- Detalles
Ante o incremento da carga asistencial derivada da atención do coronavirus con especial atención ás Residencias de Maiores, Función Pública e o Sergas veñen de ditar unha resolución conxunta pola que se estabelece un procedemento para a cobertura temporal de postos nos respectivos ámbitos.
Na práctica isto significa que se poderá acudir, con carácter excepcional, ás listas do Sergas para a provisión temporal de postos de traballo de categorías equivalentes para as cales non existan listas xestionadas pola Dirección Xeral da Función Pública ou estas estean esgotadas, sempre que resulte debidamente acreditado polo órgano solicitante, e logo de practicar outras medidas previas como mobilidade, reordenación de efectivos, revogación de suspensión de chamamentos ou calquera outra que se poida acordar para atender a necesidade de efectivos que se produza.
A aceptación do posto de traballo terá carácter voluntario, sen que se produza penalización pola súa non aceptación.
A información referente ao centro e localidade de desenvolvemento da prestación así como o resto de datos laborais de interese para a persoa candidata serán facilitados no momento do chamamento.
Como novidade importante, os chamamentos vanse facer tamén as persoas integrantes das listas que actualmente están en suspensión.
De xeito recíproco, o Sergas poderá utilizar, se fose preciso, as listas de contratación temporal xestionadas por Función Pública.
A resolución conxunta estabelece tamén que, con carácter excepcional, para atender as necesidades dos centros sociosanitarios, o Sergas poderá subscribir contratos laborais de duración determinada con estudantes do grao de enfermería no último ano de formación, en funcións de auxilio sanitario e apoio, baixo a supervisión dun profesional sanitario.
- Detalles
A CIG exíxelle á AXI que se aveña ao que dispoñen os protocolos para a prevención do risco na saúde laboral do seu persoal traballador e sobor de todo ao sentido común. Na instrución que elaboraron o 17 de marzo pra o desenvolvemento da actividade da Axencia diante da situación provocada polo COVID19, onde se recollen os traballos a realizar e o xeito de proceder coas ferramentas das que dispoñen, esquecéronse de elaborar un protocolo para as labores de limpeza de vehículos e demais ferramentas do seu traballo así como tampouco se informou ao persoal das medidas a adoitar para a súa protección, nin se lle entregaron EPI´s nin materiais de limpeza.
É outra mostra máis da deixadez e a improvisación da Administración que nestes días segue sen temoeiro eficiente. Exiximos a entrega urxente do protocolo de actuación para a súa protección fronte ao perigo certo da pandemia, a formación completa e os materiais necesarios para a limpeza e deinfección dos vehículos e ferramentas que lles son proprias.
Asemade tamén instamos á convocatoria do Comité de seguridade e saúde laboral desta consellaría para o control e avaliación de medidas adoitadas en coherencia co plan de acción específico do servizo de prevención de riscos laborais.
- Detalles
Para todos e todas que temos familiares, amigos, etc que traballan na empresa privada, a Confederación Intersindical Galega ven de publicar unha guía sobre como pode afectar a declaración do estado de alarma e a actuación dos empresarios/as (especialmente no referido á ERTE`s) nas relacións laborais:
Aquí podes atopala:
COVID19: Todo o que tes que saber sobre como o coronavirus afecta ás relacións laborais: resposta urxente ás preguntas máis frecuentes
- Detalles
A CIG-Autonómica denunciou perante Inspección de Traballo e Sanidade a falla de material de protección nos centros de maiores da consellería de Política Social, incluído Consorcio Galego de Servizos de Igualdade e Benestar. A día de hoxe en moitos deles aínda non se tomaron as medidas de prevención necesarias nin se dotou de Equipos de Protección Individual (EPI) adecuado ao persoal e ademais non se tomaron medidas organizativas necesarias na xestión do persoal.
O esforzo que están facendo as compañeiras e compañeiros que traballan nos centros de Política Social, e especialmente nas residencias de maiores, por atender ás persoas maiores que viven alí, é máis que meritorio. Non temos dúbida en que as persoas maiores están no centro e son un grupo de risco perante a infección do COVID 19, e tamén somos conscientes de que as persoas traballadoras destes centros somos potenciais vectores de infección. Para a CIG é perverso que a Xunta non lles proporcione o material necesario (incluso o traen dende a casa) xa que temos claro que o coidado e as precaucións que se teñen que adoptar deben ser as máximas posibles, as mesmas que emprega o persoal sanitario.
