A CIG participará tamén este ano nos actos do 25 de novembro no Día Internacional Contra a Violencia Machista, baixo o lema traballo digno e sen violencias, co cal queremos denunciar a pasividade ante estas condutas machistas que tamén se dan no eido laboral na administración pública.
Así, o día 25 de novembro terá lugar ás 10.00 horas o Encontro de mulleres da CIG, no salón de actos do edificio sindical de A Coruña (Avda Alfonso Molina, 90), do que sairemos ás 12.00 horas en manifestación até a sede da Confederación de Empresarios e Empresarias, na praza Luís Seoane de A Coruña. Ás 13.00 horas daremos por finalizada a mobilización.
O 25 de novembro é un bo día para lembrarlle á Consellería de Igualdade que a própia Xunta non ten aínda un Plan de igualdade própio. A ausencia de medidas reais de conciliación, a sobrecarga no traballo, as presións no seu desempeño, a minusvalorización do traballo, o illamento laboral, etc, tamén son formas de violencia contra as mulleres, e son violencias reais para moitas traballadoras da Administración galega. Tal vez a conselleira debería propoñerse solucionar esas eivas no seo da própia administración de maneira efectiva. Convocar unha andaina na que segundo esta consellería participaron 7000 persoas para mostrar o seu rexeitamento á violencia de xénero está moi ben, pero mellor era predicar co exemplo.
Convidámoste a participar nos actos convocados pola Marcha Mundial das Mulleres por toda Galiza na tarde do 25 de novembro:
- A Coruña, 20h no Obelisco.
- A Estrada, 20:30h Praza do Concello
- As Pontes, 19:30h Praza do Hospital
- Betanzos, 20:30h detrás do palco da música
- Carnota, 19:30h Praza da Pedra
- Cee, 20h na Praza 8 de marzo
- Compostela, 20h Praza 8 de marzo
- Lalín, 20:30h Praza da Igrexa
- Lugo, 20h diante da Subdelegación do Goberno
- Narón, 19:30h Praza da Gándara
- Noia, 20:30h diante do Concello
- O Porriño, 20h Praza do Concello
- Ordes, 20:30h Alameda
- Ourense, 20h Castañeira
- Ponteceso, 20h Praza do Recheo
- Pontevedra, 20h Audiencia Provincial
- Ribadavia, 20h Praza Maior
- Val Miñor, 20h no Cruce da Ramallosa
- Vigo, 20h Vía Norte
- Vilagarcía, 20:30h Praza de Galiza
- Vilalba, 20:30h na Praza da Constitución
