Novas por contido

A continuación transcribimos unha mensaxe dunha compañeira, traballadora pública da Tesourería Xeral da Seguridade Social, que conta un dos moitos casos de falsa austeridade que sucenden coas vidas laborais; casos de falsa austeridad que na Xunta de Galiza coñecemos moi ben. Que non che vendan motos, o camiño que marca o RDL 20/2012 non é o "único que se pode facer", máis ben é todo o que non se debe facer para sacar a cidadanía da crise.

Esta mañá púxome enriba da mesa un compañeiro o BOE do mércores 13 de xuño de 2012, no cal volveuse licitar a contratación do servizo para a impresión, manipulado e envío de documentos de vidas laborais e bases de cotización do TXSS. O valor estimado do contrato é de: 4.711.640,00 euros. E nós, traballadores da TXSS, sen paga extra de Nadal. FLIPANTE!

Para os que non saibades como aconteceu a "privatización" do servizo de expedición de vidas laborais, póñovos en antecedentes: as vidas laborais e bases de cotización eran un servizo que só se ofrecía por a TXSS. De súpeto decidiron (os de sempre) que se externalizaba o servizo de vidas laborais. Así que actualmente a vida laboral tan só se pode conseguir a través dunha chamada a un teléfono 901 (e que envían o domicilio do interesado; domicilio que, se non está actualizado, deben dirixirse á Administración da TXSS para o seu modificación e posterior envío por correo da súa vida laboral ao domicilio xa actualizado) ou a través de Internet. Moi cómodo e funcional. O de achegar a Administración ao cidadán xa hai tempo que llo pasaron polo forro da camisa.

E tamén se lles ocorreu aos instruídas (os de sempre) facer unha campaña anual de vidas laborais e bases de cotización que envían a "toda a poboación", e este é o tema que nos ocupa. Así temos que:

- os que necesiten un vida laboral e achéguense a unha Administración da Tesouraría non poderán obtela ao momento e, en cambio,

- os que non a necesiten nin a queiran para nada envíaselles igual, para que empapelen o cuarto dos seus fillos ou fagan uns bonitos avións de papel. O cal me leva a facerme unhas inocentes preguntas:

  • a que empresas se lles está a pagar estas contratacións para uns servizos que EU, funcionaria da TGSS, (e os meus compañeiros ) perfectamente poderiamos e "deberiamos" facer?

  • onde vai parte dese soldo que me están a quitar ano tras ano? ao pagamento destes servizos?

  • como pode ser que se recorten as necesidades básicas da poboación: sanidade, educación, prestacións sociais, soldos, subidas de impuestos...... e non se pare esta "dilapidación" de diñeiro cara a empresas privadas?

Non se me ocorre outra cousa que berrar: ABONDA XA!

Fago un chamamento a vós, compañeiros, para que difundades isto e cando digo difundir refírome a medios de comunicación. Se tedes coñecidos en xornais, raio, TV, etc. facerllo chegar.

NON QUEDES PARADO! FALA, ASUBÍO, BERRA, MANIFÉSTATE,.....! PERO, POR FAVOR, NON QUEDES PARADO. SON OS TEUS DEREITOS.

María Isabel Quintana Suárez, funcionaria da TGSS, con un posto de traballo na Administración gañado a pulso nunha oposición hai 20 anos e que ve como o seu soldo se achega cada vez máis ao dos seus inicios no ano 1992.


Outras novas recentes

Mércores, 25 Xuño 2025

Monte e rural galego, razóns de vida para a prevención de riscos. Quique Casanova in memoriam (26/06/2025)

Xornada técnica de incendios organizada pola CIG-Autonómica de Lugo, in memoriam de Quique Casanova, prezado compañeiro falecido nun incendio forestal.  A xornada terá lugar o xoves 26 de xuño de 2025 no salón de actos da Deputación Provincial de Lugo. Dará comezo ás 9.30 h, e a súa clausura está prevista para as 14.30 h. O aforo é libre, previa inscrición no enderezo
Xoves, 19 Xuño 2025

Reunión da CIG coa dirección de AGACAL: nulas respostas a problemas persistentes

Seguimos reclamando a activación das negociacións. A negociación de RPT está estancada no 2021O martes 10 de xuño reunímonos co director e a xerente de AGACAL, logo de ter solcitado a xuntanza xa no mes de marzo na procura de información sobre o contrato de xestión da Axencia para o período 2025-2029 e a activación das negociacións de RPT de AGACAL, máis apenas conseguimos...
Venres, 27 Xuño 2025

Rueda culmina a creación do «Instituto Galego de Trolas» (IGT), en suplantación do IGE

Co silandeiro cesamento do director do IGE, Rueda liquida o que até o de agora fora o Instituto Galego de Estatística, vendido ás empresas privadas e transformado nun medio de censura máis, xunto coa RTVG Esta é a crónica dunha suplantación fría e rapidamente calculada. Dende o intre en que Rueda encargou un informe á medida á empresa Sondaxe —grupo de La Voz de Galicia—...