- Detalles
O Bombeiro Forestal, boletín da sección sindical da CIG de Medio Rural de Ourense. No número de primavera podedes ler os seguintes artigos:
- Editorial: Hai alguén aí...?
- Máis medios privados para a extinción
- Campaña: Plans de acción
- PNL fixos discontinuos de 3 meses
- O eucalipto na Picota
- Certificado de competencias profesionais
- Cadernos técnicos: os ventos
- Prevención: Traballo a quendas
- Datos lumes 2016
- Comisión de seguimento acordo Bombeir@s forestais
- Taboleiro de breves
Podedes descargar o boletín premendo na imaxe e tamén facendo click nesta ligazón
- Detalles
Poñemos a túa disposición o boletín da CIG-Autonómica en servizos centrais de abril do 2017, co seguinte contido:
- Actuación ante un dano da saúde sufrido no traballo.
- Acordos da comisión de listas.
- As bases de helicópteros contra incendios sen helicópteros.
- Asinar un acordo con datos falsos (acordo de mellora de emprego de Madrid).
- Última hora.
- Data probas físicas SPDCIF.
- Detalles
No DOG do luns, 10 de abril de 2017 a EGAP en colaboración co ISSGA convoca un curso de prevención de riscos laborais en actividades de tempo libre, nivel básico, para empregados públicos, traballadores por conta allea ou autónomos, empresarios e aquelas persoas con inquietudes no ámbito da prevención de riscos laborais.
O curso ten 60 horas de duración e conta con 30 prazas. Será en modalidade de teleformación. O prazo de presentación de solicitudes é do 11 ao 20 de abril de 2017 a través da páxina web da EGAP https://egap.xunta.gal/matricula.
- Detalles
No DOG do luns, 10 de abril de 2017 a EGAP publicou a convocatoria do Programa de autoformación para o persoal ao servizo das administracións territoriais, institucionais e entes públicos instrumentais do sector público da Comunidade Autónoma, así como para o persoal da Administración de xustiza de Galicia e de administración e servizos (PAS) das tres universidades galegas.
A autoformación oriéntase cara a adquisición de coñecementos e habilidades de xeito autónomo, asumindo a persoa participante un papel activo no proceso de aprendizaxe, a través do emprego das tecnoloxías da información e da comunicación, ao mesmo tempo que se lle ofrece a posibilidade de acreditar a súa competencia mediante unha proba voluntaria, que lle dá dereito a obter un certificado de equivalencia.
- Detalles
No DOG do venres 7 de abril de 2017 publicouse a convocatoria de cursos de linguaxe administrativa galega para o persoal que preste servizo na Administración xeral da Comunidade Autónoma de Galicia e das entidades públicas instrumentais do sector público autonómico. Estos cursos están organizados pola EGAP en colaboración coa Consellería de Cultura, Educación e Ordenación Universitaria, a través da Secretaría Xeral de Política Lingüística.
Convócase as seguintes edicións de 25 prazas cada unha:
- 5 edicións de nivel medio en modalidade de teleformación
- 6 edicións de nivel superior en modalidade de teleformación
- 1 edición de nivel medio en modalidade presencial (SANTIAGO).
- 2 de nivel superior en modalidade presencial (SANTIAGO).
- Detalles
No DOG do martes 7 de marzo, publícase unha resolución da EGAP pola que se convocan actividades de formación para o persoal das entidades públicas instrumentais do sector público autonómico de Galicia e institucións públicas autonómicas.
As actividades formativas obxecto desta convocatoria impartiranse en dúas modalidades: teleformación e presencial.
O prazo de presentación de solicitudes será de 10 días naturais a partir do día seguinte ao da publicación desta resolución no Diario Oficial de Galicia, polo que comeza o mércores 8 de marzo e remata o venres 17 de marzo ás 14:00 h.
As solicitudes de participación nas actividades formativas só se poderán realizar mediante o formulario de matrícula telemática dispoñible no enderezo http://egap.xunta.gal/matricula.
