- Detalles
Na xuntanza que tivemos os sindicatos (CIG, CCOO, CSIF e UGT) co director de Función Pública o xoves 30 preguntamos pola situación do concurso de traslados de corpos xerais, xa que estaba previsto que en xaneiro se publicase a lista de prazas en xogo (as vacantes iniciais máis as das persoas que solicitaron participar no concurso), e se abrise o prazo para a súa solicitude e emenda de méritos.
Por facer memoria, valorar ou non os méritos en comisión de servizo foi o principal conflito durante a negociación e, finalmente, na Comisión de Persoal en que tivemos que votar as bases (02/08/2019), o propio director xeral anunciara que aceptaban retornar ao sistema normal ata ese intre, de que o tempo en comisión de servizo fose valorado como tempo traballado no posto de orixe. Fora precisamente ese cambio de última hora o que motivara que a CIG, que tiña pensado votar en contra, finalmente optaramos pola abstención (CCOO e UGT votaron a favor, CSIF abstívose).
Porén, as bases do concurso foron publicadas en DOG sen cambio algún. Pode ser que fose un erro, ou pode ser que fose unha manobra de mala fe. Pero en todo caso non publicaron ningunha corrección de erros posterior. Tan só recibimos a palabra de que cando se publicase a lista de prazas (as que tiñan que sair en xaneiro), publicarían unha “aclaración” para facer valer a palabra dada na Comisión de Persoal (non ter en conta as comisións de servizo).
A resposta que recibimos na xuntanza do xoves 30 foi que para a vindeira semana (por tanto xa en febreiro), enviarían aos sindicatos a relación de prazas e a resolución con aclaracións. Non pon data para a publicación en DOG.
Solicitamos a inclusión de todas as vacantes que se foran producindo dende a publicación do concurso a finais de novembro. O director non se compromete a revisar todas as prazas (di que produciría máis retraso).
- Detalles
O xoves 30 asistimos á xuntanza convocada polo director xeral de Función Pública para tratar as convocatorias dos procesos de funcionarización do persoal laboral fixo e outros asuntos.
- Manteñen que convocan categorías completas, e que se alguén dunha categoría convocada non se atopa no anexo de prazas, pode solicitar participar igualmente e, se é correcto, corrixirán, inclusive publicando unha corrección de erros.
- As categorías que convocan son as que aparecen nas OEP de 2018 e 2019. As demáis categorías irán en anos posteriores. O persoal que ven de procesos de integración (GAIN, IET, comarcais, axencia humanitaria ..), irán na futura OEP do 2020.
- Quen non se presente por forza maior, poderá presentarse en convocatorias vindeiras.
- A batería de preguntas será a publicada no web de Función Pública o día da convocatoria.
- O primeiro exercicio será no prazo de 2 meses dende a convocatoria.
- Os destinos serán definitivos no posto ocupado. Quen estea en adscrición provisional ou a dispor, terá destino provisional.
- Quen tivera cambio de categoría por incapacidade, funcionarizase na categoría actual (definitiva). As cuestións sobre compatibilidade do posto coa incapacidade é asunto da Seguridade Social.
- Persoal laboral fixo en excedencia por incompatibilidade por ocupar outro temporalmente: di que a normativa obriga a que ten que estar a desempeñar o posto. Por tanto tan só ofrece a solución de que soliciten o reingreso. Alternativamente podería quedar para unha futura funcionarización.
Á xuntanza asistiron representantes de CIG, CCOO, CSIF e UGT.
- Detalles
A CIG-Administración Autonómica reuniuse cos grupos parlamentarios do PSOE, BNG, Común de Esquerda e Mixto para explicar o contido da Proposición non de Lei rexistrada o pasado martes, 14 de xaneiro, para a formación do persoal do servizo de extinción de incendios da Xunta de Galiza para avanzar cara unha maior profesionalización.
Desde o BNG comprometéronse a presentar unha iniciativa parlamentaria para o desenvolvemento dun plan formativo e de certificación profesional para facer un servizo profesionalizado e versátil para o apoio en continxencias no medio natural e rural.
- Detalles
O vindeiro mércores 29 de xaneiro publícanse as listas definitivas para o desempeño transitorio de prazas reservadas a persoal funcionario e a contratación temporal de persoal laboral da Xunta de Galiza.
Lembramos que o prazo para solicitar a modificaciń de ámbitos territoriais e a modificación do concello de empadroamento remata o venres 31 de xaneiro e producirá efectos dende o 1 de marzo.
Na vindeira sesión da Comisión de Listas (xoves 30) debatirase, entre outras cuestións, sobre o tratamento que se lle dará ás solicitudes de modificación de ámbitos territoriais, de concello de empadroamento e de actualización de méritos do ano 2019 do persoal do Servizo de Prevención e Defensa contra Incendios Forestais que solicitaron a inclusión nas listas do 1 de marzo ao 15 de xullo de 2019.
