- Detalles
No DOG do 10/11/2023 publican a RESOLUCIÓN do 27 de outubro de 2023 pola que se publica o Protocolo da Xunta de Galiza de actuación fronte ao acoso e as violencias sexuais e psicolóxicas no traballo.
Este protocolo ten por obxecto establecer as normas da actuación da Administración xeral da Comunidade Autónoma de Galiza e das entidades instrumentais do sector público autonómico fronte a calquera tipo de violencia manifestada mediante o acoso sexual, o acoso por razón de sexo, o acoso por razón de orientación sexual, identidade sexual, identidade de xénero e expresión de xénero, e calquera acto de natureza sexual non consentido ou que condicione o libre desenvolvemento da vida sexual se ten lugar como consecuencia ou con ocasión da prestación de servizos; e a violencia psicolóxica exercida polo acoso discriminatorio, o acoso moral ou psicolóxico e as condutas de violencia psicolóxica no traballo, na fase preliminar de investigación e avaliación dos feitos, co fin de determinar se existe fundamento para iniciar o procedemento para a adopción das medidas disciplinarias ou doutro tipo que resulten oportunas, ou dar traslado ao Ministerio Fiscal.
Están comprendidos no ámbito subxectivo de aplicación deste protocolo as persoas empregadas na Administración xeral da Comunidade Autónoma de Galiza e nas entidades instrumentais do sector público autonómico sinaladas no artigo 45.a) da Lei 16/2010, do 17 de decembro, de organización e funcionamento da Administración xeral e do sector público autonómico de Galiza.
- Detalles
No DOG do 10/11/2023 publican a RESOLUCIÓN do 27 de outubro de 2023 pola que se publica o I Plan de igualdade da Xunta de Galiza.
O obxectivo principal do I Plan de igualdade da Xunta de Galiza é conformar un marco de referencia para a actuación dos poderes públicos en materia de igualdade de oportunidades entre mulleres e homes en Galicia, presentando un conxunto ordenado de medidas avaliables dirixidas a remover os obstáculos que impiden ou dificultan a igualdade efectiva de mulleres e homes e eliminar a discriminación por razón de sexo na Administración xeral da Xunta de Galiza.
- Detalles
No DOG do 09/11/2023 publican a RESOLUCIÓN do 3 de novembro de 2023 pola que se ordena a publicación do Acordo do Consello da Xunta de Galiza do 2 de novembro de 2023 polo que se aproba a modificación da relación de postos de traballo da Consellaría de Política Social e Xuventude da Xunta de Galiza.
- Detalles
No DOG do 08/11/2023 publican a RESOLUCIÓN do 31 de outubro de 2023, do tribunal encargado de cualificar o proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso no corpo facultativo de grao medio de Administración especial da Administración xeral da Comunidade Autónoma de Galiza, subgrupo A2, escala de técnicos facultativos, especialidade educador/a infantil, convocado mediante a Resolución do 22 de decembro de 2022 (Diario Oficial de Galiza número 245, do 27 de decembro), pola que se fan públicos a data, a hora e o lugar de realización do segundo exercicio do proceso selectivo.
Terá lugar o día 20 de novembro de 2023, en chamamento único que se iniciará ás 15.30 horas, na aula 2 da Escola Galega de Administración Pública en Santiago de Compostela.
- Detalles
Función Pública envíanos o buzón de postos para a elección de destino da escala de traballo social.
Aínda que non se indica prazo convén enviar as alegacións no prazo máis breve. Se tés algo que alegar ou queres facer algunha observación, podes facelo a través do correo ou aquí.
- Detalles
No DOG do 07/11/2023 publican a RESOLUCIÓN do 30 de outubro de 2023, do tribunal designado para cualificar o proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concursooposición, para o ingreso no corpo facultativo de grao medio de Administración especial da Administración xeral da Comunidade Autónoma de Galiza, subgrupo A2, escala técnica de facultativos, especialidade educador/a social, pola que se fan públicos diversos acordos.
