- Detalles
O venres 24 de maio tivemos reunión ordinaria do Comité de Seguridade e Saúde Laboral de Servizos Centrais. Non se puido realizar por falta de quorum.
Tiñamos que tratar unha ampla orde do día, con temas de importancia como a avaliación de riscos de sete centros de traballo de servizos centrais, as medidas de emerxencia planificadas e actuacións de prevención para este ano.
A reunión non se puido levar a cabo por non estar ninguén do CSIF e, sendo un comité paritario, non houbo quorum. Non é a primeira vez que pasa que falten todas as persoas representantes do CSIF e teñamos que adiar a reunión. Hai que ter en conta que o mínimo que tiñamos que estar pola parte sindical son cinco representantes do persoal traballador. Estabamos un de cada sindicato, e outro máis de camiño, pero do CSIF, que ten tres representantes neste comité, non estaba nin se lle esperaba a ninguén. Nin avisaron que non asistirían.
- Detalles
A Xunta pretende reducir na RPT da consellería de Medio Rural o numero de brigadas para alto risco e o numero de bombeiros/as por brigada en relación ao 2018.
A esta 3ª xuntanza o 22 de maio de 2019 asisten os responsables do servizo de persoal e o subdirector xeral de Extinción de Lumes. Solicítaa a CIG polos inmensos erros na documentación e para que a Xunta aclare a proposta e a distribución das novas prazas de alto risco e non liquide así a “negociación”, por iso:
Denunciamos que as cifras seguen sen cadrar xa que faltan 141 códigos de prazas en RPT comparando coas cadro explicativo; tantos erros non poden ser casuais.
- As brigadas de 12 e de 9 meses que estaban compostas con sete compoñentes a Xunta intenta enganar xa que detectamos na documentación que quedan so con 6 compoñentes. A Xunta non recúa as brigadas de 12 e 9 meses pasaran a ter 6 bombeiros/as co risco que supón para a seguridade do persoal e a perda de efectividade no traballo contra incendios.
- Redúcense o numero de prazas e brigadas para a campaña de alto risco que serán de 5meses no 2019, xa que non traspoñen todas as que eliminaron das encomendas de SEAGA e TRAGSA. Haberá como mínimo 13 brigadas menos e todas pasaran a ser de 4 bombeiros/as. Non concretan a distribución e, con absoluto descaro, din que “nos pasaran a relación”. Xa sabemos que quitan 3 a CO, 3 a LU, 2 a OU e 5 a PO. Cunha exposición torticera intentan facernos crer que son as mesmas!!!
A súa distribución a xustifican co mantemento dos convenios aos concellos (onde hai mais convenios hai menos brigadas Xunta). Para nos é nefasta xa que imposibilitan un servizo publico único e profesional na extinción de incendios e deixa vendida a RPT polo establecemento de convenios anuais. E si o ano que ven hai mais ou menos convenios.
A pesar do comprometido pola Dirección Xeral de Función Pública na suposta negociación do Acordo de Concertación a Consellería de Medio Rural acláralle a CCOO que o persoal de 9 meses non vai pasar a 12 meses nesta RPT.
Decreto de listas para a contratación do persoal de alto risco din que publicaran no DOG nos vindeiros dias. Alongan indecentemente os prazos e xa imos para a probas físicas en xuño e publicación definitiva e contratación para mediados de xullo.
Merma o persoal do servizo de incendios cando mais se necesita e non dubidan en continuar coa propaganda e contratas millonarias con empresas de cámaras, drons, pantallas e outras. Un servizo cada vez mais caro e ineficaz xa que conta con menos traballadores/as para a extinción e tamén para a prevención como xa vimos denunciando.
- Detalles
O último gran concurso de traslados na Xunta convocouse o 20 de maio de 2015 e abriuse o prazo de toma de posesión o 27 de setembro de 2016. Esa era a convocatoria para o persoal de corpos xerais; o máis abundante na Xunta das algo máis de 8.000 funcionarias e funcionarios da Administración xeral.