A falta de medios materiais e persoais, de EPI´s e de protocolos específicos é o principal problema ao que se enfrontan estas traballadoras e traballadores á hora de atender ás persoas maiores. Para colmo, a consellería informa aos centros de que “só se actuaría con EPIS completos no caso de positivos no centro”, incumprindo así o deber legal de prevención do risco que teñen que ter cara o seu persoal e persoas usuarias. É dicir, só poñen medios unha vez que a infección estea dentro. Se é así co período de incubación e latencia que ten a enfermidade poden estar infectadas todas as persoas usuarias cando saia a luz o primeiro caso.
- Detalles
Advertencia importante: Prevalecen as instrucións da autoridade sanitaria sobre calquera instrución laboral.
INSTRUCIÓNS DAS CONSELLARÍAS OU CENTROS DIRECTIVOS
Cada consellaría ou centro directivo poderá ditar as instrucións oportunas de desenvolvemento do Acordo COVID-19 ou adaptalo aos colectivos afectados, que se publicarán no web www.xunta.gal e difundiranse mediante o correo electrónico corporativo.
Exclusións: persoal sanitario, persoal dos centros de servizos sociais, o persoal de xustiza e persoal de seguridade, protección civil e emerxencias.
- Detalles
A CIG-Autonómica denuncia que, a día de hoxe, a Xunta de Galiza “non protexeu ao persoal das residencias; non formou, nin informou de medidas de protección perante o COVID-19, para evitar o risco de contaxio tanto do persoal traballador a persoas usuarias como ao contrario; non dotou dos EPIs necesarios e suficientes ao persoal; non tomou as medidas organizativas para evitar a coincidencia de persoas traballadoras nun mesmo espazo -como o traslado do comezo de quendas uns minutos ou facer coincidir as mesmas persoas nas mesmas quendas e espazos de traballo, por exemplo-, e tampouco ten previsto, nin informado ao persoal, de que facer ao aparecer contaxios nestes centros de traballo tan sensibles”.
Esta situación é similar en todos os centros de maiores, de menores e de persoas discapacitadas dependentes tanto de Política Social como do Consorcio que permanecen abertos ao ser considerados servizos esenciais. Entre estes, os centros de maiores de Oleiros; o Torrente Ballester; o de Carballo; o de Ferrol; o Porta do Camiño en Compostela; o Volta do Castro, tamén en Compostela; o da Pobra do Caramiñal e o do Consorcio. E de menores: o San Xosé de Calasanz e o de Atención de Menores de Ferrol.
- Detalles
Teñen esta consideración os seguintes colectivos:
- Embarazadas.
- Persoal maior de 60 anos.
- Persoal que desenvolva a súa actividade laboral en atención directa ao público e que, por motivos de saúde (trastornos inmunitarios, patoloxías crónicas previas...), estado biolóxico coñecido, poida ser especialmente sensible á exposición ou risco de infección.
- Persoal con patoloxías concorrentes ou enfermidades crónicas. Neste grupo están as persoas diagnosticadas de: hipertensión arterial, diabetes, enfermidades cardiovasculares, enfermidades pulmonares crónicas, cancro, e inmunodeficiencias.
- Persoal con fillo/a/s menor/es de idade ou con persoas dependentes a cargo.
- Persoal que se determine en atención ás súas circunstancias persoais.
Fontes:
- 18.03.20 (actualización): Recomendación de prevención no traballo fronte ao coronavirus. Instituto de Seguridade e Saúde Laboral de Galiza (ISSGA).
- 13.03.20: Instrución conxunta do 13 de marzo da Dirección Xeral de Avaliación e Reforma Administrativa e da Dirección Xeral da Función Pública para a aplicación dos apartados 5 e 8 do protocolo de actuación para o persoal empregado público da Administración da Xunta de Galicia en relación co coronavirus COVID-19.
