- Detalles
A Xunta ven de adxudicar a xestión privada de 4 centros públicos por 28.758.006 euros. A empresa Geriatros é a beneficiaria desta macroadxudicación da xestión das Residencias de Viveiro, Vimianzo, Monforte de Lemos e Ourense.
Dende a chegada do Partido Popular ao goberno da Xunta de Galicia a política unha cantidade inxente de cartos ten saído das arcas públicas cara a empresas privadas. O último exemplo é a concesión da xestión privada de Residencias de Maiores feitas con cartos públicos a empresas privadas.
- Detalles
Recentemente se publicou o Plan de Formación Continua da EGAP para o 2011 así como a oferta formativa para o primeiro semestre. As principais novidades para o ano que entra xiran ao redor do maior peso da teleformación e das línguas estranxeiras, na expedición de diplomas de aproveitamento, o recoñecemento da formación no posto de traballo e a sucesiva publicación dos temarios de procesos selectivos, entre outras.
COMO VAI SER A FORMACIÓN DA EGAP NO 2011
A EGAP vai facer a maioría da súa formación pola via on-line, con moito máis peso dos cursos de formación de longa duración (con certificación modular) e con aumento no peso das linguas. É precisamente neste campo no que se da a maior procura de formación polo persoal da nosa administración e onde as solicitudes en xeral duplican o número de prazas ofertadas. No próximo ano vai haber formación en: inglés, portugués, alemán, francés, italiano, chino, árabe e ruso (no futuro próximo probablemente se ampliará a oferta).- Detalles
Tal e como anunciabamos a pasada semana, no DOG do luns 27 de decembro de 2010 faise pública a convocatoria de cursos de formación continua da EGAP, correspondente ao 1º semestre do ano 2011, para o persoal laboral e funcionario da Xunta de Galicia.
O persoal que desexe participar nos cursos deberá cubrir o formulario de solicitude telemática na páxina web da EGAP http://egap.xunta.es/matricula. O prazo de presentación de solicitudes rematará ás 14.00h do 13 de xaneiro de 2011. O número máximo de cursos que se pode solicitar nesta convocatoria limítase a cinco.
Máis información: 981 54 62 46, 981 54 62 57 ou xestion.egap@xunta.es
- Detalles
No DOG do martes 21 de decembro de 2010, faise público o Plan de formación continua do persoal ao servizo da Administración pública da Comunidade Autónoma de Galicia para o ano 2011. As dúas convocatorias previstas, que se corresponderán cos dous semestres do ano, faranse no Diario Oficial de Galicia e a matrícula realizarase a través da páxina web da EGAP: http://egap.xunta.es/matricula. A primeira convocatoria agarda que se faga pública o vindeiro luns 27, cun prazo de presentación de solicitudes ata o 13 de xaneiro de 2011.
Quedan excluídas desta resolución: as actividades derivadas de cursos selectivos, os cursos superiores, as actuacións en colaboración e as xornadas, conferencias e seminarios, as actividades doutras administracións públicas e as actividades de formación do persoal docente da Consellería de Educación, do persoal da Administración de Xustiza e do persoal sanitario, que terán as súas propias convocatorias de acordo coa aprobación dos seus plans ou os convenios que se asinen durante o ano 2011.
- Detalles
Os Sectores Autonómicos de CCOO, CIG, CSI-F e UGT denunciamos a política privatizadora do Partido Popular no goberno da Xunta de Galiza.
Hoxe, 13 de decembro de 2010, estaba prevista a realización da “Comisión Superior de Persoal da Xunta de Galiza”, máximo órgano consultivo en materia de persoal, e no que, entre outros, ía a amortización de 19 postos de traballo no centro de educación especial Santiago Apóstolo da Coruña, como parte da privatización deste centro asistencial que pretende o Partido Popular, postos de traballo básicos para dar unha prestación de servizos de calidade a nenos e nenas que requiren unha especial atención.
- Detalles
Despois de varios anos sen convocar ningunha edición destes cursos tan demandados polo persoal funcionario da Administración autonómica, o 03/12/2010 sae publicado no DOG a convocatoria de 2 edicións dos cursos de perfeccionamento de xefatura de negociado (destinados aos grupos A2, C1 e C2) e outras 2 do de xefatura de sección (destinadas aos grupos A1, A2 e C1) Cada unha destas edicións consta dun todal de 45 prazas e desenvolveranse de xeito mixto (presencial nas instalacións da EGAP en Santiago de Compostela / teleformación). As edicións do curso de perfeccionamento de xefatura de negociado van dende xaneiro ata abril (80h; 20h presenciais) e as de xefatura de sección de xaneiro ata maio (120h; 45h presenciais).
