- Detalles
A Xunta resposta á presión e abre unha mesa de negociación de traballo do persoal técnico dos distritros forestais sen Función Pública. A Consellería de Medio Rural convocou cos representantes sindicais o venres 9 de agosto de 2019 á Mesa de negociación demandada dende maio de 2018 e logo de varias mobilizacións do persoal.
As organizacións sindicais levamos á mesa as demandas dos enxeñeiros técnicos forestais e enxeñeiros de montes, que traballan na coordinación e xestión forestas e das emerxencias por incendios nos 19 distritos forestais sen que a administración fose capaz de presentar ningunha proposta.
Cun acordo de condicións de traballo de 2008 desfasado polos cambios na consellería, cambios no réxime de prestación de servizos e distribución de persoal ao cargo e condicións de xestión do monte e bioclimáticas actuais, para a CIG é vital chegar a un novo acordo que regule as condicións de traballo para o que compre ao menos:
- Detalles
Segue e segue coas encomendas de xestión a Tragsatec do traballo técnico de arqueoloxía
Está claro que na Consellería de Cultura non queren ao persoal funcionario, non valoran o traballo dos técnicos e incluso non cumplen as leis de patrimonio nin de protección de datos. Xa é a terceira vez que asinan unha encomenda de xestión coa empresa Tragsatec, e a terceira vez que a CIG o denuncia.
O pasado luns día 15 publicaban no DOG a nova encomenda para o segundo semestre do ano, por valor de 160.000 euros, co fin de externalizar os informes técnicos de arqueoloxía das obras en entornos de protección cultural, nomeadamente os Camiños de Santiago.
Tanto Xacobeo e non hai diñeiro para crear as prazas necesarias na consellería, e iso que o conselleiro é licenciado en Historia, nin sequera sabe coidar dos seus.
- Detalles
Son frecuentes as informacións que nos chegan sobre a falta de efectividade dos medios aéreos contratados pola Consellería de Medio Rural.
No video que adxuntamos podemos ver un helicóptero da base do Campiño facendo unha descarga de auga nun lume de Meis o pasado 4 de agosto.
Lonxe de ver un mínimo de efectividade nos medios aéreos contratados por Medio Rural á empresa BABCOCK para o servizo de loita contra os incendios, atopámonos frecuentemente con este tipo de actuacións onde se tira a auga demasiado alta e/ou fóra do lume.
Unha vergoña da que é responsable o Director Xeral de Defensa do Monte, Tomás Fernández-Couto.
- Detalles
O plan de Prevención e Defensa contra os Incendios Forestais de Galiza (PLADIGA 2019), foi aprobado polo consello da xunta do 2 de maio, e o Presidente Feijoo fixo público o documento cos datos dos medios humanos dispoñibeis para a campaña de alto risco de incendios forestais que comenzou o pasado 1 de xullo.
Nese documento detállase unha cifra que chega aos 7.000 efectivos para a loita contra o lume, homes e mulleres que pertencen a medios propios da Xunta de Galiza, concellos, ministerio de medio ambiente, exército e forzas e corpos de seguridade do estado.
En canto aos medios propios da Administración autonómica -SPIF- dende a CIG temos que denunciar un ano máis a falta de persoal tanto de bombeiros/as forestais en brigadas como carencia de persoal nos puntos estratéxicos de vixiancia e emisoristas nos distritos.
No que se refire as brigadas forestais, atopámonos con bombeiros forestais condutores de baixa laboral e/ou con permisos por paternidade ou maternidade entre outros, producindo que ditas brigadas en moitos días de traballo no alto risco estén inoperativas, tendo que o centro de distrito ubicar aos bombeiros forestais con condutores de autobomba minorando a capacidade do dispositivo.
- Detalles
Pasaron pouco máis de 15 días dende a súa presentación como delegada territorial da Xunta en Vigo e xa nos mostrou cal é o seu estilo: propaganda.
“A Xunta con Vigo. O Marisquiño”. Duas lonetas de propaganda tapando varios pisos das duas torres do edificio administrativo da Xunta en Vigo. Só lle falta sair de “telonera” ao estilo Abel nun dos concertos do Marisquiño.
A semana pasada o conselleiro de Facenda facía saltar as alarmas de que a Xunta reclamaba 700 millóns de euros ao Goberno do Estado, advertindo que de non recibilos perigaban as nóminas das empregadas e empregados públicos.
E con ese panorama Corina Porro non tivo vergoña de contratar duas lonetas de importantes dimensións que só conteñen propaganda, para descolgalas nos dous edificios diante dos fociños, e ollos, do persoal, que entre deseño, fabricación e colocación seguro que o prezo ten catro cifras.
Señora delegada territorial: a Xunta ainda non devolveu aos empregados e empregadas públicas todo o que nos roubaron. O Fondo de Acción Social segue capado; as compensacións por traballar domingos e festivos non se recuperaron; o diñeiro que nos sacaron das extras durante varios anos non se nos devolveu. Temos tamén problemas de climatización, espazo, mobiliario, saúde, ergonomía, etc.
Non tire o diñeiro en propaganda!
- Detalles
Nestes días aparece un informa de un sindicato da vergoña, de eses que asinaron un acordo de traballo coa Xunta do PP para eliminar calquera dereito do persoal laboral, eliminando o concurso de traslados, as oposicións por concurso-oposición, a promoción interna, etc... onde se fai unha proposta de compensación dos hararios para o persoal a quendas.
A proposta, en resumo é:
- 75% compensación por traballo en domingos e festivos
- Traballar como máximo a metade dos domingos e festivos
- O 24 e 31 de decembro (non especifican si é de decembro, aínda que imaxinamos que sí) días inhábiles.
