- Detalles
Dende a CIG levamos moito tempo loitando polo recoñecemento da categoría profesional de Bombeiro/a forestal e por converter ao SPIF nun servizo de emerxencias versátil para o medio natural e rural, sen perder de vista a prevención coma unha función básica dun servizo de bombeiros forestais.
Os piares sobre os que se asentou a acción da CIG todo este tempo son a formación, operatividade e estabilidade laboral vinculada á atemporalidade dun servizo de emerxencias.
Tamén fomos pioneiros na loita polas certificacións profesionais, mediante numerosas iniciativas parlamentarias, dando coma resultado que moitos compañeiros/as acadasen a cualificación profesional específica do noso colectivo, cuestión fundamental de cara ao futuro do SPIF.
Na CIG somos conscientes das vantaxes que ten o recoñecemento da categoría profesional de Bombeiro/a forestal (entre elas a aplicación de coeficientes redutores da idade de xubilación) e apostamos enerxicamente polo seu recoñecemento. Agora, un documento do INSS recibido por un traballador do servizo (logo de solicitude feita pola CIG), ven a darnos a razón xa que recoñece que sería aplicable unha bonificación de tempo sobre a idade legal da xubilación por desenvolver a actividade de Bombeiro/a forestal. Porén, a nosa loita ainda non rematou, agora temos que seguir avanzando cara á aplicación dos coeficientes redutores coa maior amplitude posíbel.
Coa CIG continuamos traballando para que o SPIF siga a camiñar cara ao ámbito da multiemerxencia non só legalmente senón tamén coma unha realidade operativa que vai dar un mellor servizo público aos galegos e galegas.
- Detalles
CCOO informa que para o ano 2020 as retribucións das persoas empregadas públicas van subir un 3% grazas ao acordo de mellora de emprego asinado por CCOO, UGT e CSIF en Madrid no 2018.
Non contan que o único comprometido nese acordo é unha suba do 2% e que para chegar ao 3% hai un condicionante que é que o PIB medre un 2,5%.
Como xa vos contamos nesta nova de marzo de 2018, cando asinaron o acordo de concertación xa sabían que era moi improbable que o incremento do PIB fose do 2,5%, porque as previsións do Banco de España en decembro de 2017 o situaban nun 2,1%.
As últimas previsións do Banco de España en setembro do 2019 son que o PIB deste ano vai estar no 2%.
No acordo de Madrid que asinaron CCOO, UGT e CSIF, se desindexaban os salarios do IPC e se vinculaban ao crecemento económico segundo o que subíra o PIB do ano anterior.
Pois ben, cun incremento do PIB do 2% a cantidade variable a cobrar é CERO. Polo que en vez do anunciado 3% de CCOO o que nos subirán os salarios será so dun 2%. Un gran negocio para os asinantes do Acordo, pero un mal negocio para as persoas empregadas públicas.
- Detalles
O día 17 de setembro publicouse no BOE a Orde TMS/941/2019, de 6 de setembro, pola que se distribúen territorialmente para o exercicio económico de 2019, para a sua xestión polas comunidades autónomas con competencias asumidas, subvencións adicionais do ámbito das políticas activas de emplego financiadas con cargo aos Orzamentos Xerais do Estado, incluíndo aqueles destinados á execución do Plan de Choque polo Emprego Xove 2019-2021.
No anexo V desta orde se recolle a asignación do número de persoas adicadas a labores de orientación e/ou prospección de empleo a contratar por cada Comunidade Autónoma con cargo aos fondos asignados na aplicación 19.101.241-A.454.70, correspondéndolle a Galiza un total de 188 persoas.
O 19 de setembro puxémonos en contacto coa Subdirección Xeral de Coordinación Administrativa desa consellería co fin de coñecer como se vai implementar o disposto na Orde TMS/941/2019, especialmente no relativa ao chamamento a través das listas de contratación das persoas que vaian realizar os servizos de orientación e/ou prospección de emprego. Obtivemos o compromiso de que unha vez estudada a orde se nos convocaría para informar sobre o asunto.
Considerando a urxencia de realizar canto antes os chamamentos, e dado que este proceso afecta a grande número de persoas, vimos de solicitar por escrito unha xuntanza con esa consellería á maior brevidade posíbel.
- Detalles
A incógnita podería quedar despexada o martes 1 de outubro, día en que estamos convocados para discutir sobre as prazas a ofertar.
As bases do concurso quedaron aprobadas na Comisión de Persoal do 2 de agosto (coa abstención de CIG e CSIF, e o voto a favor de CCOO e UGT). A previsión nese momento era que se publicaría en setembro, unha vez que se pechase a discusión da oferta de postos.
Xa non vai ser en setembro, pois a xuntanza para pechar os postos está convocada para o martes 1 de outubro. E queda pendente unha Mesa Xeral para aprobar a inclusión en RPT duns postos de Educación que levan un ano creados. Así que despois de incumprir a súa previsión, sen dar sinais de vida durante case todo setembro, a cousa vai quedar para outubro como moi pronto.