Publican no portal web corporativo funcionpublica.xunta.gal as puntuacións obtidas polas persoas aspirantes que superaron o primeiro exercicio do proceso selectivo, así como a relación das que non acadaron os mínimos establecidos na base III.1.1.1 da convocatoria.
- Detalles
No DOG do 06/11/2023 publican:
- RESOLUCIÓN do 30 de outubro de 2023, do tribunal cualificador do proceso selectivo de acceso libre para o ingreso no corpo superior da Administración xeral da Comunidade Autónoma de Galiza, subgrupo A1, convocado pola Resolución do 22 de xuño de 2022 pola que se fai pública a data, a hora e o lugar de realización do segundo exercicio do proceso selectivo.
Terá lugar o día 19 de novembro de 2023, en chamamento único que se iniciará ás 9.00 horas, no salón de actos, e nas aulas 1 e 9 da Facultade de Dereito de Santiago de Compostela.
- RESOLUCIÓN do 26 de outubro de 2023, do tribunal cualificador do proceso selectivo, pola quenda de acceso libre, para o ingreso no corpo de xestión da Administración xeral da Comunidade Autónoma de Galiza, subgrupo A2, convocado pola Resolución do 9 de xuño de 2022, pola que se fan públicos a data, a hora e o lugar de realización do segundo exercicio do proceso selectivo.
Terá lugar o 18 de novembro de 2023, en chamamento único que se iniciará ás 15.30 horas, no salón de actos, nas aulas 1 e 9 e no salón de lectura da Facultade de Dereito de Santiago de Compostela.
- RESOLUCIÓN do 26 de outubro de 2023, do tribunal encargado de cualificar o proceso selectivo de acceso libre para o ingreso no corpo administrativo da Administración xeral da Comunidade Autónoma de Galiza, subgrupo C1, convocado mediante a Resolución do 22 de xuño de 2022 (Diario Oficial de Galiza número 121, do 27 de xuño), pola que se fan públicos a data, a hora e o lugar de realización do segundo exercicio do proceso selectivo.
Terá lugar o día 18 de novembro de 2023, en chamamento único que se iniciará ás 9.00 horas, no salón de actos, nas aulas 1, 7 e 9 e na sala de lectura da Facultade de Dereito de Santiago de Compostela.
- Detalles
No DOG do 06/10/2023 publican a CORRECCIÓN DE ERROS. Resolución do 5 de outubro de 2023, do tribunal do proceso selectivo para o ingreso na escala de auxiliar do Servizo de Prevención e Defensa contra Incendios Forestais, subgrupo C2, nas especialidades de emisorista/vixilante fixo/a, bombeiro/a forestal-condutor/a de motobomba e bombeiro/a forestal, do corpo de auxiliares de carácter técnico de Administración especial da Administración xeral da Comunidade Autónoma de Galiza, convocado pola Orde do 28 de febreiro de 2019 (Diario Oficial de Galiza número 44, do 4 de marzo), pola que se fai pública a relación de aspirantes que superaron o proceso selectivo.
- Detalles
No DOG do 06/11/2023 a EGAP publica a RESOLUCIÓN do 26 de outubro de 2023 pola que se convoca, no marco da iniciativa Universo EGAP Innova, a Xornada de formación práctica dixital (E-martes) sobre o uso de certificados dixitais na Xunta de Galiza.
O prazo para a inscrición nesta actividade estará habilitado desde as 9.00 horas do primeiro día hábil seguinte á publicación desta resolución no Diario Oficial de Galiza ata as 23.59 horas do día 9 de novembro de 2023.
- Detalles
No DOG do 03/11/2023 publican:
- RESOLUCIÓN do 16 de outubro de 2023 pola que se desestiman determinadas solicitudes de recoñecemento extraordinario dos graos I e II do sistema de carreira administrativa para o persoal funcionario.
- RESOLUCIÓN do 20 de outubro de 2023 pola que se desestiman determinadas solicitudes de recoñecemento extraordinario dos graos I e II do complemento de desempeño do posto de traballo para o persoal laboral.
