- Detalles
O mércores 19 publicamos unha nova titulada “Fórmate para prestar un mellor servizo. E de paso financia á EGAP”, onde informabamos de que a EGAP faría caixa coa formación dos empregados públicos. Faciamos referencia a dous cursos publicados no DOG dese día: curso superior sobre as leis 39/2015 e 40/2015 do procedemento administrativo común (LPAC) e do réxime xurídico do sector público (LRXSP); e curso superior sobre transparencia, bo goberno e datos públicos.
Ao redactar a nova, fixemos pola nosa parte unha interpretación errada ao afirmar que co curso sobre as leis 39/2015 e 40/2015 sucedía o mesmo que co curso sobre transparencia. Advertido o erro, corrixímolo: mentres no curso superior sobre transparencia si se lle vai cobrar o persoal funcionario e laboral da Xunta de grupos A1, A2, I e II 200 euros, no curso sobre as leis 39/2015 e 40/2015 só terán que pagar aquelas persoas que non sexan empregados/as públicos da Xunta de Galiza
Corrixido o erro, aproveitamos para facer unha reflexión colectiva: a formación continua é un piar fundamental para que os empregados públicos desenvolvan axeitadamente o seu traballo. É totalmente inaceptábel que a formación nunha materia tan importantes se “oferte” unicamente ao persoal dos grupos superiores da administración, polo que rexeitamos este proceder da EGAP e esiximos que a formación se ofreza por igual a todos os empregados públicos que para desenvolver o seu traballo diario necesitan ter coñecemento nesas materias.
Dende a CIG entendemos que os recursos públicos da EGAP deben estar dirixidos á formación dos empregados públicos e non do persoal alleo á administración pública, aínda que sexa pagando.
- Detalles
Os empregados públicos imos ter que pagar por formarnos para desenvolver mellor o noso traballo. A EGAP (en diante, “Escola Galega de Administración Privada”), quere facer caixa coa formación dos empregados públicos.
No DOG do mércores 19 de outubro publicáronse as convocatorias de dous cursos da EGAP sobre asuntos de alta importancia para a prestación de servizo público. Sendo do interese da Administración formar ao seu persoal, sorprende que teñamos que pagar pola formación recibida.
- O primeiro é o curso superior sobre as leis 39/2015 e 40/2015 do procedemento administrativo común (LPAC) e do réxime xurídico do sector público (LRXSP). Son dúas leis piares do traballo administrativo e por tanto que todo o persoal das administracións teñen que coñecer. Destinado a funcionarios do grupo A1 e A2, así como persoal laboral dos grupos I e II, ten un prezo de 100 euros.
- O segundo é o curso superior sobre transparencia, bo goberno e datos públicos, organizado conxuntamente pola EGAP, Valedor do Pobo e Consello de Contas de Galiza. Igual que o anterior vai tamén destinado a funcionarios A1 e A2, e laborais dos grupos I e II. Sorprende neste segundo curso ver como dous organismos como son o Valedor do Pobo e o Consello de Contas, supostamente vixiantes do bo funcionamento e dos excesos da Administración, van cobrar conxuntamente coa EGAP, 350 euros pola formación, cun desconto de 150 para o persoal da Administración Autonómica.
- Detalles
O presidente e secretaria da Xunta de Persoal funcionario da provincia de Pontevedra entrevistáronse o 22 de setembro coa secretaria territorial de Vigo. Tratáronse os seguintes asuntos:
Desfibrilador
Temos a disposición un desfibrilador que antigamente estaba ubicado no despacho do médico da mutua, no oitavo andar. A Xunta de Persoal solicitara o seu traslado á planta baixa, pero este non se colocou en lugar accesíbel, motivo da nosa queixa. A explicación que se nos trasladou é que non se ubicou porque aínda non se cumpriran os trámites burocráticos esixidos e que quedará instalado proximamente no rexistro do edificio.
Médico da mutua
- Detalles
Vense de publicar o número de setembro de 2016 do Boletín de persoal funcionario de Ourense. Nesta edición inclúense os seguintes artigos: 
- Chegaron as eleccións!!!
- A Xunta de Galicia suspende na protección dos traballadores
- Horario excesivo do persoal técnico no SPDCIF
- Fotocopiadoras e impresoras láser
- Aula de formación
- Pirómano en liberdade con cargos segue a provocar incendios?
- Por que se retrasa a toma de posesión do concurso de traslados?
