- Detalles
Nos tempos que estamos a vivir é imprescindible a información para preservar os nosos dereitos e a nosa saúde. A tal fin, comunicamosche que a través da páxina web do Gabinete Técnico Confederal de Saúde Laboral da CIG poderás atopar toda a información actualizada (diariamente) que necesites en relación á crise sanitaria do COVID-19.
Preme na ligazón.
- Detalles
O traballo esencial hai que facelo, pero con protección, cousa que a Xunta non tomou moi en serio ata que a CIG presentou denuncia nas inspeccións de Traballo e Seguridade Social, Sanidade, Subdelegación de Goberno e Fiscalía. Nas denuncias narrrabamos o caos nas residencias de maiores, a falta de medios de protección, e solicitabamos a adopción de medidas urxentes como a máxima protección (igual que nos centros sanitarios) e a realización de test a todo o persoal e residentes.
Agora si, xa teñen un Plan Preventivo. E están obrigados a entregarcho, e ti a seguilo.
O Plan Preventivo recolle as medidas e equipos de protección individual que temos que seguir para protexernos ante o risco de infección de COVID19.
A persoa que asume a dirección ou responsabilidade do teu centro de traballo está obrigada a facilitarche o teu plan e protocolo de actuación e o EPI completo (equipo de protección individual) ademais de informarche do seu uso correcto e das medidas hixiénicas. Se tes dúbidas, se non tes EPI, nin te dan acceso ao Plan Preventivo, non te arrisques: contacta coa CIG.
- Detalles
No DOG do 31/03/2020 publícase a resolución do Novo Acordo do Centro de Coordinación Operativa (CECOP) dos que destacamos os seguintes artigos que afectan a divesos aspectos da xestión de persoal :
Bolsas de agarda de emprego temporal ou interino
Para acadar unha máis áxil cobertura das necesidades de persoal, poderán adoptarse medidas extraordinarias na xestión das listas derivadas do Decreto 37/2006:
- Detalles
Ante a situación das residencias de maiores da Xunta e a nova normativa do goberno central na que se difumina a diferencia entre as residencias publicas e privadas, aparecen os novos centros integrados que son residencias nas que as persoas residentes son exclusivamente infectadas de coronavirus e o persoal é indistintamente de empresas privadas e da Xunta, tanto de residencias como doutros centros de Política Social e de Educación. Para a CIG é vital e de xustiza ter un cadro de reivindicacións comúns onde a seguridade e saúde laboral e a salvagarda das persoas residentes e o noso maior valor.
1. Centros para persoas residentes infectadas adecuados con criterios sanitarios. Propoñemos habilitar instalacións hospitalarias privadas ou en desuso na vez de residencias non adaptadas ou precarias sen os adecuados sistemas médicos para o tratamento das persoas maiores enfermas de coronavirus.
2. Mobilidade voluntaria e compensada (desprazamentos e custes de aloxamento e manutención que se deben ampliar para o tempo en confinamento posterior a quenda de traballo) en coherencia coa orde do goberno publicada no BOE do 28 de marzo, Orden SND/295/2020, de 26 de marzo, por la que se adoptan medidas en materia de recursos humanos en el ámbito de los servicios sociales ante la situación de crisis ocasionada por el COVID-19. Na que di “...Asimismo, se podrán adoptar medidas de reasignación de efectivos y cambios de centro de trabajo siempre que no comporten la movilidad geográfica del trabajador o trabajadora…”.
3. Realización urxente de TEST para detectar a infección de COVID 19 a todo o persoal traballador e residente das residencias de maiores (públicas e privadas). Ao remate da semana intensiva de traballo realizarase test de novo para excluír a infección e evitar o confinamento.
4. Protocolos de seguridade e saúde laboral en base a un Plan de prevención actualizado e aprobado por centro de traballo cos criterios de protección e hixiene para o persoal de Sanidade dos centros hospitalarios públicos que garantan a integridade das persoas traballadoras. Este plan de prevención contará coa adecuada formación e información ao persoal traballador.
5. Na liña dos puntos 3 e 4, o Equipo de Protección Individual (EPI) e as medidas de hixiene teñen que ser as máximas para tódalas residencias (aínda que non haxa positivos confirmados) mentres non se descarte a infección polos test actuando co principio de precaución co fin de paliar o caos anterior na toma de medidas preventivas.