- 12.03.20: Protocolo de actuación para o persoal empregado público da Administración da Xunta de Galicia en relación co coronavirus COVID-19. Vicepresidencia e Consellaría de Presidencia, Admóns. Públicas e Xustiza. Este documento non recolle o suposto do persoal maior de 60 anos, nin concreta as patoloxías concorrentes ou enfermidades crónicas incluídas.
- Detalles
O Gabinete do conselleiro do Medio Rural informounos o mércores 18 de marzo de que o Servizo de incendios da Xunta de Galiza vaise mobilizar para formar parte do sistema de emerxencias de Galicia para loitar contra o COVID-19. Esta información foi corroborada en rolda de prensa polo Presidente da Xunta.
Asemade, confirman que activarán esta función de apoio cando teñan todas as garantías para protexer a saúde dos profesionais do servizo. A este persoal facilitaránselle as instrucións e os Equipos de Protección Individual (EPI) precisos.
Na CIG hai tempo que vimos insistindo en que o SPIF ten a consideración de servizo de emerxencias, adicado principalmente á prevención e extinción de incendios pero que pode realizar outro tipo de tarefas de apoio no ámbito da multiemerxencia. Por iso, o pasado sábado día 14 dende a CIG solicitamos esta activación a través do PLATERGA.
Iremos informando de calquera novidade que vaia xurdindo, estaremos atentos á implantación de todas estas cuestións e por suposto da seguridade do persoal do servizo de incendios.
Para calquera dúbida ou cuestión que consideres non dubides en contactar cos/as delegados/as da CIG.
- Detalles
Achegamos unha relación de diferentes instrucións e protocolos de actuación ante o COVID-19, xerados por diferentes departamentos da Xunta de Galiza. Inclúe instrucións xenéricas, e outras que van destinada ao persoal da Adminsitración, e tamén por consellerías.
Instrucións xerais
- 12/03/2020. Resolución Vicepresidencia: Protocolo de actuación para o persoal empregado público da Administración da Xunta de Galiza
- 12/0372020. Sanidade: Medidas preventivas en materia de saúde pública na Comunidade Autónoma de Galiza
- 13/03/2020. Vicepresidencia: Declara a situación de emerxencia sanitaria.
- 13/03/2020. Instrución da DX de Avalliación e da DXFP para aplicar o apartado 5 e 8 do protocolo de actuación publicado no DOG do 12/03/2020
- 15/03/2020. Vicepresidencia. Medidas preventivas en lugares de traballo do sector público autonómico.
- 15/03/2020. Vicepresidencia. Acordo do Centro de Coordinación Operativa da situación de emerxencia sanitaria.
- 16/03/2020. ISSGA. Recomendacións de prevención no traballo.
- 16/03/2020. Sanidade. Autotest con información sobre o coronavirus.
- Medios técnicos a disposición do persoal empregado da Xunta de Galiza para o teletraballo.
- Información na web da Xunta de Galicia: https://www.xunta.gal/recomendacions-teletraballo
- Información na intranet da Xunta de Galicia: https://intranet.xunta.gal/recomendacions-teletraballo
Política Social
- (16/03/2020) Protocolo para os centros de servizos sociais
Medio Ambiente, Territorio e vivenda
- Protocolo nos centros dependentes da Consellería de Medio Ambiente, Territorio e Vivenda.
- Anexo I. Relación de teléfones e correos electrónicos para a atención aos administrados. Descargar
- Anexo II. Medidas preventivas a aplicar ao persoal que desempeña funcións de carácter esencial en edificios e instalacións administrativas. Descargar.
- Anexo III. Protocolo de limpeza de vehículos compartidos polo persoal nos distritos medioambientais e centros de recuperación de fauna. Descargar.
- Anexo IV. Protocolo de actuación de inspectores ambientais. Descargar.
- Establecemento das funcións de carácter esencial do persoal de Gardería Forestal e Ambiental e persoal destinados nos Centros de Recuperación de Fauna e Centros Ictioxénicos.. Descargar.
Infraestruturas e mobilidade
- (16/03/2020) Medidas de carácter obrigatorio no ámbito dos servizos de transporte público regular interurbano de viaxeiros.
- (17/03/2020) Instrucións para o persoal da AXI
Educación
- (13/03/2020) Instrucións provisionais para centros educativos de ensino non universitario.
