- Detalles
No DOG do 24/03/2022 publican a RESOLUCIÓN do 16 de marzo de 2022, do tribunal encargado de cualificar o proceso selectivo para o ingreso na escala de auxiliar do Servizo de Prevención e Defensa contra Incendios Forestais, subgrupo C2, nas especialidades de emisorista/vixilante fixo/a, bombeiro forestal-condutor de motobomba e bombeiro forestal, do corpo de auxiliares de carácter técnico de Administración especial da Administración xeral da Comunidade Autónoma de Galiza, convocado pola Orde do 28 de febreiro de 2019 (DOG número 44, do 4 de marzo), pola que se fai pública a data, a hora e o lugar de realización do terceiro exercicio do proceso selectivo.
Convócanse para a realización do terceiro exercicio do proceso selectivo o día 28 de marzo 2022, ás 16.00 horas, en chamamento único, nas aulas 2 e 11 da Escola Galega de Administración Pública (EGAP), situada na rúa de Madrid, 2-4, 15707 Santiago de Compostela (A Coruña).
A listaxe de persoas aspirantes convocadas para a realización deste exercicio pode consultarse no portal web da Xunta de Galiza (funcionpublica.xunta.gal).
- Detalles
No DOG do 24/03/2022 a EGAP publica a RESOLUCIÓN do 17 de marzo de 2022 pola que se convocan actividades de formación continua en materia de economía pública.
O prazo de presentación de solicitudes estará aberto desde o día seguinte ao da publicación desta resolución no DOG ata o 31 de marzo de 2022.
A orde de admisión virá determinada pola data e a hora de presentación das solicitudes ata completar o número de prazas.
- Detalles
No DOG do 22/03/2022 publican:
- ACORDO do 10 de marzo de 2022, do tribunal designado para cualificar o proceso selectivo para o ingreso, pola quenda de acceso libre, no corpo auxiliar da Administración xeral da Comunidade Autónoma de Galiza, subgrupo C2, convocado pola Orde do 22 de novembro de 2019.
Publican no portal web da Xunta de Galiza, funcionpublica.xunta.gal, as puntuacións obtidas polas persoas aspirantes que viron modificada a súa puntuación.
Declaran exentas de realizar o terceiro exercicio da fase de oposición do proceso selectivo todas as persoas aspirantes que superaron o segundo exercicio, por teren acreditado o nivel de coñecemento da lingua galega requirido.
Declaran finalizada a fase de oposición do proceso selectivo.
- RESOLUCIÓN do 15 de marzo de 2022, da Dirección Xeral da Función Pública, pola que se fai público o procedemento para a acreditación dos méritos correspondentes á fase de concurso do proceso selectivo, pola quenda de acceso libre, para o ingreso no corpo auxiliar da Administración xeral da Comunidade Autónoma de Galicia, subgrupo C2.
Publican o procedemento a seguir para a acreditación dos méritos correspondentes á fase de concurso do proceso selectivo.
No prazo dos 10 días hábiles seguintes ao da publicación da presente resolución no DOG, as persoas aspirantes actuarán do xeito que se indica na Resolución.
- Detalles
No DOG do 21/03/2022 o Consello de Contas de Galiza publica a RESOLUCIÓN do 10 de marzo de 2022, do tribunal designado para cualificar o proceso selectivo de consolidación de emprego temporal para o acceso a postos de auxiliar administrativo (subgrupo C2), convocado polo Acordo da Comisión de Goberno do 13 de xullo de 2020 (DOG número 148, do 24 de xullo).
Exclúen dúas persoas aspirantes que non cumpriron os requisitos para participar na fase de concurso e notificarlles o dito acordo de xeito individualizado.
Aproban a baremación provisional dos méritos presentados polas persoas admitidas na fase de concurso.
Fan pública no DOG e no portal web do Consello de Contas de Galicia (https://www.ccontasgalicia.es/gl/content/taboleiro-de-novas-de-procesosselectivos) a baremación provisional da fase de concurso.
- Detalles
No DOG do 21/03/2022 publican a RESOLUCIÓN do 14 de marzo de 2022, do tribunal designado para xulgar o proceso selectivo para o ingreso no corpo superior da Administración xeral da Comunidade Autónoma de Galiza, subgrupo A1, escala superior de estatísticos/ as, convocado pola Orde do 22 de abril de 2019, pola que se fai pública a relación de aspirantes que superaron o proceso selectivo.
De conformidade coa base IV.2, publican como anexo a esta resolución a relación de aspirantes que superaron o proceso selectivo, por orde de puntuación obtida e con indicación do seu documento de identidade, e propoñen o seu nomeamento como persoal funcionario de carreira.
De acordo co previsto na mesma base, as persoas aspirantes disporán de vinte (20) días hábiles, contados a partir do día seguinte ao da publicación no DOG desta resolución, para presentar a documentación prevista na citada base, sen prexuízo das exencións a que se refire a base IV.3, respecto da documentación xa achegada con anterioridade polos que xa teñen a condición de persoal funcionario de carreira da Administración da Comunidade Autónoma de Galiza.
- Detalles
No DOG do 21/03/2022 publican a RESOLUCIÓN do 14 de marzo de 2022 pola que se ordena a publicación do Acordo do Consello da Xunta de Galiza do 10 de marzo de 2022 pola que se aproba a relación de postos de traballo da Axencia de Protección da Legalidade Urbanística.