O número máximo de cursos que se pode solicitar durante o prazo de presentación de solicitudes limítase a seis en todas as convocatorias cuxo prazo de matrícula sexa coincidente.
- Detalles
No DOG do 1 de marzo de 2017 publícase a resolución pola que a EGAP convoca as actividades de formación continua en materia de idiomas para o persoal ao servizo da Administración xeral da Comunidade Autónoma de Galicia e das entidades públicas instrumentais do sector público autonómico.
O prazo de presentación de solicitudes será de 10 días naturais a partir do día seguinte ao da publicación desta resolución no Diario Oficial de Galicia, polo que comeza ás 8:00 horas do 2 de marzo e remata ás 14:00 horas do 11 de marzo de 2017.
As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo http://egap.xunta.gal/matricula.
O número máximo de actividades formativas que se pode solicitar limítase a tres.
- Detalles
Vense de publicar o número de marzo de 2017 do Boletín de persoal funcionario de Ourense. Nesta edición inclúense os seguintes artigos:
- A Xunta limita os dereitos de conciliación
- Goteiras no teito de Santa María de Europa
- Asasinato de axentes rurais
- Avaliación de riscos dos traballos de campo
- Problemas de temperatura no IGVS
- Xogo de tronos
- Procesos selectivos, OPE 2017 e concursos pendentes: "nas vindeiras datas"
- Abandonados pola delegada da xunta
Podes descargar o boletín nesta ligazón ou premendo na imaxe.
- Detalles
A Resolución da EGAP, publicada o venres 17 de febreiro, exclúe da convocatoria de formación continua correspondente ao primeiro semestre do ano 2017, ou cando menos déixalles os “restos”, a todo o persoal funcionario ou laboral que presta servizos en entes instrumentais (AMTEGA, ATRIGA, IGE, etc.)
O punto 3 da base primeira da referida Resolución 17/2/2017, pola que se convocan as actividades de formación continua para o persoal ao servizo da Administración pública de Galiza indica que:
"Así mesmo, o persoal que presta servizos nas entidades públicas instrumentais do sector público autonómico de Galicia enunciadas na alínea a) do artigo 45 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia e institucións públicas autonómicas, poderán acceder a todas as actividades formativas desta convocatoria en que queden prazas vacantes".
O artigo 45.a) referido da Lei 16/2010 (LOFAXGA) a que nos remite a Resolución da EGAP indica que estas entidades son as entidades públicas instrumentais: organismos autónomos, axencias públicas autonómicas, entidades públicas empresariais e consorcios autonómicos.
Con esta redacción, a EGAP dá un tratamento diferente ao persoal funcionario e laboral dependente da Dirección Xeral de Función Pública segundo o centro onde presta servizo: quen presta servizo nas distintas dependencias das consellerías e os seus centros, e quen presta servizo nas axencias, organismos autónomos, ..
A decisión de dividir a Administración xeral en entes instrumentais foi decisión política. A inmensa maioría do persoal funcionario ou laboral adscrito a algunha desas entidades, estano porque o executivo e o lexislativo así o decidiron. En ningún caso perden o vínculo con Función Pública, e á CIG resúltalle inaceptábel que agora a EGAP poña barreiras a uns máis que a outros.
Para a Directora Xeral da Escola Galega de Administración Pública, coa que xa contactou a CIG, trátase simplemente de un problema de interpretación. Para a CIG non abonda, pois o literal da norma di claramente o que aquí afirmamos, polo que esiximos unha corrección de erros.
Se os cursos che son denegados pola “interpretación” da directora da EGAP, contacta coa CIG.
- Detalles
A Xunta ven de publicar no DOG do 17 de febreiro a resolución pola que se convocan as actividades de formación continua para o persoal ao servizo da Administración pública da Comunidade Autónoma de Galiza (ver anexo II).
O número máximo de actividades que se poden solicitar son seis. O prazo de presentación de solicitudes será de 10 días naturais a partir das 8:00 h. do día seguinte ao da publicación desta resolución no DOG e remata o 27 de febreiro ás 14:00h.
As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo http://egap.xunta.gal/matricula.