- Detalles
Despois de que a CIG lévase días reclamando aos responsábeis políticos da Administración Autonómica a convocatoria urxente dos comités de prevención de riscos laborais para tomar medidas e que nos preparásemos para o risco que supón a infección de COVID19, por fin a Xunta esperta e comeza a tomar conciencia da magnitude do problema.
O xoves 12 acudimos á xuntanza convocada polo director xeral de Función Pública. Subliñando o valor da información e fuxindo do alarmismo desmesurado, a CIG acolle as medidas propostas polos responsábeis da Administración, e que publicadas no DOG BIS do xoves12:
- Detalles
Como levarías traballar as 24 horas do día, 7 días consecutivos e sen posibilidade de sair do centro de traballo? E se ademáis eres o único habitante nunha illa?
O persoal laboral e funcionario que presta servizo no Parque Nacional Illas Atlánticas de Galiza, realiza quendas de 24 horas ao día durante sete días consecutivos. A estas singulares condicións de traballo en extremo illamento e penosidade recoñecida (conceptos sen repercusión na nómina), engádese as situacións habituais de soidade durante días.
O delegado de prevención da CIG acudiu a unha xuntanza coa dirección do Parque o martes 10/03/2020, por mor do incumprimento do Plan de Acción elaborado (no 2016) polo Servizo de Prevención de Riscos Laborais, e o requirimento da Inspección de Traballo (setembro 2019).
- Detalles
A Xunta de Galiza aínda non tomou nengunha medida para protexer aos seus traballadores e traballadoras e as persoas usuarias
A pesar das multiples solicitudes de convocatoria dos comités de seguridade e saude laboral feitas pola CIG dende o 5 de marzo perante o potencial risco de infeccion do coronavirus a resposta da Xunta esta sendo completamente dilatoria. Como consecuencia o caos e improvisación é a tonica nos edificos administrativos e os centros de atencion social da Xunta.
Débese estremar xa a limpeza e desinfección en todos os centros de traballo, é urxente a contratación de persoal de reforzo e limpeza e un plan de traballo. Nin sequera se estableceron protocolos de limpeza específico, se instalaron dispensadores desinfectantes ou se fixeron nos centros as medidas organizativas e materiais de proteccion necesarias.
- Detalles
A Consellería de Medio Ambiente, Territorio e Vivenda, conxuntamente coa Consellería do Medio Rural, publican no DOG do 11/03/2020 a Orde pola que establecen os elementos identificativos e de uniformidade da escala de axentes forestais, axentes facultativos/as ambientais e axentes técnicos/as en xestión ambiental de Galiza.
Unha semana antes, día 4 de marzo, e como se fose un circo e tomándonos por imbéciles, a conselleira de Medio Ambiente convocounos aos sindicatos ao "acto público de sinatura" que ian facer a conselleira de Medio Ambiente e o conselleiro do Medio Rural para asinar, eles dous, a Orde de uniformidade e identificación de axentes. Vamos, sacar unhas fotos cos sindicatos de fondo.
Non lembramos semellante desfachatez de ningunha consellería anterior de convocarnos a un acto destas características en plena precampaña eleitoral.
Alguén sensato nesa consellería debeu advertirlle que iso podería rematar na Xunta Electoral e finalmente dous días despois nos desconvocaron "por motivos de axenda".
Una pallasada a piques de rematar na Xunta Electoral.
- Detalles
No DOG núm. 48 Mércores do 11 de marzo de 2020 publícase a RESOLUCIÓN a convocatoria de actividades formativas en liña de apoio á preparación das probas selectivas para o acceso, pola quenda de promoción interna, a diversos corpos da Administración xeral da Comunidade Autónoma de Galicia.
Ofertan catro actividades formativas dirixidas, cada unha delas, a apoiar a preparación das probas selectivas para o acceso, pola quenda de promoción interna, aos corpos superior, subgrupo A1; de xestión, subgrupo A2; administrativo, subgrupo C1; e auxiliar, subgrupo C2 da Administración xeral da Comunidade Autónoma de Galicia, que deberán desenvolverse segundo as bases detalladas no anexo.
Pode participar unicamente o persoal empregado público que teña solicitado participar nas probas selectivas convocadas para o acceso aos corpos indicados na base primeira pola quenda de promoción interna e que reúna os requisitos establecidos nesta convocatoria.
