- Detalles
No DOG do 18/03/2022 a EGAP publica a RESOLUCIÓN do 15 de marzo de 2022 pola que se convocan as actividades de formación continua en materia de igualdade e violencia de xénero para o persoal ao servizo das administracións territoriais, institucionais e entes públicos instrumentais do sector público da Comunidade Autónoma, así como o persoal da Administración de xustiza de Galiza e de administración e servizos (PAS) das tres universidades galegas.
O prazo de presentación de solicitudes será de dez días a partir do día seguinte ao da publicación desta resolución no DOG.
- Detalles
No DOG do 17/03/2022 o Consello de Contas de Galiza publica a RESOLUCIÓN do 7 de marzo de 2022 pola que se dá publicidade do Acordo da Comisión de Goberno do 1 de marzo de 2022, de convocatoria pública de postos vacantes mediante concurso específico de méritos.
Convocan concurso específico de méritos para a provisión de 7 postos de traballo vacantes no Consello de Contas:
1. Denominación do posto: auditor/a. Nivel: 30. Grupo: A1. Corpo/escala: xeral/especial. Código: CC.F01.01.08.
2. Denominación do posto: auditor/a. Nivel: 30. Grupo: A1. Corpo/escala: xeral/especial. Código: CC.F01.01.11.
3. Denominación do posto: auditor/a. Nivel: 30. Grupo: A1. Corpo/escala: xeral/especial. Código: CC.F01.01.12.
4. Denominación do posto: auditor/a. Nivel: 30. Grupo: A1. Corpo/escala: xeral/especial. Código: CC.F01.01.04.
5. Denominación do posto: auditor/a-técnico/a. Nivel: 28. Grupo: A1/A2. Corpo/escala: xeral/especial. Código: CC.F01.04.01.
6. Denominación do posto: auditor/a-técnico/a. Nivel: 28. Grupo: A1/A2. Corpo/escala: xeral/especial. Código: CC.F01.04.02.
7. Denominación do posto: técnico/a de xestión. Nivel: 25. Grupo: A2/C1. Corpo/escala: xeral/especial. Código: CC.F01.06.01.
Poderán participar os/as funcionarios/as de carreira de corpos de Administración xeral ou de Administración especial cunha antigüidade mínima de tres anos, excepto os suspensos en firme durante o tempo de duración desta.
As solicitudes de participación presentaranse obrigatoriamente a través da sede electrónica do Consello de Contas (https://consellodecontasgalicia.sedelectronica.gal/) no correspondente trámite habilitado segundo o nivel do posto que se solicite.
O prazo de presentación de solicitudes será de vinte días hábiles, que se contarán desde o día seguinte ao da publicación da presente convocatoria no DOG.
- Detalles
No DOG do 17/03/2022 o Consello de Contas de Galiza publica a RESOLUCIÓN do 7 de marzo de 2022 pola que se dá publicidade do Acordo da Comisión de Goberno do 1 de marzo de 2022, de nomeamento das persoas que integran a Comisión de Valoración relativa á convocatoria pública mediante concurso específico de méritos de postos vacantes.
- Detalles
No DOG do 17/03/2022 a EGAP publica a RESOLUCIÓN do 8 de marzo de 2022 pola que se convocan cursos de prevención de riscos laborais, nivel básico, para persoal empregado público, traballador por conta allea ou autónomo, empresario e persoa con inquietudes no ámbito da prevención de riscos laborais.
O prazo para a inscrición estará aberto desde as 9.00 horas do día seguinte ao da publicación desta resolución no DOG ata as 23.55 horas do día 27 de marzo de 2022.
As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo <https://egap.xunta.gal/ matricula>. As solicitudes entenderanse presentadas unha vez que se complete correctamente o proceso de matriculación.
- Detalles
No DOG do 17/03/2022 publican unha CORRECCIÓN DE ERROS. Resolución do 18 de febreiro de 2022 pola que se ordena a publicación do Acordo do Consello da Xunta de Galiza do 17 de febreiro de 2022 polo que se aproba a modificación da relación de postos de traballo referente ao proceso de funcionarización de postos de traballo de persoal laboral da Xunta de Galiza correspondente á administración especial da Administración xeral da Comunidade Autónoma de Galiza e as clasificacións na escala de facultativos (especialidades de medicina, psicoloxía, pedagoxía), escala técnica de facultativos (especialidades de enfermaría, educadores, fisioterapia, traballo social, terapeuta ocupacional), escala de axentes técnicos facultativos (especialidade de educación infantil) e escala de auxiliares de clínica; así como a modificación da relación de postos de traballo da Administración xeral da Comunidade Autónoma de Galiza referente ao proceso de funcionarización, aprobada polo Acordo do 24 de xuño de 2021.
