Aquí tes unhas taboas coas cantidades exactas que nos vai supoñer o recorte na nosa faltriqueira.

Onte, luns 24/5/2010, publicouse no B.O.E. o Real Decreto-lei 8/2010 de 20 de maio, polo que se adoptan medidas extraordinarias para a reducción do déficit público. Visto o decreto resulta certo o que nos temíamos: que as porcentaxes establecidas no Real decreto-lei son maiores que as dadas a coñecer á prensa polo goberno do Estado.

1. Para o persoal laboral vai haber unha reducción do 5% en cada un dos conceptos da nómina, independentemente do grupo.

2. O persoal funcionario ten porcentaxes de reduccións variábeis segundo o grupo no soldo base e trienios, e reduccións na mesma porcentaxe do 5% nos complementos.

3. A reducción máis grande se vai dar no soldo base da paga extra do Nadal aos grupos A1, A2, e C1 (537, 323 e 126 euros respectivamente).

4. Manteñen sen embargo o plan de pensións do Estado intacto, fondo que se nutre dos Orzamentos Xerais do Estado para beneficiar a empresas privadas e a "outros".

5. Manteñen sen reducción os cartos do capítulo destinado a fondos e salarios dos centros de ensino concertados.

Todas as táboas que seguen foron elaboradas pola CIG tralo estudo do Real Decreto-lei. Podes atopar información mais polo miudo no seguinte documento: ligazón.

PERSOAL FUNCIONARIO

Estimación da reducción salarial mensual segundo o subgrupo e o nivel (soldo base + C.E. + C.D., sen trienios)

Desconto nos trienios

Reducción da paga extraordinaria do nadal

Na paga extraordinaria do nadal tamén haberá reducción que, no caso do soldo base dos subgrupos A1, A2 e C1 alcanza unhas cantidades moi importantes.

Ao soldo base da extra tamén hai que engadir os descontos dos complementos de destino e específico que se reducen nun 5%. Sumando soldo base, complemento de destino e específico, e sen contar trienios, o desconto total da paga extra do nadal sería a seguinte:

PERSOAL LABORAL

Reducción nas retribucións básicas e complementarias do persoal laboral: 5%

(A primeira táboa publicada no día de hoxe, 25 de maio, contiña un erro nas retribucións complementarias da A.P, antigo grupo E, que foi corrixido ao longo do día)