- Dedocracia para a selección de persoal colaborador das eleccións
Podes descargar o boletín nesta ligazón ou premendo na imaxe.
- Detalles
O goberno de Feijoo continúa avanzando na súa liña de desmantelar o Servizo de Prevención e Defensa contra Incendios Forestais (SPDCIF). Tennos acostumados á súa falta de previsión e nula organización.
Xa desde o inicio do seu mandato Feijoo decidiu prescindir da prevención porque ten un custo elevado e non é un bo negocio para os seus amigos das empresas privadas. Van fiando a loita contra os incendios forestais á climatoloxía, sen facer prevención, desmantelando paso a paso o SPDCIF e regalándolle os contratos suculentos ás empresas amigas.
Durante anos o persoal das brigadas helitransportadas era persoal da Xunta, con experiencia e preparación para combater os incendios forestais na primeira liña de lume. A propia Xunta no artigo 3.19 do V Convenio (condicións especiais de traballo do persoal do Servizo de Prevención e Defensa contra Incendios Forestais da Xunta de Galicia) comprométese ao mantemento das brigadas helitransportadas existentes e a posibilidade de novas creacións. Nos últimos anos a tendencia é facer a contratación mediante empresa privada, relegando as bases da Xunta á mínima expresión. Este ano, nun chanzo máis no desmantelamento do servizo, as brigadas helitransportadas que aumentaron en relación ao ano pasado tamén serán da empresa privada, na que non hai ningunha garantía da profesionalidade do persoal, contratado nunhas condicións de absoluta precariedade laboral, incluída a seguridade.
- Detalles
- Detalles
Boletín especial sobre o pago dunha parte da paga extra de xuño de 2013. Inclúe os seguintes artigos:
- CSIF vainos pagar a extra de 2013
- CIG non está disposta a asinar un acordo para a devolución de parte da paga extra de 2013 que a
- Xunta xa está obrigada a aplicar
- AS COUSAS GÁÑANSE LOITANDO
- As mentiras de Feijóo
Podes descargalo nesta ligazón o picando na imaxe
- Detalles
No DOG do 15 de abril publicouse a convocatoria de cinco cursos de nivel medio de linguaxe administrativa galega, catro na modalidade de teleformación e un na modalidade presencial (Santiago de Compostela) . Estes cursos están organizados pola EGAP en colaboración coa Secretaría Xeral de Política Lingüística para o persoal ao servizo de distintas administracións da Comunidade Autónoma de Galicia.
Os cursos darán comezo en maio e rematan en xullo co exame final. O número de prazas por curso será de 30, salvo o curso destinado a empregados públicos ao servizo da Administración autonómica de Galicia, impartido na modalidade de teleformación, que conta con tres edicións e, polo tanto, con 90 prazas.
O persoal que desexe participar no curso convocado nesta resolución deberá cubrir o formulario de matrícula telemática na páxina web da EGAP http://egap.xunta.es/matricula. É preciso estar en posesión do título Celga 4 ou equivalente. Cada persoa só poderá solicitar unha edición do curso convocado. O prazo de presentación de solicitudes será de dez días naturais contados a partir do seguinte ao da publicación desta resolución no Diario Oficial de Galicia.
- Detalles
O Bombeiro Forestal, a revista do SPDCIF de Ourense. No número de de Inverno/Primavera:
- Editorial
- Xuntanza coa Conselleira de Medio Rural
- A CIG levou ao parlamento PNL de novas unidades de competencia
- Un ano de acción sindical
- O ano 2015, o máis caloroso
- Brigadas municipais
- Cadernos técnicos: Risco eléctrico
- Prevención de riscos: Riscos por inhalación
- Taboleiro de breves
- Decreto de listas
- Un anaco de HU-MOR
Podes descargalo nesta ligazón.
- Detalles
No DOG do 15 de marzo publicouse a Resolución de AMTEGA pola que se convocan probas de avaliación de carácter libre para a obtención da certificación galega de competencias dixitais en ofimática, regulada polo Decreto 218/2011, mediante a superación dunha proba presencial na cal que acrediten os coñecementos, capacidades e destrezas definidos no Plan formativo ofimático de Galiza.
O número de prazas, localidades e datas (entre o 27 e 29 de abril) en que se realizarán as probas están publicadas na Resolución.
O prazo para inscribirse remata aos 7 días naturais dende o seguinte á publicación (día 22 de marzo, inclusive).