- Detalles
Na Comisión de Persoal do 2/8/2019 (e Mesa Xeral previa), discutimos con Función Pública diversos asuntos, como o concurso de traslados de corpos xerais (ver nota informativa), e a funcionarización de varias categorías de persoal laboral da Xunta. En rogos e preguntas falouse de oposicións, previsións para setembro, previsión de concurrsos e promoción interna.
Acordos para a funcionarización de varias categorías
Comeza a intervención da CIG manifestando que estas categorías fan tarefas de inspección, polo que xa estiveron mal creadas dende un principio (sempre deberon ser postos de persoal funcionario). Tamén manifestamos que o proceso de funcionarización vai por mal camiño se pretenden facelo por parcelas e sen definir claramente as condicións salariais e garantíais laborais que veñen recollidas no V Convenio (ou por sentenzas) antes da súa execución. Tampouco queda comprometida a formación para quen non cumpra os requisitos. Nin que vai pasar coa carreira profesional do persoal que por incumprimento de requisitos teña que quedar como persoal laboral. E nada di do salario do persoal de novo ingreso ou persoal interino/a. As categorías son as que aparecen nos tres seguintes puntos.
- Detalles
Aprobado na Comisión de Persoal do 2 de agosto. Publicaríase en setembro, unha vez que se peche a discusión da oferta de postos (que continúa en revisión).
Durante toda a negociación houbo un elemento principal en disputa: a valoración do traballo desenvolvido en comisión de servizo como realizado no posto de orixe ou no da comisión. En todas as xuntanzas a CIG rexeitou a intención da Xunta de mudar o criterio mantido en todos os concursos anteriores e valorar o traballo como feito no posto en comisión. Porque a súa concesión non atende a criterios obxectivos de mérito e capacidade; porque é discrecional; porque temos infinidade de exemplos de abusos (comisións cruzadas, xente que constantemente salta de comisión a comisión..); porque xa non é un sistema de cobertura de prazas de urxente e inaprazable necesidade senón que é un sistema habitual de cobertura temporal. Sobran motivos, e estaremos dispostos a discutilo cando os concursos sexan convocados como mínimo anualmente e cando as comisións estean sometidas a criterios obxectivos.
- Detalles
Nas comisións de servizo non abonda con que a persoa adxudicataria cumpra os requisitos de idoneidade, senón que, cando sexan varias as persoas solicitantes, é necesario que se exterioricen as razóns polas que se elixe a unha das persoas peticionarias e se lles notifique a todas elas a decisión final para darlle posibilidade de impugnación. Iso vén a decirlle á Xunta de Galiza, por segunda vez, o Tribunal Superior de Xustiza de Galiza.
A nova sentenza do TSXG 341/2019, do 3 de xullo, incide nos mesmos aspectos que a anterior sentenza 87/2018 que demos a coñecer o ano pasado capitaneada tamén desde os servizos xurídicos da CIG.
Todo o mundo ten moi claro que as decisións discrecionais das Administracións hai que motivalas e tamén notificar as resolucións. Porén, esto parece que se lle esquece acotío á Xunta. É o mínimo que marca a lei. Non estaría de mais que os criterios de selección fosen previmente publicados, como non estaría de máis que as comisións de servizo fosen realmente "excepcionais" e "transitorias" e o ordinario fose o concurso aberto permanente. Mentres non sexa así, haberá que seguir defendendo os nosos dereitos á mobilidade e promoción profesional (e a legalidade) nos tribunais.
Desde a CIG valoramos positivamente esta senteza que non vai a eliminar de raíz a arbitrariedade no reparto das comisións de servizo, pero vaille a obrigar á Administración a botarlle máis imaxinación á hora de motivar por que unha persoa candidata é preferible sobre outra; a parte de a notificar a resolución (coa motivación) a todas as persoas candidatas. Así pois, permitirá unha comparación, que si pode ser controlable polos xulgados.
Esiximos que desde a Dirección Xeral de Función Pública se vele polo cumprimento da legalidade e xurisprudencia en todas as resolucións das comisións de servizo, que parece ser que no 2018 non nos fixeron moito caso. Vai rematando a época das comisións de servizo arbitrarias e eternas e parece mentira que no 2019 aínda esteamos así.
- Detalles
Medio Rural acumula varios incumprimentos polas eivas no servizo de incendios forestais.
A CIG-Autonómica reuniuse o martes 30 de xullo na Coruña co director territorial da Inspección de Traballo e Seguridade Social (INTSS) de Galiza para solicitarlle que a Xunta de Galiza cumpra cos requirimentos realizados pola propia Inspección en materia de seguridade laboral.
Cómpre lembrar que a Xunta de Galiza acumula incumprimentos dos requirimentos da Inspección de Traballo en materia de seguridade e saúde laboral, emitidos tras das denuncias feitas pola CIG no INTSS a causa das grandes eivas de seguridade que se rexistran no servizo de incendios forestais.
A día de hoxe o persoal bombeiro forestal da Xunta de Galiza carece de máscaras de protección axeitadas, equipos de auto-rescate de osíxeno químico, alimentos de asimilación rápida para salvagarda de episodios de fatiga extrema, luces de emerxencia para os vehículos (V1), intercomunicadores, cursos de formación en materia de seguridade (vehículos todoterreo), etc.; malia que todas estas cuestións foron requiridas en varias ocasións polos inspectores/as de traballo do INTSS. De todos estes requirimentos que comezan en abril de 2017 só se lle entregaron aos traballadores e ás traballadoras as fichas F01 (unha simple fotocopia con medidas correctoras para o persoal).