Peor o teñen o persoal laboral ou o resto de persoal funcionario de corpos especiais ou escalas, onde temos as últimas convocatorias dende o ano 2012 para atrás. Igual que no caso anterior, dende a convocatoria até a efectiva toma de posesión pasa ao redor de un ano e medio; algo xa de por si inadmisíbel nunha administración moderna do século XXI.
Dende a última convocatoria do concurso de corpos xerais houbo moitos borradores e alegacións pero nunca se chegou a materializar en nada desde que tiveron lugar as primeiras reunións en xuño de 2017. O que si se concretou nese tempo foron 2.554 resolucións de comisións de servizo e 3.234 resolucións de prórrogas. As comisións de servizo son o sistema de cobertura que a lei recoñece como “extraordinario” para atender as necesidades de persoal entre os concursos que son os sistemas “ordinarios” de provisión. En total 5.788 resolucións “extraordinarias” por 0 concursos. Así pois, na Xunta o sistema ordinario resulta ser as comisións de servizo.
- Detalles
No DOG do xoves 16 de maio publican a Orde pola que se regula o exercicio de dereito ao voto, no ámbito de Galiza, das persoas traballadoras por conta allea nas eleccións loais e europeas do 26 de maio de 2019.
Esta Orde regulan:
- O tempo de permiso para exercer o voto por correo e o voto presencial.
- O tempo de permiso no día da votación e posterior das persoas que sexan membros das mesas electorais ou participen como interventores/as ou apoderados/as.
Lembrar que para as votacións nas eleccións sindicais, a Orde que o regula foi publicada no DOG do 11/10/2018. En canto ao tempo para exercer o voto, limítase a falar de "tempo indispensable".
- Detalles
O 3 de maio de 2018, as catro organizacións sindicais con representación na Mesa Xeral (CIG, CCOO, CSIF e UGT) presentamos conxuntamente ante a Secretaría Xeral Técnica da Consellería do Medio Rural unha solicitude para abrir a mesa de negociación para a actualización do acordo de condicións de traballo do persoal técnico da Consellería do Medio Rural vinculado á prevención e á extinción de incendios.
O cadro deste persoal data do ano 1999, cando non existía a Lei de incendios de Galiza, a Lei de montes de Galiza, a certificación forestal dos montes de xestión pública... Nos últimos anos, o desenvolvemento da normativa sectorial forestal obriga a este persoal técnico a fiscalizar cada vez máis a xestión do territorio. A diversidade das funcións, agravada no caso dos técnicos e xefes de distrito, e a carga de cada unha delas son obxectivas e cuantificables en obras proxectadas, en direccións de obra e en aproveitamentos forestais executados en montes de xestión pública, en expedientes de axudas públicas, en convenios con concellos, en investigacións de causas dos incendios forestais, no número de solicitudes de aproveitamentos privados fiscalizados, na xestión de medios nos centros de coordinación, na dirección de extinción de incendios forestais, na divulgación forestal para diferentes colectivos mediante charlas e actividades, nas tarefas de extensión forestal ao informar aos cidadáns e,
en definitiva, na sistematización e rigor no control do cumprimento da normativa sectorial forestal.
- Detalles
A CIG trasladoulle a pregunta ao director xeral de Función Pública.
Miles de funcionarios/as que concorren á promoción interna non saben a día de hoxe cando se celebrarán os segundos exercicios deses procesos selectivos. Nen sequera unha data aproximada.
Tendo en conta que agora comeza un período vacacional, e co fin de conciliar a vida laboral e familiar, saber si se celebrarán as probas no verán, antes ou despois, parece de sentido común, e non parece correcto que, a diferenza doutras Administracións as persoas funcionarias da Xunta que concorren a estes procesos non saiban se se van poder desprazar durante o período vacacional, se collen antes ou despois as vacacións para aproveitalas como período de estudo, ou simplemente como van xestionar o seu tempo en función dunha data que todos/as deberíamos coñecer xa.
