- Detalles
No DOG do 25/02/2025 a Consellaría do Mar publica a RESOLUCIÓN do 18 de febreiro de 2025 pola que se dá publicidade á convocatoria do proceso selectivo para a cobertura temporal por persoal funcionario interino dun (1) posto reservado á escala de mestres/as de taller de institutos politécnicos marítimo-pesqueiros, dependente desta consellaría.
As bases e as condicións constan na páxina web da Consellería do Mar http://mar.xunta.gal
- Detalles
No DOG do 25/02/2025 publican a RESOLUCIÓN do 17 de febreiro de 2025 pola que se modifica a Resolución do 15 de decembro de 2023 pola que se convoca o proceso para a adquisición da condición de persoal funcionario de carreira do corpo auxiliar da Administración xeral e do corpo de auxiliares de carácter técnico de Administración especial, subgrupo C2, por parte do persoal laboral fixo de diversas categorías e postos pertencentes aos grupos IV e V do V Convenio colectivo do persoal laboral da Xunta de Galiza, mediante o seu cambio de vínculo xurídico.
Consonte o recollido no anexo do Decreto 165/2019, do 26 de decembro, o persoal da categoría 4 do grupo IV (auxiliar de fogar...) e da categoría 99 do grupo III (coidador/a a extinguir) que dispoña da titulación necesaria para o acceso á escala de auxiliares de clínica poderá optar pola súa funcionarización na escala de auxiliares de clínica ou na escala auxiliar de coidadores do subgrupo C2. O dito persoal que opte pola súa funcionarización na escala de auxiliares de clínica deberá presentar unha solicitude dirixida á Dirección Xeral de Emprego Público e Administración de Persoal, a través do modelo normalizado PR004A dispoñible na sede electrónica, en que indique no campo “Solicita” que a súa elección para a funcionarización é a escala de auxiliares de clínica . No caso de non presentar o devandito escrito, entenderase que opta pola funcionarización na escala auxiliar de coidadores».
Establécese un novo prazo de quince (15) días hábiles para que as persoas aspirantes da categoría 99 do grupo III (coidador/a a extinguir) e da categoría 4 do grupo IV (auxiliar de fogar...) que figuran na listaxe definitiva de persoas admitidas e excluídas feita pública pola Resolución da Dirección Xeral da Función Pública, do 25 de marzo de 2024 (DOG número 63, do 1 de abril), poidan facer efectiva a súa solicitude. Este prazo comezará o día seguinte ao da publicación desta resolución no Diario Oficial de Galiza.
- Detalles
No DOG do 24/02/2025 publican a RESOLUCIÓN do 21 de febreiro de 2025, da Dirección Xeral de Emprego Público e Administración de Persoal, pola que se aproban e se fan públicas as listaxes definitivas de persoas admitidas e excluídas no proceso selectivo para o ingreso pola quenda de acceso libre e de promoción interna, no corpo auxiliar da Administración xeral da Comunidade Autónoma de Galiza, subgrupo C2, escala de persoal de servizos xerais (PSX).
- Detalles
No DOG do 24/02/2025 publican:
- RESOLUCIÓN do 20 de febreiro de 2025 pola que se nomea o tribunal que deberá cualificar o proceso selectivo para o ingreso, polas quendas de acceso libre e de promoción interna, no corpo facultativo superior de Administración especial da Administración xeral da Comunidade Autónoma de Galiza, subgrupo A1, escala de facultativos, especialidade de medicina.
- RESOLUCIÓN do 20 de febreiro de 2025 pola que se nomea o tribunal que deberá cualificar o proceso selectivo para o ingreso, pola quenda de acceso libre e promoción interna, no corpo de xestión da Administración xeral da Comunidade Autónoma de Galiza, subgrupo A2, escala técnica de finanzas.
- RESOLUCIÓN do 20 de febreiro de 2025 pola que se nomea o tribunal que deberá cualificar o proceso selectivo para o ingreso, pola quenda de acceso libre e de promoción interna, no corpo facultativo de grao medio de Administración especial da Administración xeral da Comunidade Autónoma de Galiza, subgrupo A2, escala de subinspección urbanística.
- Detalles
No DOG do 24/02/2025 publica a RESOLUCIÓN do 13 de febreiro de 2025, do tribunal nomeado para cualificar o proceso selectivo para o ingreso, pola quenda de acceso libre, na agrupación profesional de persoal funcionario da Administración xeral da Comunidade Autónoma de Galiza, escala de persoal de limpeza e recursos naturais e forestais, especialidade de persoal de recursos naturais e forestais, convocado pola Resolución do 26 de setembro de 2024, pola que se dá publicidade a diversos acordos.
Publican as puntuacións obtidas polas persoas aspirantes presentadas á proba realizada o día 16 de novembro de 2024, correspondente ao primeiro exercicio da fase de oposición.
