O venres 28 de febreiro tivo lugar unha xuntanza da Mesa Sectorial de negociación de persoal Funcionario, na que se tratou a RPT de Economía e Industria. Na rolda aberta de intervencións a DXEP deu información de: concurso específico, concurso de corpos xerais, consorcio, funcionarización (III-99 e IV-4), acordo de centros de Política Social, e baremo de estabilización de SPIF.
RPT de Economía e Industria
Outra RPT que no seu día (15 de xullo de 2024) consideraban urxente, e da que non soubemos máis ata esta semana. Daquelas enviaran moi pouca documentación, e 7 meses despois envían un montón de correccións sen moita explicación. Basicamente adaptan a RPT á estrutura orgánica da consellería. Seguen a abrir postos a outras administracións. Non retiran requisito imprescindible en dereito a postos de corpos xerais (admitiriamos mérito, pero non requisito). Manteñen algúns postos xeral/especial sen indicar especialidades.
Rolda aberta de intervencións
Concurso de traslados de corpos xerais: en marzo publicarán a resolución para a elección de postos e xustificación de méritos.
Concurso específico (modelo): analizando as alegacións. Convocarán unha xuntanza previa á Comisión de Persoal.
Consorcio:
- Publicación da RPT o 5 de marzo
- Funcionarización do persoal laboral fixo do consorcio: exame na última semana/xuño ou primeira/xullo. En DOG 2ª semana marzo
Funcionarización persoal laboral fixo das categorías III-99 e IV-4: exame o 20 de maio. En DOG 2ª semana marzo.
Acordo centros PS: na semana do 3 de marzo convocarán xuntanza da comisión de seguimento. A xuntanza será na semana do 10 de marzo.
Baremo estabilización SPIF: na semana do 3 de marzo convocarán xuntanza. A xuntanza podería ser esa mesma semana.