- Detalles
No DOG do 18/03/2022 publican:
- RESOLUCIÓN do 11 de marzo de 2022, da comisión encargada de cualificar o proceso para a adquisición da condición de persoal funcionario de carreira da escala técnica do Servizo de Prevención e Defensa contra Incendios Forestais, especialidade de bombeiro forestal xefe de brigada, do corpo de técnicos de carácter facultativo de administración especial, subgrupo C1, do persoal laboral fixo pertencente á categoría 100 do grupo III do V Convenio colectivo do persoal laboral da Xunta de Galiza, mediante o seu cambio de vínculo xurídico, pola que se dá publicidade de diversos acordos.
- RESOLUCIÓN do 11 de marzo de 2022, da comisión encargada de cualificar o proceso para a adquisición da condición de persoal funcionario de carreira da escala auxiliar do Servizo de Prevención e Defensa contra Incendios Forestais do corpo de auxiliares de carácter técnico de Administración especial da Comunidade Autónoma de Galiza, subgrupo C2, do persoal laboral fixo de diversas categorías e postos pertencentes aos grupos IV e V do V Convenio colectivo do persoal laboral da Xunta de Galiza, mediante o seu cambio de vínculo xurídico, pola que se dá publicidade de diversos acordos.
Segundo o establecido na base IV.1 das resolucións das convocatorias, publican como anexos ás resolucións a relación de persoas aspirantes que superaron o proceso de funcionarización para cada categoría e propoñen o seu nomeamento como persoal funcionario de carreira.
- Detalles
No DOG do 18/03/2022 publican:
- RESOLUCIÓN do 9 de marzo de 2022, do tribunal designado para cualificar o proceso selectivo extraordinario de consolidación para o ingreso na categoría 005 do grupo I, titulado/a superior veterinario, de persoal laboral fixo da Xunta de Galiza, convocado pola Resolución do 10 de decembro de 2020 pola que se dá publicidade de diversos acordos.
- RESOLUCIÓN do 9 de marzo de 2022, do tribunal designado para cualificar o proceso selectivo para o ingreso, pola quenda de acceso libre e promoción interna, no corpo facultativo superior de Administración especial da Administración xeral da Comunidade Autónoma de Galiza, escala de veterinarios (subgrupo A1), convocado pola Resolución do 10 de decembro de 2020, pola que se dá publicidade de diversos acordos.
Anulan os acordos anteriores adoptados por estes tribunais sobre o primeiro exercicio dos procesos selectivos na Resolución do 21 de decembro de 2021 (DOG núm. 1, do 3 de xaneiro de 2022).
Publican as puntuacións obtidas polas persoas aspirantes presentadas ao primeiro exercicio dos procesos selectivos no portal web corporativo da Xunta de Galiza, funcionpublica.xunta.gal
As dúas persoas aspirantes que de acordo coas novas puntuacións publicadas incrementan as súas notas e superan o primeiro exercicio do proceso selectivo, disporán dun prazo de dez (10) días hábiles, contados desde o día seguinte ao da publicación desta resolución no DOG, para presentar a documentación xustificativa de estar en posesión do Celga 4 ou o título equivalente.
- Detalles
No DOG do 18/03/2022 a EGAP publica a RESOLUCIÓN do 15 de marzo de 2022 pola que se convocan as actividades de formación continua en materia de igualdade e violencia de xénero para o persoal ao servizo das administracións territoriais, institucionais e entes públicos instrumentais do sector público da Comunidade Autónoma, así como o persoal da Administración de xustiza de Galiza e de administración e servizos (PAS) das tres universidades galegas.
O prazo de presentación de solicitudes será de dez días a partir do día seguinte ao da publicación desta resolución no DOG.
- Detalles
No DOG do 17/03/2022 o Consello de Contas de Galiza publica a RESOLUCIÓN do 7 de marzo de 2022 pola que se dá publicidade do Acordo da Comisión de Goberno do 1 de marzo de 2022, de convocatoria pública de postos vacantes mediante concurso específico de méritos.
Convocan concurso específico de méritos para a provisión de 7 postos de traballo vacantes no Consello de Contas:
1. Denominación do posto: auditor/a. Nivel: 30. Grupo: A1. Corpo/escala: xeral/especial. Código: CC.F01.01.08.
2. Denominación do posto: auditor/a. Nivel: 30. Grupo: A1. Corpo/escala: xeral/especial. Código: CC.F01.01.11.
3. Denominación do posto: auditor/a. Nivel: 30. Grupo: A1. Corpo/escala: xeral/especial. Código: CC.F01.01.12.
4. Denominación do posto: auditor/a. Nivel: 30. Grupo: A1. Corpo/escala: xeral/especial. Código: CC.F01.01.04.
5. Denominación do posto: auditor/a-técnico/a. Nivel: 28. Grupo: A1/A2. Corpo/escala: xeral/especial. Código: CC.F01.04.01.
6. Denominación do posto: auditor/a-técnico/a. Nivel: 28. Grupo: A1/A2. Corpo/escala: xeral/especial. Código: CC.F01.04.02.
7. Denominación do posto: técnico/a de xestión. Nivel: 25. Grupo: A2/C1. Corpo/escala: xeral/especial. Código: CC.F01.06.01.
Poderán participar os/as funcionarios/as de carreira de corpos de Administración xeral ou de Administración especial cunha antigüidade mínima de tres anos, excepto os suspensos en firme durante o tempo de duración desta.
As solicitudes de participación presentaranse obrigatoriamente a través da sede electrónica do Consello de Contas (https://consellodecontasgalicia.sedelectronica.gal/) no correspondente trámite habilitado segundo o nivel do posto que se solicite.
O prazo de presentación de solicitudes será de vinte días hábiles, que se contarán desde o día seguinte ao da publicación da presente convocatoria no DOG.
