- Detalles
No DOG do 21/03/2025 publican a RESOLUCIÓN do 19 de marzo de 2025, do tribunal designado para cualificar o proceso selectivo extraordinario de estabilización derivado da Lei 20/2021, do 28 de decembro, para o ingreso, pola quenda de acceso libre e mediante o sistema de concurso, no corpo superior da Administración xeral da Comunidade Autónoma de Galiza e no corpo facultativo superior de Administración especial da Administración xeral da Comunidade Autónoma de Galiza, subgrupo A1, pola que se modifica a baremación definitiva da fase de concurso do corpo superior da Administración xeral da Comunidade Autónoma de Galiza.
- Detalles
No DOG do 21/03/2025 publican a RESOLUCIÓN do 18 de marzo de 2025, da Dirección Xeral de Emprego Público e Administración de Persoal, pola que se dá publicidade á modificación da Resolución do 24 de febreiro de 2025 pola que se aproban e se fan públicas as listas definitivas de persoas admitidas e excluídas no proceso selectivo para o ingreso, pola quenda de acceso libre e de promoción interna, no corpo de xestión da Administración xeral da Comunidade Autónoma de Galiza, subgrupo A2, escala técnica de finanzas.
- Detalles
No DOG do 21/03/2025 publican a RESOLUCIÓN do 18 de marzo de 2025, da Dirección Xeral de Emprego Público e Administración de Persoal, pola que se exclúen persoas aspirantes do proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso no corpo superior da Administración xeral da Comunidade Autónoma de Galiza e no corpo facultativo superior de Administración especial da Administración xeral da Comunidade Autónoma de Galiza (subgrupo A1).
Exclúen varias persoas dos seguintes procesos:
- corpo superior da Administración xeral
- corpo facultativo superior, escala de veterinaria
- corpo facultativo superior, escala de expertos/as lingüistas
- Detalles
No DOG do 21/03/2025 publican a RESOLUCIÓN do 7 de marzo de 2025, do tribunal cualificador do proceso selectivo para o ingreso, pola quenda de acceso libre e de promoción interna, na escala técnica de condución do corpo de axudantes de carácter facultativo de Administración especial da Administración xeral da Comunidade Autónoma de Galiza, subgrupo C1, convocado pola Resolución do 5 de xullo de 2023, pola que se dá publicidade a diversos acordos.
Publican os resultados obtidos polas persoas aspirantes presentadas ao segundo exercicio no portal web corporativo da Xunta de Galiza, funcionpublica.xunta.gal
- Detalles
No DOG do 21/03/2025 publican a CORRECCIÓN DE ERROS. Orde do 17 de febreiro de 2025 pola que se regula o procedemento para o nomeamento como persoal funcionario de carreira do persoal laboral fixo de determinadas categorías profesionais que superou os procesos de funcionarización convocados polas resolucións do 26 de abril de 2021, do 12 de maio de 2021 e do 15 de decembro de 2023.
- Detalles
No DOG do 20/03/2025 publican:
- RESOLUCIÓN do 19 de marzo de 2025 pola que se procede ao nomeamento como persoal funcionario en prácticas no corpo auxiliar da Administración xeral da Comunidade Autónoma de Galiza, subgrupo C2, das persoas aspirantes que superaron a fase de oposición do proceso selectivo, polas quendas de acceso libre e de promoción interna, en prazas reservadas para seren cubertas por persoas que acrediten discapacidade intelectual, convocado pola Resolución do 30 de marzo de 2022 (Diario Oficial de Galiza número 65, do 4 de abril).
- RESOLUCIÓN do 19 de marzo de 2024 pola que se regula o período de prácticas das persoas aspirantes que superaron a fase de oposición do proceso selectivo para o ingreso, polas quendas de acceso libre e de promoción interna, no corpo auxiliar da Administración xeral da Comunidade Autónoma de Galiza, subgrupo C2, en prazas reservadas para seren cubertas por persoas que acrediten discapacidade intelectual, convocado pola Resolución do 30 de marzo de 2022 (Diario Oficial de Galiza número 65, do 4 de abril).
As persoas que ocupan actualmente postos como persoal funcionario interino ou laboral temporal ou laboral indefinido non fixo na Xunta de Galicia deberán cesar no seu posto, de ser o caso, de interino ou laboral, e tomarán posesión, o día 24 de marzo de 2025, como persoal funcionario en prácticas, nos centros directivos a que fosen destinadas como consecuencia da elección de destino. Unha vez superado o curso selectivo, serán nomeadas persoal funcionario de carreira, con destino definitivo, no corpo auxiliar na praza adxudicada no acto de elección de destino.
As persoas que ocupan postos como persoal funcionario de carreira na Xunta de Galiza poderán acollerse ao disposto no artigo 129 da Lei 2/2015, do 29 de abril, do emprego público de Galicia (licenzas para a realización de estudos sobre materias directamente relacionadas coa Administración pública) e deberán prestar servizos efectivos nos centros directivos en que fosen destinadas como consecuencia da elección de destino; neste caso, poderán optar entre percibir as retribucións que correspondan pola condición de persoal funcionario de carreira ou as retribucións previstas para o persoal funcionario en prácticas. Esta petición deberán cursala na súa propia consellería.
