- Detalles
No DOG do 04/07/2025 publican a RESOLUCIÓN do 1 de xullo de 2025 pola que se convocan para a elección de destino definitivo as persoas aspirantes que superaron o proceso selectivo, pola quenda de acceso libre e mediante o sistema de concurso, para o ingreso na categoría 15 do grupo III de persoal laboral da Xunta de Galiza, Experto/a en exposicións, convocado pola Resolución do 22 de decembro de 2022 (Diario Oficial de Galicia número 244, do 26 de decembro), modificada pola Resolución do 20 de xaneiro de 2023 (Diario Oficial de Galiza número 15, do 23 de xaneiro) e pola Resolución do 6 de febreiro de 2023 (Diario Oficial de Galiza número 26, do 7 de febreiro).
Os postos ofertados e os requisitos exixidos para a súa ocupación figuran no anexo II desta resolución. As persoas aspirantes elixirán as prazas á categoría a que acceden de conformidade co indicado no anexo II desta resolución.
Para o acceso á aplicación informática para a elección de destino, a Dirección Xeral de Emprego Público e Administración de Persoal remitirá ás persoas aspirantes un correo electrónico co usuario e a clave de acceso á aplicación do proceso selectivo.
No prazo máximo de dous (2) días hábiles contados a partir do día seguinte ao da publicación desta resolución no DOG, a persoa aspirante, no suposto de que non recibise correctamente o seu usuario e clave, deberá poñerse en contacto co servizo informático da Dirección Xeral de Emprego Público e Administración de Persoal, no teléfono 881 99 98 83, para que se lle faciliten os datos necesarios.
Unha vez transcorrido o prazo sinalado no parágrafo anterior, abrirase un prazo de cinco (5) días hábiles para que as persoas aspirantes que constan no anexo I desta resolución seleccionen telematicamente, a través do sistema electrónico, os destinos ofertados por orde de prelación.
- Detalles
No DOG do 04/07/2025 publican a RESOLUCIÓN do 27 de xuño de 2025 pola que se amplía o prazo de realización do segundo exercicio do proceso selectivo para o ingreso, pola quenda de acceso libre e de promoción interna, no corpo facultativo superior de Administración especial da Administración xeral da Comunidade Autónoma de Galiza, subgrupo A1, escala de ciencias, especialidade de bioloxía.
Amplían o prazo de realización do segundo exercicio en vinte (20) días hábiles.
- Detalles
No DOG do 04/07/2025 publican a RESOLUCIÓN do 20 de xuño de 2025, do tribunal encargado de cualificar o proceso selectivo para o ingreso, pola quenda de acceso libre e de promoción interna, no corpo de axudantes de carácter facultativo de Administración especial da Administración xeral da Comunidade Autónoma de Galiza, subgrupo C1, escala técnica de mantemento de servizos, convocado pola Resolución do 16 de novembro de 2023 (Diario Oficial de Galiza número 221, do 21 de novembro), modificada pola Resolución do 29 de novembro de 2023 (Diario Oficial de Galiza número 229, do 1 de decembro), polo que se dá publicidade a diversos acordos.
Publican as cualificacións obtidas polas persoas aspirantes presentadas ao segundo exercicio.
- Detalles
No DOG do 02/07/2025 publican a RESOLUCIÓN do 6 de xuño de 2025, do tribunal cualificador do proceso selectivo para o ingreso, pola quenda de acceso libre e de promoción interna, no corpo de auxiliares de carácter técnico de Administración especial da Administración xeral da Comunidade Autónoma de Galiza, subgrupo C2, escala auxiliar de recursos naturais e forestais, especialidade de oficial, convocado pola Resolución do 16 de novembro de 2023 (Diario Oficial de Galiza número 221, do 21 de novembro), polo que se dá publicidade a diversos acordos.
Publican os resultados obtidos polas persoas aspirantes presentadas ao segundo exercicio no portal web corporativo da Xunta de Galiza funcionpublica.xunta.gal.
- Detalles
No DOG do 01/07/2025 a EGAP publica a RESOLUCIÓN do 20 de xuño de 2025 pola que se convoca a actividade formativa Ferramentas transversais de administración dixital na Xunta de Galiza para persoal de novo ingreso (CV25079), dirixida ao persoal funcionario e persoal laboral transferido á Xunta de Galiza mediante o Real decreto 394/2025, do 13 de maio, de traspasos de funcións e servizos da Administración do Estado á Comunidade Autónoma de Galiza en materia de ordenación e xestión do litoral.
O prazo de presentación de solicitudes será desde o día da publicación desta resolución no Diario Oficial de Galiza e ata o 7 de xullo de 2025.