As solicitudes fanse directamente a través da plataforma da EGAP no seguinte enderezo web. O prazo de presentación de solicitudes rematará o 13 de decembro de 2010 ás 14.00h. En caso de dúbida, dificultades técnicas ou necesidade de máis información poderán dirixirse á EGAP a través dos números de teléfono 981 54 62 46 ou 981 54 62 54, ou fax: 981 54 63 39 ou enderezo de correo electrónico.
- Detalles
Os Sectores Autonómicos de CCOO, CIG, CSI-F e UGT denunciamos a política privatizadora do Partido Popular no goberno da Xunta de Galiza.
O 3 de decembro de 2010 vaise celebrar unha Mesa Xeral de Negociación onde a Administración pretende destruír 19 postos de traballo nun centro emblemático no eido da Educación Especial como é o C.A.E.E Santiago Apóstolo da Coruña. Esta medida avanza a política que vai levar adiante o Partido Popular con relación aos Servizos Sociais públicos: desmantelamento progresivo, redución de persoal, e perda de calidade dos servizos prestados para logo xustificar a súa privatización. O Santiago Apóstolo xunto co centro Terra de Ferrol-Souto de Leixa, son as primeiras vítimas desta política consciente de abandono do Público. Esta política de inhibición na que se deixa esmorecer estes centros e se aposta por derivar aos usuarios a centros privados constituíndo un despilfarro de recursos públicos.
As Organizacións Sindicais CCOO, CIG, CSI-F e UGT, esiximos á Administración da Xunta que retire este punto da orde do día desta Mesa Xeral e que abra unha mesa de diálogo sobre o encaixe deste centro dentro do sistema público de Servizos Sociais.
- Detalles
Despois de ter solicitadas varias reunións coa Consellaría de Educación para abordar diversos temas, o pasado xoves mantivemos unha entrevista sobre os seguintes temas.
-
Persoal Coidador e comedores que non son de xestión directa da Administración: pódese chegar a unificar os criterios nas distintas provincias para regulamentar o papel do persoal coidadore respecto ao Plan Madruga e os comedores que non son de xestión directa por parte da Administración, caterings, etc.
-
Profesores de relixión e comités de empresa de peroal laboral Xunta: pódese chegar a excluir aos profesores de relixións do ámbito electoral do comité de Educación e que teñan o seu propio comité. Na CIG consideramos que a problemática específica deste colectivo, o estar fora do V Convenio, as particularidades da súa función docente, etc fai que non teñan cabida dentro do comité de Educación e que se distorsione a dinámica de traballo e a representatividade destes comités.
-
Terra de Ferrol-Souto de Leixa e Santiago Apóstol: Comunicamos á consellaría que de non dar marcha atrás no seu afan privatizador intensificaremos a loita e as mobilizacións contra a privatización destes servizos públicos. Tanto no Santiago Apóstol, que pasará a principios de ano á consellaría, como no Terra de Ferrol-Souto de Leixa, a idea, para Educación vai ser a de adecuar o persoal existente á demanda de servizos. Se non hai usuarios dos centros haberá que modificar as RPT's o que vai supoñer , unha vez máis, a amortización de prazas, coa consecuente recolocación do persoal laboral fixo e o despedimento do persoal laboral temporal. Despois da división dos centros e de derivar aos nenos a centros privados queda claro que a intención do PP é facer minguar os servizos públicos e facilitar o negocio a empresas privadas.
- Detalles
- Detalles
Xunta co Xefe Territorial da Coruña de Traballo e Benestar
O xoves 14 de outubro houbo unha concentración, convocada polo Comité de Empresa da antiga Vicepresidencia, diante do Complexo xuvenil das Mariñas. O obxectivo era protestar pola decisión da consellaría de contratar un 'catering' privado no canto de contratar persoal tirando das listas de substitución ou ampliando os contratos por acumulación de tarefas dada a prolongación da actividade do centro e a necesidade de cubrir ao persoal que está de vacacións.
Despois da concentración unha representación da CIG desprazamonos á Consellaría para entregar 50 folios con aproximadamente 200 sinaturas de protesta contra esta decisión da Consellaría. Unha vez no edificio e, para entregar as sinaturas e pedir información oficial sobre as noticias aparecidas na prensa e que se tiña dado ao Comité, solicitamos unha entrevista co Xefe Territorial.
Outras novas recentes
Eficiencia do gasto público e parque móbil da Xunta de Rueda: polos opostos
A CIG levara á Inspección de Traballo a quen Fabiola García identifique como ordenante da retirada de cartaces en San Caetano