- Detalles
No DOG do 21/02/2025 publican a RESOLUCIÓN do 14 de febreiro de 2025 pola que se modifica a composición do tribunal que deberá cualificar o proceso selectivo para o ingreso, pola quenda de acceso libre e de promoción interna, no corpo facultativo de grao medio de Administración especial da Administración xeral da Comunidade Autónoma de Galiza, subgrupo A2, escala de técnicos facultativos, especialidade educador/a social.
- Detalles
No DOG do 21/02/2025 publican a RESOLUCIÓN do 13 de febreiro de 2025, do tribunal designado para cualificar o proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso no corpo facultativo de grao medio de Administración especial da Administración xeral da Comunidade Autónoma de Galiza, subgrupo A2, escala técnica de facultativos, especialidade de traballo social, pola que se fai pública a relación de persoas aspirantes que superaron o proceso selectivo.
A relación de aspirantes que superaron o proceso selectivo publícase no portal web corporativo da Dirección Xeral de Emprego Público e Administración de Persoal: https://www.xunta.gal/funcion-publica/procesos-selectivos/consulta
De conformidade co disposto na base VI.2 da convocatoria e de acordo co informe do 9 de outubro de 2024, da Dirección Xeral de Emprego Público e Administración de Persoal, sobre a aplicación da tramitación de urxencia aos procesos selectivos de estabilización da Lei 20/2021, conforme o artigo 33 da Lei 39/2015, do 1 de outubro, do procedemento administrativo común das administracións públicas, as persoas aspirantes que superaron o proceso selectivo disporán dun prazo de dez (10) días hábiles, contados a partir do día seguinte ao da publicación desta resolución no DOG, para presentar os documentos previstos na devandita base, no caso de que non fosen presentados ou validados previamente.
- Detalles
No DOG do 21/02/2025 publican a RESOLUCIÓN do 12 de febreiro de 2025 pola que se convocan para a elección de destino provisional tres novas persoas aspirantes que superaron o proceso selectivo para o ingreso na escala de auxiliares de clínica, subgrupo C2, do corpo de auxiliares de carácter técnico de Administración especial da Administración xeral da Comunidade Autónoma de Galiza, convocado pola Resolución do 30 de marzo de 2022 (Diario Oficial de Galiza número 65, do 4 de abril).
Para o acceso á aplicación informática para a elección de destino, a Dirección Xeral de Emprego Público e Administración de Persoal remitiralles ás persoas aspirantes un correo electrónico co usuario e a clave de acceso á aplicación do proceso selectivo.
No prazo máximo de dous (2) días hábiles contados a partir do día seguinte ao da publicación desta resolución no Diario Oficial de Galiza (DOG), a persoa aspirante, no suposto de que non recibise correctamente o seu usuario e clave, deberá poñerse en contacto co servizo informático da Dirección Xeral de Emprego Público e Administración de Persoal, no teléfono 881 99 98 83, para que se lle faciliten os datos necesarios.
Unha vez transcorrido o prazo sinalado no parágrafo anterior, abrirase un prazo de cinco (5) días hábiles para que as persoas aspirantes que constan no anexo I desta resolución seleccionen telematicamente, a través do sistema electrónico, os destinos ofertados por orde de prelación.
- Detalles
No DOG do 21/02/2025 publican:
- RESOLUCIÓN do 12 de febreiro de 2025, do tribunal encargado de cualificar o proceso selectivo para o ingreso, pola quenda de acceso libre e de promoción interna, no corpo superior da Administración xeral da Comunidade Autónoma de Galiza, subgrupo A1, escala superior de orientación laboral, convocado pola Resolución do 5 de xullo de 2023 (Diario Oficial de Galiza número 129, do 7 de xullo), pola que se fan públicos a data, a hora e o lugar de realización do segundo exercicio do proceso selectivo.
Terá lugar o día 25 de marzo de 2025, en chamamento único que se iniciará ás 15.30 horas, nas aulas 2 e 11 da Escola Galega de Administración Pública, sita en Santiago de Compostela na rúa Madrid, 2-4 (Fontiñas).
- RESOLUCIÓN do 12 de febreiro de 2025, do tribunal encargado de cualificar o proceso selectivo para o ingreso, pola quenda de acceso libre e de promoción interna, no corpo de xestión da Administración xeral da Comunidade Autónoma de Galiza, subgrupo A2, escala de orientación laboral, convocado pola Resolución do 5 de xullo de 2023 (Diario Oficial de Galiza número 129, do 7 de xullo), pola que se fan públicos a data, a hora e o lugar de realización do segundo exercicio do proceso selectivo.
Terá lugar o día 29 de marzo de 2025, en chamamento único que se iniciará ás 15.30 horas, no salón de actos e na aula 1 da Facultade de Dereito de Santiago de Compostela.
- Detalles
No DOG do 21/02/2025 publican a CORRECCIÓN DE ERROS. Resolución do 30 de xaneiro de 2025 pola que se nomea o tribunal que deberá cualificar o proceso selectivo para o ingreso, pola quenda de acceso libre e de promoción interna, no corpo facultativo de grao medio de Administración especial da Administración xeral da Comunidade Autónoma de Galiza, subgrupo A2, escala de técnicos facultativos, especialidade de educador/a social.