- Detalles
No DOG do 30/06/2025 a FUNDACIÓN PÚBLICA GALEGA CENTRO TECNOLÓXICO DE SUPERCOMPUTACIÓN DE GALIZA publica o ANUNCIO polo que se convoca o proceso selectivo para cubrir dúas prazas de persoal técnico.
O prazo de presentación de solicitudes será de dez (10) días hábiles contados desde o día seguinte ao da publicación deste anuncio no Diario Oficial de Galiza.
- Detalles
No DOG do 30/06/2025 publican a RESOLUCIÓN do 18 de xuño de 2025, do tribunal designado para cualificar o proceso selectivo extraordinario de estabilización derivado da Lei 20/2021, para o ingreso, pola quenda de acceso libre e mediante o sistema de concurso, na categoría 39 (auxiliar de autopsia) do grupo IV de persoal laboral da Xunta de Galiza, pola que se fai pública a relación dunha nova persoa aspirante que superou o proceso selectivo e se modifica a orde na relación de aspirantes que o superaron.
- Detalles
No DOG do 27/06/2025 publican a RESOLUCIÓN do 23 de xuño de 2025, do tribunal designado para xulgar o proceso selectivo para o ingreso, pola quenda de acceso libre e de promoción interna, polo sistema de oposición, no corpo facultativo superior de Administración especial da Administración xeral da Comunidade Autónoma de Galiza, subgrupo A1, escala de veterinarios, convocado pola Resolución do 22 de xaneiro de 2024 (Diario Oficial de Galiza número 20, do 29 de xaneiro), pola que se fan públicos a data, a hora e o lugar de realización do segundo exercicio do proceso selectivo.
Terá lugar o día 2 de xullo de 2025, en chamamento único que se iniciará ás 15:00 horas, nas aulas 6, 7, 18 e 19 da Facultade de Dereito de Santiago de Compostela.
- Detalles
No DOG do 27/06/2025 publican:
- RESOLUCIÓN do 20 de xuño de 2025 pola que se procede ao nomeamento como persoal laboral fixo na categoría 103, entrevistador/a. Enquisador/a, do grupo III de persoal laboral da Xunta de Galiza das persoas aspirantes que superaron o proceso selectivo, pola quenda de acceso libre e mediante o sistema de concurso, convocado pola Resolución do 22 de decembro de 2022 (Diario Oficial de Galiza número 244, do 26 de decembro), modificada pola Resolución do 20 de xaneiro de 2023 (Diario Oficial de Galiza número 15, do 23 de xaneiro) e pola Resolución do 6 de febreiro de 2023 (Diario Oficial de Galiza número 26, do 7 de febreiro).
- RESOLUCIÓN do 20 de xuño de 2025 pola que se procede ao nomeamento como persoal laboral fixo na categoría 12, mestre/a de taller, do grupo III de persoal laboral da Xunta de Galiza das persoas aspirantes que superaron o proceso selectivo, pola quenda de acceso libre e mediante o sistema de concurso, convocado pola Resolución do 22 de decembro de 2022 (Diario Oficial de Galiza número 244, do 26 de decembro), modificada pola Resolución do 20 de xaneiro de 2023 (Diario Oficial de Galiza número 15, do 23 de xaneiro) e pola Resolución do 6 de febreiro de 2023 (Diario Oficial de Galiza número 26, do 7 de febreiro).
- RESOLUCIÓN do 20 de xuño de 2025 pola que se procede ao nomeamento como persoal laboral fixo na categoría 7 do grupo IV, Garda fluvial. Garda de explotación, de persoal laboral da Xunta de Galiza das persoas aspirantes que superaron o proceso selectivo, pola quenda de acceso libre e mediante o sistema de concurso, convocado pola Resolución do 22 de decembro de 2022 (Diario Oficial de Galiza número 244, do 26 de decembro), modificada pola Resolución do 20 de xaneiro de 2023 (Diario Oficial de Galiza número 15, do 23 de xaneiro) e pola Resolución do 6 de febreiro de 2023 (Diario Oficial de Galiza número 26, do 7 de febreiro).
Para adquirir a condición de persoal laboral fixo, as persoas a que se refiren os anexos destas resolucións deberán cumprir os requisitos exixidos no artigo 13 do V Convenio colectivo único para o persoal laboral da Xunta de Galiza, e tomar posesión do correspondente posto de traballo no prazo dun mes, que comezará a computarse a partir do día seguinte ao da publicación desta resolución no Diario Oficial de Galiza.
- Detalles
No DOG do 27/06/2025 publican o DECRETO 48/2025, do 16 de xuño, polo que se modifica o Decreto 142/2024, do 20 de maio, polo que se establece a estrutura orgánica da Consellaría de Vivenda e Planificación de Infraestruturas.