6. Equiparación salarial co V Convenio Único do Persoal Laboral da Xunta de Galiza (V CCUXG) cos pluses correspondentes as tarefas e funcións que efectivamente se realizan. Especificamente nos centros integrados e outros con persoal infectado deberan aplicarse os tres correspondentes (penosidade, toxicidade, perigosidade) e o de especial responsabilidiade. Esto é con independencia da titularidade do centro no que se está traballando. Para os efectos de dereitos salariais, de descansos e xornada e outros dereitos laborais solicitamos que o convenio de referencia do persoal da empresa privada dende o 28 de marzo logo da Orde gobernativa, sexa tamén o V CCUXG.
7. Definir a nivel xeral que facer perante a situación persoal de empregados/as especialmente sensibles polas súas condicións de saúde, lactancia ou menores e maiores a cargo para tódolos centros residenciais de maiores (aparece no plan de prevención para centros integrados con persoas infectadas de COVID 19 que deberan tramitar a baixa por IT co servizo de prevención).-Embarazo xa esta excluído na Orde-
8. Calendario de quendas (previo ao comezo da actividade) con xornada máxima e descansos definidos (semanais). Rexeitamos o confinamento obrigatorio mentres non sexa un criterio establecido a nivel sanitario (e se este a dar tamén no persoal sanitario) e solicitamos a nulidade de requirimentos deste tipo.
9. Negociar as compensacións en tempo de traballo ao exceso das quendas e ao confinamento se o houbese de forma que o tempo investido sexa considerado tempo de traballo a tódolos efectos (incluídos compensatorios) que serán compensados logo do remate do estado de emerxencia sanitaria. Para estes efectos acordarase a eliminación das suspensión do artigo 19.
10. Recuperar a negociación colectiva no ámbito da mesa xeral de empregados públicos, comités de empresa e comité intercentros, cadanseu no seu ámbito, e activar o funcionamento dos comités de seguridade e saúde laboral. Xa que non é posible as reunións presenciais artellar unha canle de proposta e achegas e de comunicación telemática. Dende a nosa organización sindical esforzarémonos o funcionamento áxil das cuestións urxentes que o requiran acurtando os prazos de convocatoria e resposta.
- Detalles
Desde Función Pública veñen de comunicar unhas instrucións sobre as situacións en que quedarían as Comisións de servizos e adscripcións temporais que rematen en tanto siga o estado de alarma decretado a causa do COVID-19.
COMISIÓNS DE SERVIZO:
- Aquelas que rematen os dous anos durante o estado de alarma e non estean afectadas polo concurso xeral, prorrogaranse excepcionalmente por 3 meses máis dende o seu remate.
- As comisións de servizo que rematen os dous anos e estean afectadas polo concurso xeral, vanse prorrogar nos mesmos termos que até agora e ata a resolución do concurso de traslados.
- Non se tramitarán novas comisións de servizos mentres dure o estado de alarma, agás que situacións excepcionais impliquen algún tipo de cese ou cobertura de servizos esenciais que teñan que ser tramitadas de inmediato.
- O resto das comisións de servizo van seguir facéndose polo seu cauce habitual.
ADSCRICIÓNS TEMPORAIS:
- As adscricións temporais que rematen os dous anos vanse prorrogar por 3 meses máis dende o seu remate.
- Cando se trate de novas adscricións temporais, non se farán, agás circunstancias excepcionais que impliquen algún tipo de cese ou cobertura de servizos esenciais e que teñan que ser tramitadas de xeito inmediato.
- O resto das adcricións temporais seguiran facéndose polo seu cauce habitual.
ADSCRICIÓNS A POSTOS DE SUPERIORES CATEGORIAS:
Os órganos competentes de cada consellaría son autorizados para prorrogar as adscricións para facer funcións de superior categoría que rematen durante o estado de alarma, se afecten a funcións consideradas esenciais que deban prestarse de forma presencial nos lugares de traballo.
Dende a CIG Autonómica apoiamos estas medidas extraordinarias dada a situación excepcional, pero recordamos que a cobertura das comisións de servizo debe regularse dunha santa vez cun sistema xusto e obxectivo.
