Cando dúas partes pactan algo que queren que non se cumpra poñen unha condición imposible. Si lle queren dar visos de verosimilitude ao pacto poñen unha condición improbable.

Si unha equipa galega gaña a liga cobraredes. Desgraciadamente só o Celtiña e con moita axuda podería gañar a liga. Terían que acontecer unha serie de feitos, como que descualificaran ao Barça por antiespañol ou porque conseguiron a independencia, gañar todos os partidos que quedan da liga e que o Atlético de Madrid perdera todos e o Real Madrid grande parte deles.

Como moi a pesar nosa que unha equipa galega gañe a liga vai ser tan difícil como que se aliñen os astros formando o logo do PP, podemos dicir que nese caso non cobraríamos.

Co acordo asinado por CCOO, UGT e CSIF en Madrid pasa o mesmo. Antes de negociar e asinar o acordo tanto o Goberno como estes “sindicatos” xa sabían cales eran as previsións institucionais sobre as cifras macroeconómicas. E decidiron poñer como condición para cobrar parte da suba salarial condicións máis agravadas que as previsións:

• Onde se establece como variable o crecemento, por exemplo do PIB, eles establecen que para cobrar hai que estar por riba das previsións.

• Cando se establece como variable a redución, neste caso do déficit, eles fixan que para cobrar hai que estar por baixo das previsións do Goberno.

Lembremos que dos tres conceptos que están implicados na suba salarial e que afectarían por igual a todo o persoal público, dous están condicionados.

Eses tres conceptos son:

1. Incremento fixo
2. Incremento variable ligado ao PIB
3. Extra do 0,55% no 2021 ligado á estabilidade orzamentaria

(Non consideramos os fondos adicionais dentro dos conceptos de suba salarial, porque como xa explicamos poden ser destinados a fondos de accións social, melloras de diversos colectivos ou situacións, ou detraidas esas cantidades como fondo de pensións, polo que non van a repercutir sobre todo o persoal nin van ter carácter xeral)

O primeiro é o único elemento non condicionado.

En relación aos outros dous temos o seguinte:

INCREMENTO VARIABLE LIGADO AO PIB 

Está ligado ao incremento do PIB no ano anterior do seguinte xeito:

No ano 2018 a condición é que o PIB tería que ter medrado un 3,1% no 2017. Como isto xa sucedeu é o único caso en que a parte variable se vai cobrar integra.

E canto medrará nos anos seguintes? Pois segundo as previsións do Banco de España a decembro de 2017:

Data de peche das proxeccións: 30/11/2017
Banco de España - Eurosistema
Dirección General de Economía y Estadística

Tampouco o cadro macro do Goberno é moito máis esperanzador, establecendo un 2,3% de incremento do PIB para 2018, por debaixo incluso do Banco de España.

Por tanto, CONDICIÓN IMPROBABLE para cobrar o total do incremento variable.

EXTRA DO 0,55% NO 2021, ligado á estabilidade orzamentaria

Este é un incremento adicional condicionado a que se cumpran os obxectivos de estabilidade orzamentaria no ano 2020, en concreto o obxectivo de DÉFICIT CERO no 2020 tal e como establece o Goberno.

Pois ben, a Autoridade Independente de Responsabilidade Fiscal, AIReF, organismo creado polo propio Goberno dinos que as previsións están lonxe de se cumprir e que o déficit vai estar en torno ao 2%.

Como vemos as dúas son CONDICIÓNS IMPROBABLES. Aínda así, ánimo, porque vai ser máis doado que unha equipa galega gañe a Liga!!