- (15/03/2020) Instrucións para o persoal que presta servizo nos Servizos Centrais da consellería, sobre a presenza nas oficinas.
- (15/03/2020) Instrucións para o persoal que presta servizo nas xefaturas territoriais da consellería sobre a presenza nas oficinas.
- (16/03/2020) Comunicación aclaratoria das instrucións en materia de presenza de persoal nos centros de ensino non universitario.
Medio Rural
- Instrucións, protocolos e medios de contacto.
- Medidas preventivas a aplicar ao persoal. Descargar.
- Protocolo de medidas de prevención nos centros da consellería e servizos dependentes. Descargar.
- SPDCIF
- Outros centros da consellería
- Detalles
Cara última hora do domingo 15 de marzo sairá publicada no DOG [xa publicado, ver ao final desta nova] unha resolución coas instrucións ao respecto, pero xa podemos avanzar parte do seu contido despois de manter contacto permanente con Función Pública:
RESUMO DAS MEDIDAS
1. Todas as persoas empregadas públicas que poidan teletraballar quedaranse na súa casa teletraballando.
2. Resto do personal que non poida teletraballar: quedarase na súa casa, SALVO que realice funcións esenciais.
As funcións esenciais son as seguintes:
- Funcións desempeñadas polo persoal directivo.
- Seguridade.
- Mantemento de edificios.
- Comunicación e outros servizos relacionados coas tecnoloxías da información.
- Pagamento a proveedores.
- Habilitacións.
- Garderías forestal e ambiental, centros de recuperación da fauna e razas autóctonas.
- As propias do servizo de gardacostas de Galiza.
- Servizos de alertas sanitiarias en todas as súas modalidades.
- Servizos de inspección de saúde pública.
- Servizos de prevención e extinción de incendios de Galiza
- Así como todas aquelas que determinen os órganos directivos por considerarse necesarias para garantír a continuidade das funcións básicas.
3. Se teñen que facerse presencialmente, estableceranse quendas e minimizaranse os riscos de contaxio laboral.
4. Todas as persoas empregadas públicas deberán estar localizables e deberán reincorporarse aos seus postos de traballo se se lles require.
5. Nos centros educativos de todos os niveis de ensino non universitario de mas de seis unidades permanecerá en réxime de quendas unha persoa do equipo directivo do centro das 10:00 ás 13:00 horas (non deberá acudir o persoal non docente).
6. Duración das medidas: mentres dure a situación extraordinaria.
Ademais recordamos: as anteriores instrucións dictadas por outros órganos que contradigan a esta quedan anuladas.
As persoas sensibles por razon de saúde ou embarazo ou fillos menores ou maiores dependentes a cargo, informarán á dirección da situación e quedarán na casa.
Queda excluído do presente acordo o persoal sanitario, o persoal dos centros de servizos sociais, o persoal de xustiza e o persoal de seguridade, protección civil e emerxencias, sen prexuízo das instrucións ou protocolos que nos devanditos eidos se poidan aprobar.
Se nos necesitas, estamos á túa disposición por internet: contactar coa CIG.
Editamos a información: xa se pode consultar no DOG a información anterior, e engadimos algunha máis.
- Resolución pola que se dá publicidade ao acordo do Centro de Coordinación Operativa (Cecop), mediante o que se adoptan medidas preventivas en lugares de traballo do sector público autonómico como consecuencia da evolución epidemiolóxica do coronavirus COVID-19. Ir á Resolución do DOG do 15/03/20.
- Resolución pola que se dá publicidade ao Acordo do Centro de Coordinación Operativa da situación de emerxencia sanitaria no territorio da Comunidade Autónoma de Galicia, declarada polo Acordo do Consello da Xunta de Galicia do día 13 de marzo de 2020, como consecuencia da evolución da epidemia do coronavirus COVID-19. Ir á Resolución do DOG do 15/03/2020.
- Medio Rural: Instrucións, protocolos e medios de contacto da Consellería durante a emerxencia sanitaria. Ir ás instrucións.
- Política Social e Sanidade: Protocolo para os centros de servizos sociais. Ir ao protocolo.
