- Detalles
No DOG do 15/05/2026 publican a RESOLUCIÓN do 7 de maio de 2026 pola que se procede ao nomeamento como persoal funcionario de carreira no corpo facultativo superior de Administración especial da Administración xeral da Comunidade Autónoma de Galiza, subgrupoA1, escala de profesores numerarios de institutos politécnicos marítimopesqueiros, especialidade de navegación marítima, das persoas aspirantes que superaron o proceso selectivo convocado pola Resolución do 22 de decembro de 2022 (Diario Oficial de Galiza número 244, do 26 de decembro), modificada pola Resolución do 20 de xaneiro de 2023 (Diario Oficial de Galiza número 15, do 23 de xaneiro) e pola Resolución do 6 de febreiro de 2023 (Diario Oficial de Galiza número 26, do 7 de febreiro).
Para adquiriren a condición de persoal funcionario de carreira, as persoas a que se refire o anexo desta resolución deberán cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes, que comezará a computarse a partir do día seguinte ao da publicación desta resolución no Diario Oficial de Galiza.
- Detalles
No DOG do 15/05/2026 publican a RESOLUCIÓN do 7 de maio de 2026, do tribunal designado para cualificar o proceso selectivo extraordinario de estabilización derivado da Lei 20/2021 para o ingreso, pola quenda de acceso libre e mediante o sistema de concurso, no corpo facultativo superior de Administración especial da Administración xeral da Comunidade Autónoma de Galiza, subgrupo A1, escala de profesores numerarios de institutos politécnicos marítimo-pesqueiros, especialidade en procesos de cultivo acuícola, pola que se publican os datos dunha nova persoa aspirante que superou o proceso selectivo.
- Detalles
No DOG do 13/05/2026 a EMPRESA PÚBLICA DE SERVIZOS AGRARIOS GALEGOS, S.A. publica o ANUNCIO polo que se fan públicas a convocatoria e as bases específicas II para a selección e contratación de persoal temporal nas categorías profesionais de enxeñaría de montes, enxeñaría técnica forestal, capataz, xefe/a de brigada, peón/peoa especialista e peón/peoa.
As bases están expostas na sede da Empresa Pública de Servizos Agrarios Galegos, S.A. (Seaga), sita en polígono industrial do Tambre, Vía Marconi, nº 14, 15890 Santiago de Compostela, e na páxina web de Seaga (www.epseaga.com).
- Detalles
No DOG do 13/05/2026 a Valeduría do Pobo publica a RESOLUCIÓN do 4 de maio de 2026 pola que se convocan dúas bolsas destinadas a persoas con discapacidade psíquica para a formación práctica nesta institución.
O prazo de presentación das solicitudes será de 15 días hábiles contados a partir do día seguinte á publicación da convocatoria no Diario Oficial de Galiza.
- Detalles
No DOG do 13/05/2026 publican o DECRETO 36/2026, do 4 de maio, polo que se modifica o Estatuto da Axencia Tributaria de Galicia, aprobado polo Decreto 202/2012, do 18 de outubro, polo que se crea a Axencia Tributaria de Galiza e se aproba o seu estatuto.
- Detalles
No DOG do 12/05/2026 publican a RESOLUCIÓN do 6 de maio de 2026 pola que se nomea o tribunal que deberá cualificar o proceso selectivo, pola quenda de promoción interna, para o ingreso no corpo auxiliar da Administración xeral da Comunidade Autónoma de Galiza, subgrupo C2, escala de persoal de servizos xerais (PSX).
- Detalles
No DOG do 12/05/2026 publican a RESOLUCIÓN do 5 de maio de 2026 pola que se fai público o procedemento para a acreditación dos méritos correspondentes á fase de concurso do proceso selectivo para o ingreso, pola quenda de promoción interna, no corpo de xestión da Administración xeral da Comunidade Autónoma de Galiza, subgrupo A2, escala de xestión de sistemas de informática.