- Detalles
No DOG do 20/03/2025 publican:
- RESOLUCIÓN do 11 de marzo de 2025, do tribunal nomeado para xulgar o proceso selectivo para o ingreso, pola quenda de acceso libre e de promoción interna, no corpo de xestión da Administración xeral da Comunidade Autónoma de Galiza, subgrupo A2, escala técnica de finanzas, pola que se fai pública a data, a hora e o lugar de realización do primeiro exercicio.
Terá lugar o día 29 de marzo de 2025, en chamamento único que se iniciará ás 9.00 horas, na Facultade de Dereito de Santiago de Compostela, nas seguintes aulas: Aula 1 e Aula 9.
- RESOLUCIÓN do 12 de marzo de 2025, do tribunal cualificador do proceso selectivo para o ingreso, polas quendas de acceso libre e de promoción interna, no corpo facultativo superior de Administración especial da Administración xeral da Comunidade Autónoma de Galiza, subgrupo A1, escala de facultativos, especialidade de medicina (Diario Oficial de Galiza número 37, do 24 de febreiro), pola que se fai pública a data, a hora e o lugar de realización do primeiro exercicio do proceso selectivo.
Terá lugar o día 26 de marzo, ás 15.30 horas, nas aulas 5, 6 e 11 da Escola Galega de Administración Pública, sita en Santiago de Compostela na rúa de Madrid 2-4 (As Fontiñas).
- RESOLUCIÓN do 12 de marzo de 2025, do tribunal encargado de cualificar o proceso selectivo para o ingreso, pola quenda de acceso libre e de promoción interna, no corpo facultativo de grao medio de Administración especial da Administración xeral da Comunidade Autónoma de Galiza, subgrupo A2, escala de subinspección urbanística, convocado pola Resolución do 22 de xaneiro de 2024 (Diario Oficial de Galiza número 20, do 29 de xaneiro), pola que se fai pública a data, a hora e o lugar de realización do primeiro exercicio do proceso selectivo.
Terá lugar o día 26 de marzo de 2025, en chamamento único que se iniciará ás 15.30 horas, nas aulas 2 e 7 da Escola Galega de Administración Pública, sita en Santiago de Compostela na rúa de Madrid 2-4 (As Fontiñas).
- Detalles
No DOG do 20/03/2025 publican o ACORDO do 17 de marzo de 2025, do tribunal nomeado para cualificar o proceso selectivo para o ingreso, pola quenda de promoción interna, no corpo administrativo da Administración xeral da Comunidade Autónoma de Galiza, subgrupo C1, convocado pola Resolución do 16 de novembro de 2023 (Diario Oficial de Galiza número 222, do 22 de novembro), polo que se dá publicidade a diversos acordos.
Publican no portal web corporativo da Xunta de Galiza, funcionpublica.xunta. gal os resultados obtidos polas persoas aspirantes con relación ao primeiro exercicio deste proceso.
- Detalles
No DOG do 20/03/2025 a EGAP publica a RESOLUCIÓN do 4 de marzo de 2025 pola que se convocan os cursos de prevención de riscos laborais, nivel básico, para persoal empregado público, traballadores/as por conta allea ou autónomos/as, empresarios/as e aquelas persoas con inquedanzas no ámbito da prevención de riscos laborais.
O prazo de presentación de solicitudes será do 21 ao 31 de marzo de 2025.
As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo https://egap.xunta.gal/ matricula desde as 9.00 horas da data de inicio do prazo de presentación de solicitudes e ata as 23.55 horas da data de finalización. As solicitudes entenderanse presentadas unha vez que se complete correctamente o proceso de matriculación.
Unha vez recibidas as solicitudes correctamente, asignaranse as prazas no curso solicitado por orde de inscrición ata esgotar o total de prazas, tendo prioridade aquelas persoas que posúan a condición de delegado/a de prevención, traballador/a designado/a e/ou empresario/a que asuma as funcións de prevención de riscos laborais na súa empresa (deberán achegar a documentación que o acredite ao enderezo issga.cursoprl@xunta.gal dentro do prazo de presentación de solicitudes); o 50 % das prazas do curso reservarase para o persoal empregado público.
- Detalles
No DOG do 19/03/2025 a SOCIEDADE DE VIVENDA PÚBLICA DE GALIZA, S.A. publica o ANUNCIO polo que se fai pública a convocatoria do proceso selectivo, pola quenda de acceso libre e mediante o sistema de concurso-oposición, para o ingreso en diversas categorías desta entidade do sector público autonómico da Comunidade Autónoma de Galiza.
O prazo para a presentación de solicitudes rematará transcorridos 20 días hábiles contados desde o día da publicación no DOG.