Hai quen anda a dicir que o concurso queda para xaneiro. A CIG non ten argumentos para darlle veracidade a ese murmurio, polo que en principio quedámonos con que poden convocar en outubro. Pero con Función Pública nunca se sabe e unha vez máis poden incumprir as súas previsións.
En canto ao contido das bases o asunto xa está pechado; xa o explicamos polo miúdo no resumo da Comisión de Persoal do 2 de agosto, cando se aprobaron as bases da convocatoria (ler nova de 2/8/2019). Contabamos daquela que ao final desbloqueouse o principal elemento de discrepancia, a valoración do traballo desenvolvido en comisión de servizos. Pero mantíñanse discrepancias en aspectos como a non valoración da titulación académica, os cursos das escolas de idiomas, e o desequilibro excesivo nalgúns méritos. Se queres, aquí tes toda a información: https://i.gal/SKzQb
E os demáis concursos? A última información que temos, tamén do 2 de agosto, é que a negociación do concurso de veterinarios sería en setembro/outubro, e a de especiais negociariase unha vez publicado o de veterinarios. O de outras escalas de xeral tampouco se sabe, e o de laborais non o queren convocar nunca máis (unha das consecuencias do Acordo de Concertación que asinaron CCOO e UGT).
Esta é a situación das prazas: descargar borrador do buzón de postos a 25/09/2019.
- Detalles
Publicada no DOG Núm. 181 Martes, 24 de setembro de 2019, RESOLUCIÓN do 16 de setembro de 2019, da Dirección Xeral de Recursos Humanos, pola que se publican as puntuacións e destinos definitivamente asignados na primeira fase do concurso de traslados para a cobertura de postos de traballo de persoal sanitario funcionario da escala de saúde pública e administración sanitaria e se convoca para a elección de destino definitivo aos/ás funcionarios/as incluídos/as na segunda fase deste proceso.
Resolta definitivamente a primeira fase do concurso de traslados para a cobertura de postos de traballo de persoal sanitario funcionario incluído baixo o ámbito de aplicación da Lei 17/1989, do 23 de outubro, pertencentes á escala de saúde pública e administración sanitaria, convocado pola Resolución do 25 de setembro de 2018, coa publicación das puntuacións definitivas e a adxudicación de destinos.
Os prazos de cesamento no actual destino e de toma de posesión nos destinos adxudicados comenzarán a computar a partir do día seguinte ao da publicación no Diario Oficial de Galicia da resolución pola que se resolva a segunda fase deste proceso, coa adxudicación de destino definitivo ao persoal funcionario de novo ingreso seleccionado no concurso-oposición convocado pola Resolución do 27 de xullo de 2010.
Publicada a relación de destinos que se ofertan na segunda fase deste proceso, para a elección de destino definitivo, aos/ás funcionarios/as de novo ingreso seleccionados/as mediante o concurso-oposición convocado pola Resolución do 27 de xullo de 2010.
Convócase os/as funcionarios/as seleccionados/as no antedito proceso selectivo, e que se detallan no anexo III desta resolución, o día 7 de outubro, ás 13.00 horas, no salón de actos da Consellería de Sanidade, Edificio Administrativo San Lázaro, s/n, Santiago de Compostela, para que en único chamamento e acto, elixan destino definitivo entre os que se ofertan no anexo II, pola orde de puntuación final obtida no concurso-oposición da clase correspondente, con preferencia a favor dos/das aspirantes que, de ser o caso, accedesen pola quenda de promoción interna.
- Detalles
O 17 de setembro convocouse a Comisión de Seguimento do Acordo sobre condicións de traballo do persoal funcionario pertencente aos grupos A1 e A2 da Xunta de Galiza do Servizo de prevención e Defensa Contra os Incendios Forestais. Tratamos de conseguir unha interpretación positiva do acordo nas quendas de oficina entre gardas e implementar descansos para baixar a carga horaria anual que hoxe supera as 2000h.
O Acordo do 2008 esta denunciado polas organizacións sindicais con representación na Mesa Xeral, CIG, CCOO, CSIF e UGT co fin de negociar un novo xa que este mostrouse ineficaz, non se axusta a normativa actual, as súas compensacións están desfasadas e o réxime de prestación de servizos previstos no 2008 non concorda co que ten hoxe o resto do persoal ao cargo. Para tratar un novo réxime adecuado e eficaz a Xunta de Galiza propón a realización dunha mesa de traballo técnica que comezaría a reunirse este mes.
Porén ante a urxencia que require baixar a carga horaria, as organizacións sindicais esiximos a inmediata redución do computo horario anual e da carga de traballo para todo o persoal técnico mentres dura a negociación dun novo acordo polo que acordamos as seguintes medidas en Comisión de seguimento (17/09/2019):
- O persoal técnico so realizará 2 días de quenda de oficina nos descansos das gardas ao mes ata remate 2019 e no 2020 ningunha ata novo Acordo condicións de traballo.
- Dous días consecutivos de descanso semanal para os xefes de Distrito.
- Sete días de descanso consecutivos (5 laborables+2 fin de semana) a maiores do establecido no actual acordo e estes vinculados ao traballo a quendas para uso fora de alto risco a disfrutar no primeiro trimestre de 2019.