A inscrición para o acceso aos contidos pode facerse no prazo de sete días contados a partir do día seguinte ao da publicación desta resolución no Diario Oficial de Galicia. Formulario de matrícula dispoñible no enderezo https://egap.xunta.gal/matricula
Será seleccionado para participar nas actividades convocadas mediante esta resolución todo o persoal empregado público que teña solicitado a participación nas probas selectivas para o acceso aos corpos indicados na base primeira desta resolución. Esta relación será contrastada coa información que facilite a Dirección Xeral da Función Pública.
- Detalles
A Xunta de Galiza incumpre a Lei Orgánica 3/2007, do 22 de marzo, para a igualdade efectiva de mulleres e homes, que estableceu a obriga de que as empresas e entidades de máis de 250 traballadoras e traballadores debían implantar un plan de igualdade. Esta lei foi modificada polo Real Decreto-Lei 6/2019, do 1 de marzo, de medidas urxentes para a garantía da igualdade de trato e de oportunidades entre mulleres e homes no emprego e na ocupación, que ademais amplía a obriga de dispoñer de plans de igualdade ás empresas a partir xa dos 50 traballadoras e traballadores, e dá diferentes prazos para ter o plan implantado en función do persoal que teñan.
En setembro de 2019 a Xunta presenta un estudo diagnóstico incompleto, excluínte e pouco representativo da realidade que pretende describir, ateigado de erros e interpretacións interesadas. Este informe, que foi externalizado, oficialmente data do 7 de marzo de 2019, e non recolle nin os mínimos aspectos esixidos na lei, nin tampouco a todo o persoal pertencente ao ámbito da Administración xeral autonómica, o que fai que resulte totalmente inútil para describir cunha mínima rigorosidade a situación do persoal que traballa na Xunta de Galiza. Quedaban fóra do estudo diagnóstico tanto a arrecada de datos estatísticos relevantes non só cuantitativos, senón tamén datos cualitativos, así como tamén a enquisa directa ao propio persoal que supostamente trataba de describir.
- Detalles
A CIG-Autonómica inicia unha rolda de encontros cos partidos políticos de cara a explicar as iniciativas para a mellora do emprego e os servizos publicos galegos.
As empregadas e empregados públicos temos dereitos!
Coa responsabilidade de ser a primeira forza sindical na Administracion xeral da Xunta de Galiza a CIG-Autonómica reunímonos cos partidos políticos que se presentan as vindeiras eleccions galegas.
Nos encontros co BNG e Galiza en Común non houbo dúbidas na coincidencia con estas dúas forzas políticas de esquerda en que a política neoliberal implementada nesta década co obxecto de reducir o público e a administración á súa mínima expresión é a causa primeira de todos os problemas aos que agora nos enfrontamos na administracion publica galega.
A escusa da crise económica serviu para entregar os servizos públicos a empresas privadas. Se autoimpuxeron normas e taxas de reposición que fixeron imposible contratar persoal e facer procesos selectivos tanto para o reclutamento interno como externo.
- Detalles
O día 5 de marzo 2020 solicitamos a convocatoria do Comité de Seguridade e Saúde Laboral de Intercentros para acordar a implantación de medidas de prevención de riscos perante a infección do COVID 19 no ámbito laboral do Xunta de Galiza. A resposta da Xunta foi convocarnos para o día 17 de marzo.
A día de hoxe a Xunta non implantou medidas específicas de protección fronte este virus infeccioso nos centros de traballo. É necesaria a convocatoria dos Comités de Seguridade e Saúde laboral para propor e avaliar ditas medidas e valorar a determinación do risco.
- Detalles
Adiántanos a EGAP que o vindeiro mércores vai publicar a convocatoria de formación para a preparación da Promoción Interna.
Despois da desfeita da última convocatoria na que unha empresa privada do sector se encargou desta tarefa, e en base ás continuas queixas da CIG; a propia EGAP vai organizar a preparación con persoal propio, pertencente aos diferentes departamentos da Administración que teñen competencia nos temas que forman parte dos diferentes temarios de cada grupo.
- Detalles
O 21 de xaneiro de 2020 a CIG rexistrou unha solicitude para que se cumpra o punto sétimo e se convoque a comisión de seguimento do seguinte acordo:
No mes de outubro do ano 2018 asinouse unha “proposta de acordo da consellería do Medio Rural , da Consellería de Medio Ambiente Territorio e Vivenda e da Consellería de Facenda sobre as condicións de Traballo dos axentes Forestais e Medioambientais”.