Ata a Comisión de Listas non sabemos que intención teñen de poñer a funcionar as listas de PSX e xeros. O único que nos comunicaron foi que se publicarían as listas definitivas pero como din que os de 0 puntos é por non estar integrados igual non chaman por elas. Ata pasar o xoves 30 non teremos máis información e por tanto temos que agardar para facer reclamacións.
- Detalles
O venres 24 asistimos a unha xuntanza para tratar sobre as prazas obxecto do proceso de funcionarización do persoal laboral fixo da Xunta de Galiza.
Despois de resolver algúns postos (de laborais fixos) que non aparecían na relación que enviara Función Pública, dende a CIG achegamos as seguintes situacións que non se recollen no decreto e das que hai que adoptar decisións:
1. Persoal laboral fixo que nunca tomou pose do seu posto definitivo por ocupar un posto de carácter temporal (situación de incompatibilidade). Pretende o director xeral de Función Pública que este persoal solicite o reingreso provisional e participe deste este posto na funcionarización.
2. Persoal laboral fixo ao que lle amortizaron o posto e se atopa a dispor. Función Pública di que buscará un posto para a súa funcionarización.
3. Persoal laboral fixo en reingreso provisonal. Igual que os anteriores, din que lles buscarán posto.
4. Persoal laboral fixo integrado dos entes instrumentais (SODECO, fundación Galiza Emigración, xerentes fundacións comarcais, IET...). Estes postos non están nas Ofertas de Emprego Públicas de 2018 nin de 2019. Din que aparecerán posiblemente na OEP do 2020, e os que teñan posto provisional e superen o proceso selectivo tomarán pose en destino provisional.
5. Persoal laboral fixo que por concurso obtivo postos con complementos de dirección (coordinadores de menores, de dependencia, ..): Funcionaránse no posto da súa categoría dende a que concursaron e tomarán pose no posto de coordinación que ocupan.
6. Categorías que non aparecen nas OEPs do 2018 e 2019 (gobernantía, camareras/os limpadoras/es, mantemento, peóns..): serán ofertadas na OEP de 2020 (probablemente).
- Detalles
Dende a área de Igualdade da Xunta de Galiza afírmase que as administracións públicas participan activamente na revisión dos referentes sexistas, e que «seguir empregando nas administracións públicas unha linguaxe sexista e discriminatoria para o colectivo feminino, supón non só un anacronismo senón, sobre todo, a fixación de barreiras invisibles que afectan directamente ao proceso de participación das mulleres na sociedade actual e que agochan os avances que se están a dar na participación en igualdade de condicións de mulleres e homes en todas as esferas da vida». Tamén nos din dende Igualdade da Xunta que aconsellan o cambio cara aos usos non discriminatorios aos habitualmente estendidos na documentación administrativa, para o que achegan recomendacións para o uso dunha linguaxe non discriminatoria na administración pública e nos medios de comunicación.
A teoría sabémola ben, pero a práctica que fai dela a Xunta éche outro cantar. Lonxe de responder aos principios que a propia Xunta proclama, en favor dos usos non discriminatorios da linguaxe na Administración pública, o uso da linguaxe discriminatoria e sexista está á orde do día nos textos legais e publicacións como o Diario Oficial de Galiza, malia as queixas que vén facendo hai anos a representación legal do persoal. Un exemplo claro volvemos telo na Orde da Consellaría de Facenda do 14 de xaneiro de 2020, pola que se ditan instrucións sobre a confección de nóminas do persoal ao servizo da Administración autonómica para o ano 2020 , que repite exactamente o mesmo esquema machista que a do ano precedente na Orde do ano 2019 e na do 2018: o uso de expresións excluíntes en masculino como «médicos de familia», «odontólogos», «diplomados en enfermaría», «médicos de urxencias, «médicos dos puntos de atención continuada», «pacientes adscritos a outros profesionais»... nun alarde de linguaxe machista impropio dunha consellaría do Goberno galego, que invisibiliza ás mulleres incluso naqueles sectores tan feminizados como precisamente é o sector dos coidados.
Dende a CIG solicitamos que a secretaria xeral de Igualdade da Xunta de Galiza, Susana López Abella, nos informe sobre as medidas que adopta para garantir que os documentos emitidos pola Xunta sexan redactados en linguaxe non-sexista, conforme á lexislación vixente, e pedimos que esixa tanto á Consellaría de Facenda como ao resto de consellarías que poñan fin a este flagrante machismo lingüístico, e que sexa sancionado do xeito oportuno, de maneira que a Xunta abandone definitivamente o emprego da linguaxe estereotipada e discriminatoria en todos e cada un dos seus textos, aplicando os mínimos do propio Manual de estilo do Diario Oficial de Galiza.
