- Detalles
No DOG do 04/09/2024 a EGAP publica a RESOLUCIÓN do 27 de agosto de 2024 pola que se convoca o Curso superior en protección de datos.
O curso está dirixido ao persoal empregado público en situación de servizo activo ou asimilado da Administración xeral da Comunidade Autónoma de Galiza, das súas entidades públicas instrumentais e da Administración institucional que se encadren nalgunha das seguintes categorías:
• Grupo A (subgrupos A1 e A2) do persoal funcionario.
• Grupos I e II do persoal laboral.
O prazo para a inscrición permanecerá aberto desde as 9.00 horas do primeiro día hábil seguinte ao da publicación desta resolución no Diario Oficial de Galiza ata as 23.59 horas do día 24 de setembro de 2024.
- Detalles
No DOG do 03/09/2024 publican a RESOLUCIÓN do 28 de agosto de 2024, do tribunal encargado de cualificar o proceso selectivo para o ingreso, pola quenda de acceso libre e de promoción interna, no corpo superior da Administración xeral da Comunidade Autónoma de Galiza, subgrupo A1, escala de sistemas e tecnoloxía da información (DOG do 7 de xullo de 2023), pola que se publican as datas, a hora e o lugar de realización do terceiro exercicio do proceso selectivo (lectura terceiro exercicio).
- Detalles
No DOG do 02/09/2024 a AXENCIA PARA A MODERNIZACIÓN TECNOLÓXICA DE GALIZA publica a RESOLUCIÓN do 6 de agosto de 2024 pola que se anuncia a convocatoria do Programa de autoformación e das probas para a obtención do certificado de competencias dixitais ComDix no seu nivel de iniciación.
As actividades do programa de autoformación conforman un itinerario formativo composto polos 7 cursos seguintes:
Curso Horas
• Empezamos! Que nivel de competencias teño? Introdución ao Marco galego de competencias dixitais. 10
• ComDix iniciación I: coñece a contorna dixital. 25
• ComDix iniciación II: ten a información dixital sempre á man; buscar, seleccionar e gardar. 35
• ComDix iniciación III: tecnoloxías dixitais para conversar, compartir e colaborar. 40
• ComDix iniciación IV: participa na sociedade dixital; as vantaxes da administración electrónica. 50
• ComDix iniciación V: crea contidos dixitais con ferramentas ofimáticas e multimedia. 50
• ComDix iniciación VI: atopa o benestar dixital; tecnoloxía con «sentidiño». 40
Poden acceder aos contidos das actividades do programa de autoformación, sen pasar por ningún proceso de selección, todas aquelas persoas que cumpran cos seguintes requisitos:
• Ser maiores de 16 anos.
• Estar dadas de alta como usuario/a da Rede CeMIT (https://cemit.xunta.gal).
Así mesmo, a realización total ou parcial do itinerario formativo non dá dereito á expedición do certificado de competencias dixitais (ComDix), que se obterá unicamente pola superación da proba de certificación regulada no anexo II.
A realización na súa totalidade de calquera dos cursos que conforman este itinerario xerará a posibilidade de realizar un exame final presencial, cuxa superación outorgará o dereito a obter un diploma de aproveitamento polas horas previstas na correspondente actividade do programa de autoformación.
Este exame final presencial terá que realizarse logo de inscrición nalgunha das aulas CeMIT dispoñibles para a súa realización, aulas que se poderán consultar na páxina web https://cemit.xunta.gal, a través da procura «Exame presencial EMA teleformación».
O prazo para a inscrición estará aberto para as dúas (2) edicións a partir do día seguinte ao da publicación desta resolución no Diario Oficial de Galiza e irase pechando secuencialmente para cada unha das edicións co obxecto de permitir que as persoas interesadas que non resulten seleccionadas na primeira edición poidan inscribirse na seguinte convocatoria:
• Edición de outubro: ata o 18 de setembro, inclusive.
• Edición de novembro: ata o 18 de outubro, inclusive.
Soamente se poderá presentar unha solicitude de inscrición por persoa participante en cada edición, e serán excluídas automaticamente aquelas persoas solicitantes que figuren inscritas en máis dunha localidade ou horario dunha mesma edición.
- Detalles
No DOG de hoxe, día 27/08/2024, publícase a ORDE do 8 de agosto de 2024 pola que se regula o procedemento para o nomeamento como persoal funcionario de carreira do persoal laboral fixo de determinadas categorías profesionais que superou os procesos de funcionarización convocados polas resolucións do 26 de abril de 2021 e do 12 de maio de 2021.
- Detalles
No DOG de hoxe, día 23/08/2024, publícase a RESOLUCIÓN do 13 de agosto de 2024, da Dirección Xeral de Emprego Público e Administración de Persoal, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de concurso-oposición, en distintos corpos, escalas e especialidades da Administración xeral e de Administración especial da Comunidade Autónoma de Galicia (subgrupo A2).
- Detalles
No DOG de hoxe, día 23/08/2024, publícase a resolución pola que se convoca a elección de destino provisional das persoas que superaron o proceso selectivo da escala auxiliar de coidadores, subgrupo C2.