O mesmo ocorre co resto de procesos, tanto de escalas como de corpos especiais e de persoal laboral, tanto na promoción interna como no acceso libre. Non se pode presumir de Administración moderna e eficaz, e de que se respectan os dereitos de conciliación e ter a miles de persoas consumindo o seu tempo e os seus cartos sen darlles resposta.
A maiores diso tamén preguntamos polo misterio dos listados de aprobados desaparecidos. Hai meses desapareceron da páxina de Función Pública os listados coas notas dos primeiros exercicios da promoción interna anterior (OEP 2012). Solicitamos que se colgue de novo a infomación e que en ocasións vindeiras non se retire nada da páxina, e máis cando por seguridade xurídica os opositores deberían coñecer en todo o momento as notas de todo aquel que teña superado os exames e teña a exención para non realizar os exames.
- Detalles
Poucos avances nunha RPT que amortiza máis de 180 postos de traballo esenciais para a calidade e mantemento do servizo publico, coa escusa de que “están sen ocupar”, para crear postos en xefaturas.
Este 7 de maio tivemos coa Secretaria Xeral Técnica de Medio Rural unha segunda xuntanza para tratar a súa RPT na que destacamos poucos avances e que a escasa documentación que aportaron estaba de novo errada (desta vez so presentaron memoria económica e ampliaron un pouco a memoria xustificativa). Así a CIG solicitamos outra xuntanza e que non liquidaran xa a RPT sen ao menos ter que xustificar e explicar os recortes.
Non queda outra que reiterarnos nas numerosas alegacións presentadas e insistimos no despropósito que supón amortizar postos de servizo para crear postos de estrutura. Denunciamos que se negan a deixar de amortizar os postos nas oficinas agrarias e xustifican con que están a “facer un estudo das oficinas” e que “as deixan” para unha segunda modificación da RPT. Logo, porque amortizan postos se sabemos que non van ter presuposto para crear?
- Detalles
A CIG convoca ao Persoal Laboral da Xunta de Galiza a asistir á asamblea informativa que terá lugar o vindeiro mércores, día 15 de maio, ás 10:00 horas (en quenda de mañá) ou ás 17:00 horas (en quenda de tarde), na sala de actos do Edificio Administrativo da Xunta en Vigo, onde falaremos dos seguintes asuntos:
Orde do día
- Acordo de concertación social da Xunta de Galiza
- Carreira profesional
- Funcionarización
- Orzamentos-retribucións
- Procesos selectivos: consolidación e estabilización
- Varios
Lugar: Sala de actos do Edificio Administrativo da Xunta en Vigo
Día: Mércores 15 de maio
Hora: Ás 10:00 horas e ás 17:00 horas.
- Detalles
O venres 10 de maio (pasadas as 14h), recibimos o borrador do decreto de funcionarización do persoal laboral fixo. Descargar.
Temos de prazo para presentar alegacións ata o luns 20. Se queres, podes contactar coa CIG.
Para variar, CCOO e UGT tiveron o borrador nas súas mans uns cantos días antes que a CIG.
- Detalles
O recorte ese ano ascendeu a un total de 7.136.392€, o que supuxo a práctica liquidación deste Fondo. Desde 2011 o persoal da Xunta leva perdidos máis de 57 millóns de euros de masa salarial. O FAS fica reducido a unha única axuda, e este goberno non ten intención de devolvérnolo. Anuncian a publicación a finais de maio.
O xoves 09/05/2019 tivemos unha reunión os sindicatos con representación na Mesa Xeral cos representes da Xunta de Galiza por o mal chamado Fondo de Acción Social (FAS), que fica relegado só a axuda para atención de persoas con discapacidade. Nesta reunión a CIG plantexou o siguinte:
A proposta de criterios de reparto do FAS 2018 presentada pola Dirección Xeral de Función Pública é a novena repetición do que foi a práctica desarticulación do FAS do ano 2011. Naquela convocatoria a Xunta golpeou ao persoal da administración autonómica co recorte de 7.136.392€, liquidando o Fondo e limitando as axudas a unha única modalidade, a de atención a persoas con discapacidade. Desde aquel ano o persoal da Xunta leva perdidos máis de 57 millóns de euros de masa salarial.