- Detalles
No DOG do 14/03/2022 o Parlamento de Galiza publica o ACORDO do 3 de marzo de 2022 polo que se pon fin ao proceso selectivo para o ingreso, mediante oposición libre, nunha praza do corpo de letradas e letrados.
Finaliza o proceso selectivo para o ingreso, mediante oposición libre, nunha praza do corpo de letradas e letrados do Parlamento de Galicia e declarao deserto.
- Detalles
No DOG do 14/03/2022 a EGAP publica a RESOLUCIÓN do 3 de marzo de 2022 pola que se convoca o webinario Proposta dun novo modelo de emprego público.
O prazo para a inscrición estará aberto desde as 8.00 horas do día seguinte ao da publicación desta resolución no DOG ata as 23.55 horas do día 20 de marzo de 2022.
- Detalles
No DOG do 14/03/2022 publican a RESOLUCIÓN do 11 de marzo de 2022 pola que se ordena a publicación do Acordo do Consello da Xunta de Galiza do 10 de marzo de 2022 polo que se aproba a modificación da relación de postos de traballo da Vicepresidencia Primeira e Consellaría de Presidencia, Xustiza e Turismo.
Aproban a modificación da relación de postos de traballo da Vicepresidencia Primeira e Consellaría de Presidencia, Xustiza e Turismo nos termos que se sinalan no anexo a ese acordo, como consecuencia da aprobación do Decreto 1/2022, do 13 de xaneiro, polo que se crea a Delegación Territorial da Xunta de Galiza en Ferrol (DOG núm. 10, do 17 de xaneiro).
- Detalles
No DOG do 11/03/2022 publican a RESOLUCIÓN do 24 de febreiro de 2022, do tribunal encargado de cualificar o proceso selectivo para o ingreso na escala de auxiliar do Servizo de Prevención e Defensa contra Incendios Forestais, subgrupo C2, nas especialidades de emisorista/vixilante fixo/a, bombeiro forestal-condutor de motobomba e bombeiro forestal, do corpo de auxiliares de carácter técnico da Administración especial da Administración xeral da Comunidade Autónoma de Galiza, convocado pola Orde do 28 de febreiro de 2019 (DOG número 44, do 4 de marzo), pola que se dá publicidade a diversos acordos.
Publican os resultados obtidos polas persoas aspirantes presentadas ao segundo exercicio do proceso selectivo no portal web da Xunta de Galiza funcionpublica.xunta.gal
De conformidade co disposto na base II.1.1.2 da convocatoria, superaron o segundo exercicio do proceso selectivo as persoas aspirantes que obtiveron un resultado de apto/a.
- Detalles
No DOG do 10/03/2022 a Axencia de Turismo de Galiza publica a RESOLUCIÓN do 25 de febreiro de 2022 pola que se establecen as bases reguladoras para a concesión de catorce bolsas de formación práctica nas oficinas de información turística dependentes desta axencia, e se procede á súa convocatoria para o ano 2022 (código de procedemento TU981A).
Nese DOG tamén publican o EXTRACTO da Resolución do 25 de febreiro de 2022 pola que se establecen as bases reguladoras para a concesión de catorce bolsas de formación práctica nas oficinas de información turística dependentes desta axencia, e se procede á súa convocatoria para o ano 2022 (código de procedemento TU981A).
As solicitudes presentaranse obrigatoriamente por medios electrónicos a través do formulario normalizado (anexo II da RESOLUCIÓN do 25 de febreiro de 2022 pola que se establecen as bases reguladoras) dispoñible na sede electrónica da Xunta de Galicia, https://sede.xunta.gal
O prazo de presentación de solicitudes será dun mes contado a partir do día seguinte ao da publicación desta resolución no DOG. Entenderase como último día do prazo o correspondente ao mesmo ordinal do día da publicación.
Se o último día de prazo é inhábil, entenderase prorrogado ao primeiro día hábil seguinte e, se no mes do vencemento non hai día equivalente ao inicial do cómputo, entenderase que o prazo expira o último do mes.
O pagamento das bolsas realizarase por períodos mensuais vencidos.