, do 26 de novembro).
Publican como anexo I a relación de persoas aspirantes que superaron o proceso selectivo e que, segundo a base IV.6 da convocatoria, son convocadas para a elección de destino provisional, segundo a orde que, en aplicación das bases da convocatoria, deberá seguirse para os efectos da adxudicación de destino.
- Detalles
No DOG do 20/01/2023 publican a ORDE do 19 de xaneiro de 2023 pola que se ditan instrucións sobre a confección de nóminas do persoal ao servizo da Administración autonómica para o ano 2023.
O título II da Lei 6/2022, do 27 de decembro, de orzamentos xerais da Comunidade Autónoma de Galiza para o ano 2023, dedica o capítulo II a regular as retribucións de todo o persoal ao servizo da Comunidade Autónoma, e no artigo 11 establece que as retribucións non poderán experimentar un incremento global superior ao 2,5 por cento con respecto ás vixentes en 31 de decembro de 2022, en termos de homoxeneidade para os dous períodos da comparación, tanto polo que respecta a efectivos de persoal como á súa antigüidade.
Así mesmo, a disposición oitava da Lei 6/2022, do 27 de decembro, establece que as retribucións do persoal ao servizo do sector público recollidas no anexo de persoal para o ano 2023 recollen a previsión dun incremento retributivo do 2,5 por cento. Porén, estes importes non serán de aplicación ata que se habilite pola normativa da Administración xeral do Estado.
A disposición derradeira terceira da Lei 6/2022, do 27 de decembro, establece a súa entrada en vigor o día 1 de xaneiro de 2023. Polo tanto, esta orde recolle a variación nas condicións retributivas que se establecen nos orzamentos xerais do Estado para o ano 2023, na contía do 2,5 por cento con efectos do 1 de xaneiro de 2023.
- Detalles
No DOG do 19/01/2023 publican o ACORDO do 11 de xaneiro de 2023, do tribunal cualificador do proceso selectivo para o ingreso, pola quenda de acceso libre e promoción interna, na escala de facultativo superior de servizos sociais, especialidade en medicina, da Administración xeral da Comunidade Autónoma de Galiza, subgrupo A1, convocado pola Orde do 4 de novembro de 2019 pola que se modifica a baremación definitiva da fase de concurso e a orde na relación de aspirantes que superaron o proceso selectivo.
- Detalles
No DOG do 18/01/2023 a EGAP publica a RESOLUCIÓN do 11 de xaneiro de 2023 pola que se convoca o webinario O emprego público laboral á luz das reformas de 2021.
O prazo para inscribirse estará aberto desde as 9.00 horas do día seguinte ao da publicación desta resolución no DOG ata as 23.59 horas do día 23 de xaneiro de 2023.
- Detalles
No DOG do 18/01/2023 publican a CORRECCIÓN DE ERROS. Decreto 223/2022, do 22 de decembro, polo que se establece a estrutura orgánica da Consellaría do Medio Rural.
- Detalles
No DOG do 18/01/2023 publican o DECRETO 225/2022, do 29 de decembro, polo que se modifica o Decreto 50/2012, do 12 de xaneiro, polo que se crea a Axencia Galega de Innovación e se aproban os seus estatutos.
- Detalles
No DOG do 17/01/2023 publican o ANUNCIO do 30 de decembro de 2022 polo que se abre o prazo para presentar solicitudes no ano 2023 para o paso á segunda actividade do persoal das categorías de bombeiro/a forestal do Servizo de Defensa contra os Incendios Forestais, derivado do publicado pola Resolución do 9 de xaneiro de 2017, da Secretaría Xeral de Emprego da Consellaría de Economía, Emprego e Industria.
O prazo de solicitude será desde o día seguinte ao da publicación no DOG ata o día 31 de xaneiro de 2023, ambos incluídos.
- Detalles
No DOG do 17/01/2023 publican:
- RESOLUCIÓN do 22 de decembro de 2022, do tribunal designado para xulgar o proceso selectivo para o ingreso no corpo de xestión da Administración xeral da Comunidade Autónoma de Galiza, subgrupo A2, escala técnica de seguridade e saúde no traballo, especialidades de seguridade no traballo e de hixiene industrial, convocado pola Orde do 28 de febreiro de 2019 pola que se dá publicidade a diversos acordos.
Declaran rematada a fase de oposición do proceso selectivo.
- RESOLUCIÓN do 4 de xaneiro de 2023, da Dirección Xeral da Función Pública, pola que se fai público o procedemento para a acreditación dos méritos correspondentes á fase de concurso do proceso selectivo para o ingreso no corpo de xestión da Administración xeral da Comunidade Autónoma de Galiza, subgrupo A2, escala técnica de seguridade e saúde no traballo, especialidades de seguridade no traballo e de hixiene industrial.
No prazo dos 10 días hábiles seguintes ao da publicación da presente resolución no DOG, as persoas aspirantes actuarán do xeito que indican no mesmo.
- Detalles
No DOG do 13/01/2023 o Parlamento de Galiza publica a RESOLUCIÓN do 4 de xaneiro de 2023 pola que se procede ao nomeamento, como persoal funcionario de carreira da escala técnica de publicacións do corpo superior, das persoas aspirantes que superaron o proceso selectivo convocado polo Acordo do 15 de xuño de 2021.