Novas por contido

A Xunta de Galiza aínda non tomou nengunha medida para protexer aos seus traballadores e traballadoras e as persoas usuarias

A pesar das multiples solicitudes de convocatoria dos comités de seguridade e saude laboral feitas pola CIG dende o 5 de marzo perante o potencial risco de infeccion do coronavirus a resposta da Xunta esta sendo completamente dilatoria. Como consecuencia o caos e improvisación é a tonica nos edificos administrativos e os centros de atencion social da Xunta.

Débese estremar xa a limpeza e desinfección en todos os centros de traballo, é urxente a contratación de persoal de reforzo e limpeza e un plan de traballo. Nin sequera se estableceron protocolos de limpeza específico, se instalaron dispensadores desinfectantes ou se fixeron nos centros as medidas organizativas e materiais de proteccion necesarias.

Así, hoxe temos persoal sensible con maior risco por padecer enfermidades crónicas, en estado de inmunosupresión, pluripatolóxicos, embarazadas, etc para os que non se tomou ningún tipo de medida de proteccion como apartalos da atencion directa ao público.

Denunciamos especificamente a falla de batas, máscaras de protección adecuada fronte este risco biolóxico (FFP3), protección ocular e luvas que cumpran a normativa para este tipo de infeccións nos centros de traballo de atencion social como escolas infantís e residencias de maiores e centros de día. . Destacamos, por exemplo que na residencia de maiores de Volta do Castro en Santiago de Compostela estanse a facer ocos para posibles infectados, mentres o persoal non ten a mínima información nin material para a prevención do contaxio.

A Xunta si que actúa obviando ao virus

O Goberno de Galiza no seu afán preelectoral nestes últimos días sacou numerosas liñas de axudas que saturan os servizos de atención e rexistro obviando o risco de infección e provocando a concentración de persoas. Ao reves do que fai a subdelegación do goberno en Galiza nos seus edificios adminstrativos que a partir de hoxe traballan a porta pechada e con cita previa.

Dende a CIG instamos á suspensión INMEDIATA dos prazos administrativos como xa se fai no mes de agosto, de xeito que os cidadáns e cidadás non se vexan afectadas nos seus trámites coa Administración mentres dure a crise da pandemia. Ademais xa solicitamos hai días que se tomen medidas necesarias e urxentes

Denunciamos a deixadez e valoramos accións de denuncia aos responsables para obrigalos a protexer ao persoal.

Esta obriga da Xunta, como responsable da protección do seu persoal, ven perfectamente definida na normativa de aplicación e implica que debe garantir a seguridade e a saúde das persoas traballadoras ao seu servizo en todos os aspectos relacionados co traballo baixo o seu ámbito de dirección. Asi a prevención debe facerse perante un risco potencial e coñecido e de xeito previo, e decir antes de que a infeccion chegue aos centros.

Por iso hoxe valoramos denunciar ante inspección de traballo e acudir ao xulgado para buscar as responsabilidades penais porque os dirixentes da Xunta de Galiza non estar a tomar medidas reais para protexer a saude do seu persoal. 

Outras novas recentes

Martes, 30 Setembro 2025

Campaña de vixilancia da saúde 2025/2026 para persoal non docente de centros de ensino

Aplicable ao persoal docente e non docente (funcionario e laboral) en activo, que presta servizos nos centros docentes públicos non universitarios, dependentes da Consellería de Educación, Ciencia, Universidades e Formación Profesional. A inscrición ten carácter voluntario, polo que se realizará previa solicitude das persoas interesadas conforme ás instrucións deste...
Mércores, 01 Outubro 2025

RPT de Medio Rural e RPT da administración especial para poder finalizar o concurso de enxeñarías, arquitecturas e ciencias

O venres 26/09/2025 celebrouse a Comisión de Persoal onde se levaban dous asuntos,   RPT de Medio Rural Estamos en contra dunha modificación de RPT na que se amortizan 14 postos de traballo para crear 7. Sen os postos derivados do decreto de estrutura temos que se destrúen 7 postos para crear 2 e para financiar a inmoral e insolidaria suba do complemento específico dos...
Venres, 03 Outubro 2025

Persoal da Xunta de Galiza reclama unha solución inmediata á parálise dos concursos de traslados (Concentración 30/09/2025)

A CIG demanda unha prelación xusta, axilidade na resolución, máis medios e a duplicidade dos postos bloqueados por medidas xudiciais Traballadoras e traballadores da Xunta de Galiza concentráronse na mañá do martes 30 de setembro de 2025 diante do edificio administrativo de San Caetano para esixir unha solución inmediata aos concursos de traslados, paralizados dende hai...