- Detalles
No DOG do 07/10/2022 publican a RESOLUCIÓN do 4 de outubro de 2022, da Dirección Xeral da Función Pública, pola que se fan públicas as listas provisionais para a contratación temporal de persoal funcionario do corpo de axudantes de carácter facultativo, escala de axentes facultativos ambientais da Xunta de Galiza.
As listas poderán consultarse no portal web corporativo da Xunta de Galiza, http://funcionpublica.xunta.gal, epígrafe de listas de contratación; no Servizo de Atención e Información á Cidadanía, a través do teléfono 012 e nas oficinas de Rexistro e Atención á Cidadanía da Xunta de Galiza (oficinas dos edificios administrativos da Vicepresidencia Primeira e Consellaría de Presidencia, Xustiza e Turismo).
- Detalles
No DOG do 07/10/2022 a EGAP publica a RESOLUCIÓN do 29 de setembro de 2022 pola que se convocan cursos de formación en prevención de riscos laborais: primeiros auxilios, loita contra incendios e evacuación.
Poderá participar na acción formativa convocada mediante esta resolución o persoal dos equipos de alarma e evacuación, de primeira intervención e de primeiros auxilios, así como o persoal que desempeñe a xefatura de emerxencia e/ou primeira intervención dos centros de traballo da provincia de Ourense que aparecen no anexo II, que son:
Persoal dos equipos: de alarma e evacuación; de primeira intervención e de primeiros auxilios, así como o persoal que desempeñe a xefatura de emerxencia e/ou primeira intervención dos seguintes centros de traballo:
• Servizo de Mobilidade, Ourense.
• Servizo de Calidade e Avaliación Ambiental, Ourense.
• Servizo de Patrimonio Natural, Ourense.
• Distrito Ambiental XII, Ourense.
• Oficinas de emprego do Carballiño, Ribadavia, Celanova, Xinzo de Limia, Verín e A Pobra de Trives.
• Oficinas agrarias comarcais do Carballiño, Ribadavia, Celanova, Maceda, Castro Caldelas, A Pobra de Trives, Viana do Bolo, Xinzo de Limia, Verín e A Gudiña.
• Centros sociocomunitarios do Carballiño, Ribadavia, Celanova, O Barco de Valdeorras, Verín, Xinzo de Limia e Petín.
- Detalles
No DOG do 06/10/2022 publican o ACORDO do 30 de setembro de 2022, do tribunal designado para xulgar o proceso selectivo para o ingreso no corpo de xestión da Administración xeral da Comunidade Autónoma de Galiza, subgrupo A2, convocado pola Orde do 22 de novembro de 2019, pola que se dá publicidade dun novo aspirante que superou o proceso selectivo.
Ese tribunal acorda facer pública, como anexo a esta resolución, unha persoa aspirante que superou o proceso selectivo, coa puntuación obtida.
- Detalles
No DOG do 06/10/2022 o Consello da Cultura Galega publica a RESOLUCIÓN do 29 de setembro de 2022 pola que se anuncia a convocatoria de axudas de acción social para o persoal laboral desta entidade para o exercicio de 2022.
- Detalles
No DOG do 05/10/2022 publican a RESOLUCIÓN do 28 de setembro de 2022 pola que se amplía o prazo de realización do segundo exercicio do proceso selectivo para o ingreso, pola quenda de acceso libre, no corpo superior da Administración xeral da Comunidade Autónoma de Galicia, subgrupo A1, escala de sistemas e tecnoloxía da información.
Amplían o prazo de realización do segundo exercicio do proceso selectivo para o ingreso, pola quenda de acceso libre, no corpo superior da Administración xeral da Comunidade Autónoma de Galiza, subgrupo A1, escala de sistemas e tecnoloxía da información, en vinte días hábiles.
- Detalles
No DOG do 05/10/2022 publican a RESOLUCIÓN do 27 de setembro de 2022 pola que se convocan para a elección de destino definitivo as persoas aspirantes que superaron os procesos selectivos para o ingreso no corpo superior de Administración xeral da Comunidade Autónoma de Galiza, subgrupo A1, escala superior de estatísticos, convocado pola Orde do 22 de abril de 2019 (DOG número 80, do 26 de abril), e no corpo de xestión de Administración xeral da Comunidade Autónoma de Galiza, subgrupo A2, escala técnica de estatísticos, convocado pola Orde do 22 de abril de 2019 (DOG número 80, do 26 de abril).