- Detalles
Remitiu xa un informe no que sintetiza as condicións de extrema dificultade e a carestía de medios
A CIG-Autonómica vén de remitir un escrito á fiscalía, logo de saber que esta solicitou á Xunta de Galiza información sobre a situación de determinadas residencias da terceira idade durante a actual situación de emerxencia sanitaria derivada da pandemia de Covid-19, ofrecéndose a colaborar en todas as cuestións relativas a estes centros. Xunto a este escrito remitimos un informe da situación, a data do xoves 26, en centros que prestan servizos sociais, no cal se recollen as consideracións que nos transmite o persoal, que está a realizar as súas funcións en condicións de extrema dificultade e carestía de medios.
Segundo este informe a situación é a seguinte:
PROVINCIA DE PONTEVEDRA
1. Residencias de maiores
Residencia de Maiores de Cerdedo
Neste momento contan con 14 persoas usuarias, porque as do centro de día están nos seus domicilios.
- Detalles
A CIG Autonómica denuncia o establecemento unilateral de quendas continuadas que van dende xornadas de 24 horas e 15 días ininterrompidos no persoal de servizos sociais do Consorcio Galego de Igualdade e Benestar dependente da Consellería de Política Social.
Ao longo da maña do mércores 25, e por medio de avisos por WhatsApp e ameazas da directora de area en chamada telefónica, as direccións modificaron as condicións de traballo ao persoal do Consorcio. Entre as modificacións está o aumento de quendas de ata 24 ou 38 horas de xornada e ata 15 días continuados, e cambio de centro de traballo públicos ou integrados dun día para outro. Entendemos que a función destas traballadoras e traballadores é vital e importantísima dado a crise sanitaria polo COVID 19 e o caos nas residencias de maiores de Política Social e nas privadas, pero ser servizo esencial non pode conducir ao abuso.
- Detalles
Segundo acaba de informar a Dirección Xeral de Función Pública, dadas as actuais circunstancias, penalizarán a aquelas persoas integrantes das listas de contratación que rexeiten un chamamento, salvo circunstancias excepcionais tal e como indican:
«Por razóns de urxencia e dada a situación actual da inexistencia de persoal dispoñible en listas, penalizarase aos integrantes das listas, salvo que concorran circunstancias excepcionais como persoas con patoloxías previas ou enfermidades crónicas, mulleres embarazadas, empregados públicos con fillos menores a cargo ou persoas dependentes que non teñan a posibilidade de organizar quendas con outros/as coidadores/as.»
- Detalles
A CIG vén de denunciar á Consellaría de Política Social perante o xefe territorial da Inspección de Traballo pola súa xestión nas residencias de maiores, centros de menores (residenciais) e centros de atención a persoas con discapacidades.
Levamos moitos días denunciando a situación nos centros sociais da Xunta e tememos pola saúde das persoas residentes e traballadoras porque aquí non se fai cargo ninguén e a situación xa é desesperante, e ante o caos organizativo e a deixadez na toma de medidas de prevención perante o covid 19, solicitamos medidas cautelares urxentes da autoridade laboral como que inste a que con urxencia se fagan test en todos os centros de traballo nos que haxa dúbidas de que se seguiron axeitadamente as medidas de prevención e que se establezan de inmediato as medidas máximas de protección fronte ó virus, até comprobar que todas as persoas traballadoras e usuarias son negativas no test.
- Detalles
Editamos: no web de Educación infórmase de que os recoñecementos continúan, pero permitindo mudar a data. Ir á información de educación.
Estamos a recibir consultas de persoal de centros de ensino que teñen pendentes citas para a revisión médica, dentro do campaña de vixiancia da saúde para o 2019/2020.
Parece ser que cando se solicita a Cualtis (empresa encargada de realizar estes recoñecementos médicos) o adiamento da cita debido á situación actual na que nos atopamos, a resposta de Cualtis é... que é imposible.
Dende a CIG informamos de que TODOS OS RECOÑECEMENTOS MÉDICOS PREVISTOS QUEDAN APRAZADOS xa que mutua que ten concedida a xestión así o decidiu e así llo comunicou a Cualtis.