- Detalles
Na Comisión de Persoal do mércores 22, a maiores da Lei de impuso demográfico de Galiza e a modificacion puntual da RPT de Medio Ambiente, Territorio e Vivenda, ían tamén as bases das convocatorias dos procesos selectivos da escala de veterinarios/as e de consolidación de veterinarios. Estas ultimas foron retiradas da orde do día, segundo o director de Función Pública a causa de que están a preparar unhas modificacións substanciais.
Lei impulso demográfico de Galiza
Publicamos unha nova específica co seu contido.
RPT da Consellería de Medio Ambiente, Territorio e Vivenda
Trátase dunha pequena modificación dalgúns postos para o cumprimento de sentenzas, e o acordo sobre condicións de traballo de axentes forestais e medioambientais. No caso da aplicación do acordo de axentes dende a CIG consideramos que a explicación dada pola redución de cantidades do específico (fora do Acordo) non foi satisfactoria nin acompañada da documentación, nin tempo suficiente para ser valorada, polo que nos abstivemos ao igual que o resto das organizacións sindicais (restan mais de 11 euros ao mes).
- Detalles
O anteproxecto da Lei de impulso demográfico de Galiza xa pasou polo trámite de Mesa Xeral de Negociación de Empregados Públicos, e foi aprobada na Comisión de Persoal do mércores 22 de xaneiro, co voto en contra de CIG e CSIF, e, como non, co voto a favor de CCOO e UGT.
O día 21 de xaneiro remitiron documentación nova. A maiores, na propia mesa entregaron máis modificacións á proposta. Finalmente retiran a disposición derradeira primeira, na que reducían os “ratios” de persoal dos centros de menores e os centros de atención á infancia (escolas infantís) e recoñecen a alegación da CIG: unha lei de impulso demográfico non é o lugar para modificar algo tan concreto e menos aínda para empeorar a calidade da atención as crianzas reducindo o persoal nos centros.
Inclúen outras pequenas modificacións a lei que tamén achegamos desde a CIG, pero consideramos que son insuficientes e presentamos cuestión de orde: esiximos volver a mesa de negociación que lle corresponde que é a Mesa Xeral. Como non aceptan, votamos NON por:
- Detalles
O mércores 22 de xaneiro participamos na Mesa Xeral de Negociación na que tratamos as convocatorias dos procesos de funcionarización do persoal laboral fixo da Xunta de Galiza. Informa o director de Función Pública o seguinte:
Buzón de postos: retiran algúns postos soltos e din que van saír categorías completas. O que convocan agora son unicamente as categorías previstas nas OEP de 2018 e 2019, excluíndo as vacantes producidas (fala de 317 vacantes por xubilación e falecemento no 2019, e 305 no 2018, das que aproximadamente as 4/5 serían laborais fixos). O venres 24 teremos unha xuntanza para revisar o listado de postos.
A CIG insiste na necesidade de que saian todas as prazas daquelas categorías que se convoquen. Porque de non facelo, haberá problemas cos futuros concursos de traslados: ou ben non se convocarán ata que estea todo o mundo funcionarizado, ou se se convocan, poderán participar uns si e outros non. Como mellor solución: que se convoque un concurso de traslados previo á funcionarización.
Aceptan modificar a redacción para deixar claro que o vínculo laboral se extingue unicamente na praza dende na que te funcionarizas (non nas que esteas en excedencia).
Non se requiren 2 anos para presentarse a funcionarización.
Vai estudar que facer no caso de persoal que está en excedencia no posto aprobado e ocupa outra como interino/a ou persoal laboral temporal.
Van actualizar a batería de preguntas nos temas relacionados coa administración dixital.
O director xeral négase a dar resposta a petición da CIG de concurso de traslados previo e negociacion de Acordo laboral e salarial para saber cales van ser as condicións antes de decidir presentarse a funcionarización, pois tal e como está deseñado, a xente vai ter que presentarse a cegas, sen coñecer como vai quedar. Solicitamos que, como mínimo, Función Pública edite algún tipo de guía sobre as condicións da funcionarización.
- Detalles
Con esta frase despacha o director xeral de Función Pública todos os asuntos:
- Notas do 2º exame da promoción interna do A1: en breve.
- Listado de admitidos do concurso de traslados de corpos xerais: en breve
- Resolución provisional da acreditación de méritos da promoción interna ao C2: en breve.
- Listado de admitidos das oposicións de Subalterno: en breve.
- Convocatoria da próxima promoción interna: en breve.
Parece que un ano para el é un quanto de tempo infinitesimal, tempo que para este director xeral flúe de xeito diferente ao do resto dos mortais porque está encapsulado noutra dimensión temporal. Este epítome do tartufismo prefire permanecer impasible vendo rotar todo ao seu redor sen que ningún movemento o altere.
E posíbel que en outubro teña que facer as maletas, pero nós imos recomendarlle unha solución que lle pode gustar:
Cese do director xeral: EN BREVE