Para a CIG, so se trata dun pequeno parche temporal polo que seguimos a loitar nesta negociación para que o novo Acordo teña que:
- Aumentar o cadro persoal para garantir os descansos que permitan reducir carga de traballo e que o horario anual de xeito que non se superen a media de 35 h semanais.
- Regular o traballo en fins de semana, festivos, quendas e gardas, e garantir 15 días de vacacións no verán, regular e aumentar as compensacións.
- Establecer un/ha segundo xefe/a de garda por distrito forestal.
- Diminuír a interinidade engadindo todas as vacantes na seguinte OPE.
- Plan de prevención de riscos laborais, segunda actividade e estudo de coeficientes redutores para a xubilación.
- Plan formativo que certifique e acredite o traballo que hoxe se fai en emerxencias e GIF e outras continxencias.
- Detalles
A CIG defende que todo o persoal teña carreira profesional
O xoves 19 de setembro suspendeuse o xuízo previsto no Tribunal Superior de Xustiza de Galiza pola demanda de Conflito Colectivo de CSIF e CIG (adherímonos) contra o acordo de carreira profesional asinado por CCOO e UXT coa Xunta de Galiza xa que outros sindicatos sen representación solicitaron personarse.
O Conflito Colectivo é unha vía xudicial do “social” que só afecta ao persoal laboral. A maiores, a CIG ten interposta outra demanda, tamén no Tribunal Superior de Xustiza de Galiza, pola vía do contencioso-administrativo que si afecta a todo o persoal, funcionario e laboral. Esta demanda, que non se limita á carreira profesional senón ao conxunto do Acordo de concertación, tardará máis en ser xulgada.
Visita a nova do 28/03/2019 da nosa web: "O Tribunal Superior de Xustiza de Galiza admite a trámite o recurso contencioso-administrativo presentado pola CIG contra a Orde do Acordo de Concertación do Emprego Público de Galiza pactado pola Consellería de Facenda e os sindicatos CCOO e UGT"
- Detalles
No DOG Núm. 179 Venres, 20 de setembro de 2019 publícase a RESOLUCIÓN do 12 de setembro de 2019 pola que se convocan actividades de formación continua en materia de igualdade e violencia de xénero para o persoal ao servizo das administracións territoriais, institucionais e entes públicos instrumentais do sector público da comunidade autónoma, así como do persoal da Administración de xustiza de Galicia e de administración e servizos (PAS) das tres universidades galegas.
Poderán participar nas accións formativas o persoal ao servizo da Administración pública da Comunidade Autónoma, das entidades públicas instrumentais e da Administración institucional e da Administración de xustiza de Galicia, das entidades locais e da administración e servizos (PAS) das tres universidades do Sistema Universitario de Galicia (UDC, USC e UVigo), que se encontren en situación de servizo activo, permiso por maternidade ou paternidade, adopción ou acollemento ou excedencia polo coidado dun/dunha fillo/a ou dun/ha familiar e que reúnan os requisitos establecidos nesta convocatoria e para cada un dos casos no anexo II.
- Detalles
Comunicado da CIG sobre o informe do grupo de expertos de apoio á comisión do Parlamento de Galiza sobre incendios forestais
O mércores 18 presentouse na Comisión de Agricultura do Parlamento de Galiza o documento de respostas ás cuestións recollidas no Ditame da comisión parlamentaria sobre incendios forestais de 2017 elaborada polo grupo de expertos.
En liñas xerais a CIG valoramos positivamente o contido deste informe xa que pon en valor moitas das recomendacións e propostas que son eixes de traballo para a mellora da xestión do servizo de incendios forestais da Galiza. Así o documento recolle ideas coincidentes que forman parte da acción sindical da CIG que coidamos fortalecen a operatividade e a mellora do dispositivo de incendios, das que destacamos:
- O concepto de multiemerxencia no medio natural e rural, fomentando a participación do persoal do servizo de incendios na intervención de emerxencias provocadas por riscos naturais (nevaradas, temporais, inundacións, etc).
- A formación do persoal como eixo fundamental da profesionalización do servizo de incendios. Compre formación para facer fronte a nova tipoloxía de incendios forestais e aos seus perigos e coincidimos en que a formación axeitada é a correspondente ás cualificacións profesionais previstas.
- A aplicación da lexislación de protección civil para as protección das persoas no medio natural e rural.
- A coordinación cos distintos servizos de emerxencias, cos bombeiros - forestais e urbanos- Neste sentido a CIG leva feito un esforzo inxente acadarmos o recoñecemento da categoría de bombeiro/a forestal cos seus dereitos laborais ademais da posibilidade de combinar servizos.
- Criterios técnicos (medios). Compartimos a maioría dos criterios deste informe como a reincorporación de medios aéreos (avionetas), vehículos motobomba e a implantación de índices preditivos.
- Detalles
Publicados no DOG Núm. 165 do luns 2 de setembro de 2019 os criterios de repartición do fondo de acción social para o exercicio económico do ano 2018 relativos á axuda para a atención de persoas con discapacidade.
O Fondo de Acción Social do ano 2018, como en anos anteriores, inclúe unicamente a axuda para a atención de persoas con discapacidade.