- A DXEP remitiralles ás persoas aspirantes un correo electrónico co usuario e a clave de acceso á aplicación do proceso selectivo.
- No caso de non recibila no prazo máximo de dous (2) días hábiles, contados a partir do día seguinte ao da publicación desta resolución no DOG, a persoa aspirante deberá poñerse en contacto co servizo informático no teléfono 881 99 98 83.
- Unha vez transcorrido o prazo sinalado no parágrafo anterior, abrirase un prazo de cinco (5) días hábiles para que as persoas aspirantes que constan no anexo I seleccionen telematicamente os destinos ofertados por orde de prelación.
- A elección de destinos deberá realizarse a través do sistema electrónico a que se poderá acceder a través da páxina web da Dirección Xeral de Emprego Público e Administración de Persoal funcionpublica.xunta.gal, seguindo a ruta «Función pública»-«Procesos selectivos».
Unha vez que se accede hai que seguir as instrucións do punto 4 da resolución.
- Detalles
No DOG de hoxe, 21/04/2024 publícase a,
RESOLUCIÓN do 12 de xullo de 2024, do tribunal encargado de cualificar o proceso selectivo de estabilización para o ingreso no corpo facultativo superior de Administración especial da Administración xeral da Comunidade Autónoma de Galiza, subgrupo A1, escala de ciencias, especialidade de química, convocado mediante a Resolución do 16 de decembro de 2021 (Diario Oficial de Galiza número 241, do 17 de decembro), pola que se fai pública a relación de persoas aspirantes que superaron o proceso selectivo.
- Detalles
No DOG de hoxe, día 21/08/2024, publícanse as modificacións das relacións de postos de traballo referentes ao proceso de funcionarización de postos de traballo de persoal laboral da Xunta de Galiza:
- RESOLUCIÓN do 8 de agosto de 2024 pola que se ordena a publicación do Acordo do Consello da Xunta de Galiza do 5 de agosto de 2024 polo que se aproba a modificación das relacións de postos de traballo da Administración xeral da Comunidade Autónoma de Galiza.
NOTA: ao detectar que a versión web non coincide coa pdf, mudamos o enlace da seguinte resolución para que se poida consultar no formato correcto.
- RESOLUCIÓN do 8 de agosto de 2024 pola que se ordena a publicación do Acordo do Consello da Xunta de Galiza do 5 de agosto de 2024 polo que se aproba a modificación da relación de postos de traballo referente ao proceso de funcionarización de postos de traballo de persoal laboral da Xunta de Galiza e clasificación no corpo administrativo da Administración xeral (subgrupo C1), corpo de técnicos de carácter facultativo de Administración especial (grupo B) e no corpo de axudantes de carácter facultativo de Administración especial (subgrupo C1); no corpo auxiliar da Administración xeral (subgrupo C2) e no corpo de auxiliares de carácter técnico de Administración especial (subgrupo C2), da Administración xeral da Comunidade Autónoma de Galiza.
- Detalles
No DOG de hoxe día 20/08/2024, publícanse no DOG os nomeamentos dos tribunais de varios procesos selectivos:
RESOLUCIÓN do 12 de agosto de 2024 pola que se nomea o tribunal que deberá cualificar o proceso selectivo para o ingreso, polas quendas de acceso libre e promoción interna, no corpo de xestión da Administración xeral da Comunidade Autónoma de Galiza, subgrupo A2, escala de inspección turística.
RESOLUCIÓN do 12 de agosto de 2024 pola que se nomea o tribunal que deberá cualificar o proceso selectivo para o ingreso, pola quenda de acceso libre e de promoción interna, na escala técnica de condución do corpo de axudantes de carácter facultativo de Administración especial da Administración xeral da Comunidade Autónoma de Galiza, subgrupo C1.
RESOLUCIÓN do 12 de agosto de 2024 pola que se nomea o tribunal que deberá cualificar o proceso selectivo para o ingreso, pola quenda de acceso libre e de promoción interna, no corpo de axudantes de carácter facultativo de Administración especial da Administración xeral da Comunidade Autónoma de Galiza, subgrupo C1, escala técnica de recursos naturais e forestais, especialidade de capataz.
- Detalles
No DOG do 08/08/2024 publícase a convocatoria de axudas por redución de xornada:
Orde do 2 de xullo de 2024 pola que se establecen as bases reguladoras que rexerán as axudas para a conciliación da vida familiar e laboral por redución da xornada de traballo, como medida de fomento da conciliación e corresponsabilidade, cofinanciadas pola Unión Europea no marco do programa FSE+ Galicia 2021-2027, e se convocan para o ano 2024 (código de procedemento SI440A).
Presentación de solicitudes e prazo: o prazo de presentación de solicitudes será dun (1) mes, contado a partir do día seguinte ao da publicación desta orde no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día de prazo é inhábil, entenderase prorrogado ao primeiro día hábil seguinte e, se no mes do vencemento non hai día equivalente ao inicial do cómputo, entenderase que o prazo finaliza o último do mes.
As solicitudes presentaranse obrigatoriamente por medios electrónicos a través do formulario normalizado (anexo I) dispoñible na sede electrónica da Xunta de Galicia.