As persoas aspirantes que teñan que presentar documentación acreditativa dos méritos baremables na fase de concurso do proceso selectivo a que se refire esta resolución achegarana ao seu expediente persoal electrónico, ao cal accederán a través da canle do emprego público de Galiza (Fides) no enderezo https://fides.xunta.gal, seguindo o procedemento establecido na Resolución do 5 de decembro de 2023, pola que se ditan instrucións para regular o contido, uso e acceso ao expediente persoal electrónico do persoal empregado público da Administración xeral da Comunidade Autónoma de Galiza e das súas entidades públicas instrumentais.
O prazo para presentar a solicitude de actualización de méritos e a documentación acreditativa deles, para formular alegacións ou para emendar o estado de «acreditación documental incompleta» rematará aos dez (10) días hábiles, contados a partir do día seguinte ao da publicación desta resolución no Diario Oficial de Galiza.
- Detalles
No DOG do 12/05/2026 a EGAP publica a RESOLUCIÓN do 5 de maio de 2026 pola que se convoca o webinario Convenios administrativos: o uso do contrato para fins distintos da satisfacción de necesidades clientelares. Concepto, tipoloxía e fontes.
O prazo para a inscrición permanecerá aberto desde as 9.00 horas do primeiro día hábil seguinte ao da publicación desta resolución no Diario Oficial de Galiza ata as 23.59 horas do día 19 de maio de 2026.
- Detalles
No DOG do 11/05/2026 publican:
- RESOLUCIÓN do 4 de maio de 2026, do tribunal designado para cualificar o proceso selectivo, mediante o sistema de concurso-oposición, para o ingreso, pola quenda de acceso libre e promoción interna, no corpo de técnicos de carácter facultativo de Administración especial da Administración xeral da Comunidade Autónoma de Galiza, grupo B, escala técnica do Servizo de Prevención e Defensa contra Incendios Forestais, especialidade de bombeiro/a forestal xefe/a de brigada (Diario Oficial de Galiza número 20, do 30 de xaneiro), pola que se fan públicos a data, a hora e o lugar de realización do primeiro e do segundo exercicios do proceso selectivo.
O primeiro e o segundo exercicios da oposición, de conformidade coa base II.1.1 da convocatoria, terán lugar o día 15 de maio de 2026, en chamamento único que se iniciará ás 9.00 horas, no pavillón 2 da Feira Internacional de Galiza Abanca, en Silleda.
- RESOLUCIÓN do 4 de maio de 2026, do tribunal designado para cualificar o proceso selectivo, mediante o sistema de concurso-oposición, para o ingreso, pola quenda de acceso libre e promoción interna, no corpo de auxiliares de carácter técnico de Administración especial da Administración xeral da Comunidade Autónoma de Galiza, subgrupo C2, escala auxiliar do Servizo de Prevención e Defensa contra Incendios Forestais, especialidade de bombeiro/a forestal (Diario Oficial de Galiza número 20, do 30 de xaneiro), pola que se fan públicos a data, a hora e o lugar de realización do primeiro e do segundo exercicios do proceso selectivo.
O primeiro e o segundo exercicios de oposición, de conformidade coa base II.1.1 da convocatoria, terán lugar o día 15 de maio de 2026, en chamamento único que se iniciará ás 15.30 horas, no pavillón 2 da Feira Internacional de Galiza Abanca en Silleda.
- Detalles
No DOG do 11/05/2026 a Axencia de Turismo de Galiza publica:
- RESOLUCIÓN do 6 de abril de 2026 pola que se establecen as bases reguladoras para a concesión de catorce bolsas de formación práctica nas oficinas de información turística dependentes desta axencia, e se convocan para o ano 2026 (código de procedemento TU981A).
- EXTRACTO da Resolución do 6 de abril de 2026 pola que se establecen as bases reguladoras para a concesión de catorce bolsas de formación práctica nas oficinas de información turística dependentes desta axencia, e se convocan para o ano 2026 (código de procedemento TU981A).
O prazo de presentación de solicitudes será dun mes, contado a partir do día seguinte ao da publicación desta resolución no Diario Oficial de Galiza. Entenderase como último día do prazo o correspondente ao mesmo ordinal do día da publicación.