Respecto da quenda de promoción interna, ás persoas aspirantes que superaron os procesos selectivos adxudicaráselles destino no mesmo posto que viñesen desempeñando con carácter definitivo, sempre que figure na relación de postos de traballo aberto ao corpo da Administración xeral a que acceden.
Publican como anexo I a relación de persoas aspirantes que superaron os procesos selectivos e que, segundo a base IV.6 das respectivas convocatorias, son convocadas á elección de destino definitivo, segundo a orde que, en aplicación das bases das convocatorias, deberá seguirse para os efectos da adxudicación de destino.
Os postos ofertados e os requisitos exixidos para a súa ocupación figuran como anexo II desta resolución. As persoas aspirantes elixirán as prazas a subgrupo ao que acceden e de conformidade co indicado no anexo II desta resolución.
- Detalles
No DOG do 05/10/2022 publican a RESOLUCIÓN do 27 de setembro de 2022, do tribunal cualificador do proceso selectivo extraordinario de consolidación para o ingreso na categoría 007 do grupo II, titulada/o grao medio, de persoal laboral fixo da Xunta de Galiza, convocado mediante a Orde do 22 de novembro de 2019 (DOG número 225, do 26 de novembro), pola que se fai pública a relación de aspirantes que superaron o proceso selectivo.
Fan pública, como anexo a esta resolución, a relación de aspirantes que superaron o proceso selectivo, por orde de puntuacións obtidas.
De conformidade coa base IV.2 da convocatoria, as persoas aspirantes disporán dun prazo de vinte (20) días hábiles, contados a partir do día seguinte ao da publicación no DOG desta resolución, para presentaren a documentación prevista na citada base.
- Detalles
No DOG do 05/10/2022 publican a RESOLUCIÓN do 22 de setembro de 2022, do tribunal designado para xulgar o proceso selectivo de acceso libre e de estabilización para o ingreso no corpo de axudantes de carácter facultativo de Administración especial da Administración xeral da Comunidade Autónoma de Galiza, subgrupo C1, escala de axentes do Servizo de Gardacostas de Galicia, convocado pola Resolución do 16 de decembro de 2021 (DOG número 241, do 17 de decembro), pola que se fai pública a data, a hora e o lugar de realización do primeiro exercicio.
Terá lugar o día 15 de outubro de 2022 no salón de actos da Facultade de Dereito, en Santiago de Compostela, en chamamento único que se iniciará ás 15.30 horas.
- Detalles
No DOG do 05/10/2022 publican:
- RESOLUCIÓN do 20 de setembro de 2022, do tribunal cualificador do proceso selectivo para o ingreso, pola quenda de acceso libre e promoción interna, no corpo facultativo de grao medio da escala de técnicos facultativos de servizos sociais, especialidade fisioterapia, de Administración especial da Administración xeral da Comunidade Autónoma de Galiza (subgrupo A2), convocado pola Orde do 31 de outubro de 2019 (DOG número 211, do 6 de novembro) pola que se fai pública a baremación provisional da fase de concurso.
- RESOLUCIÓN do 21 de setembro de 2022, do tribunal nomeado para cualificar o proceso selectivo para o ingreso, pola quenda de acceso libre e promoción interna, na escala de facultativo superior de servizos sociais, especialidade en medicina da Administración xeral da Comunidade Autónoma de Galiza, subgrupo A1, convocado pola Orde do 4 de novembro de 2019 (DOG número 212, do 7 de novembro), pola que se fai pública a baremación provisional da fase de concurso.
Fan públicas, como anexos a estas resolucións, as baremacións provisionais da fase de concurso, con indicación da puntuación obtida polas persoas aspirantes.
- Detalles
No DOG do 05/10/2022 publican a RESOLUCIÓN do 26 de setembro de 2022, da Dirección Xeral da Función Pública, pola que se anuncia a exposición das listaxes definitivas de axudas aprobadas e denegadas polos criterios de repartición do Fondo de Acción Social do exercicio económico 2021, relativos á axuda para a atención de persoas con discapacidade para o persoal da Administración da Xunta de Galiza.
Fan públicas as listaxes definitivas das axudas aprobadas e denegadas polos criterios de repartición do Fondo de Acción Social do exercicio económico 2021, relativos á axuda para a atención de persoas con discapacidade, na páxina web da Dirección Xeral da Función Pública http://funcionpublica.xunta.es/?q=FAS
Para o coñecemento íntegro do acto, os solicitantes deberán introducir nos espazos habilitados para o efecto o NIF e mais o código de impresión da súa solicitude.