Inicio
Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre

A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a sociedade e ao persoal de extinción en risco.

O persoal do Servizo de Incendios de Galiza está a facer máis do que a ...


Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga de lumes e co persoal do dispositivo de incendios

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano.

Un total de 29 localidades de todo o país acolleron o 21 de agosto mobilizacións multitudinarias convocadas pola plataforma "Por un monte galego con futuro" para rexeitar a política forestal do PP, que queima os nosos ...


Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h

A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como recolle o lema escollido para as protestas, “queima os nosos montes e as nosas casas”. A CIG, que fai parte da ...


Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención.

Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir.

Temos datos de chamamentos en referencia ao aviso das coberturas que se van realizar, pero non sabemos cal é o criterio de cobertura, ...


Xoves, 14 Agosto 2025

A CIG e os outros sindicatos esiximos solucións aos problemas das gardas e seguridade dos axentes ambientais de Patrimonio Natural

E solicitamos ter unha reunión, en canto remate a vaga de lumes, coa Consellería de Medio Ambiente e Cambio Climático.

No día de onte, 13 de agosto de 2025, enviouse comunicación aos axentes ambientais do Servizo de Patrimonio Natural das catro provincias galegas de que acudiran a apoiar nos incendios forestais. Esta comunicación foi feita principalmente por wassapp e por emisora, sen facer referencia a ningunha instrución ou indicación de actuación ou seguridade.

O persoal da provincia ...


Xoves, 14 Agosto 2025

Arde Galiza e evidéncianse os problemas na xestión do servizo de incendios: accidentes e graves situacións de risco

Aínda non chegamos a segunda quincena de agosto e as previsións cúmprense antes de tempo. Estamos tendo unha campaña de verán de lumes durísima, altamente perigosa e con milleiros de hectáreas queimadas. Máis os expertos anuncian que o peor virá nas próximas xornadas con Grandes Incendios Forestais (GIF) e condicións de alto risco para a cidadanía e para as bombeiras e bombeiros, axentes forestais e o resto do persoal que traballa na primeira liña do lume. Nestes días xa estamos a sufrir ...


Martes, 05 Agosto 2025

A traxedia de O Porriño pon o foco na Xunta para garantir a seguridade das traballadoras/os e usuarias/os

Melloras necesarias nas residencias da Xunta, garantindo a seguridade do persoal traballador e das persoas usuarias.A tráxica morte de Teresa de Jesús González, profesional do Servizo de Atención no Fogar (SAF), non só puxo de manifesto a necesidade urxente de abordar o acoso laboral, senón que tamén fixo saltar as alarmas sobre a seguridade nas residencias da Xunta de Galiza.

O suceso subliña unha preocupación fundamental xa presente entre as e os profesionais do sector: a problemática de ...


Luns, 04 Agosto 2025

Directora da EGAP no Consello Reitor: que fastío!

Como un cura que sermona á freguesía durante unha hora, así actúa a directora da EGAP nos consellos reitores. E como un cura iracundo coas ovellas descarriladas, deste xeito se comporta a directora coa representante da CIG por non darlle xabón e levármoslle a contraria.

O mércores 30 de xullo tivo lugar unha xuntanza do órgano de goberno da EGAP, o Consello Reitor. Que fastío, que mallada nos deu a directora do ente. Que paciencia ten o conselleiro de Facenda, varias directoras e ...


Xoves, 31 Xullo 2025

Privatización do servizo de vixilancia de explotación de estradas

O pasado 10 de xuño, a Axencia Galega de Infraestruturas (AXI) publicou na páxina de Contratos Públicos de Galiza a documentación relativa á contratación da conservación ordinaria e vialidade invernal das estradas dependentes da Xunta de Galicia. Nos pregos desta licitación figuran os requisitos e tipo de persoal con dedicación exclusiva que deben contratar as empresas adxudicatarias do contrato.

A vixilancia de conservación xa ven sendo realizada dende fai anos polas empresas ...


Mércores, 30 Xullo 2025

A CIG pide a retirada da denominación sexista «Valedor do Pobo» da fachada do edificio da institución

A entidade está a negociar cos sindicatos o seu I Plan de Igualdade, que chega 18 anos tarde ―contando con que a súa aprobación sexa en 2025

A pesar de que dispoñemos cada vez de máis lexislación no eido da igualdade, o seu incumprimento é sistemático por parte das administracións, sen que teña consecuencias que as disuadan do contrario.

A lexislación obriga ás administracións públicas a dotarse de plans de igualdade dende o ano 2007, sen importar o número de persoas traballadoras que ...


Luns, 28 Xullo 2025

Caos nas probas visuais da Consellería do Medio Rural

Tras dous anos agardando pola creación das listas de escalas de persoal funcionario do Servizo de Prevención e Incendios Forestais (SPIF), fixeron unha apertura extraordinaria destas listas en xaneiro, seica pola urxencia, pero as probas non as fixeron ata a semana pasada, en plena campaña de alto risco.

Na proba visual, realizada na EGAP o 23 de xullo, houbo unha descoordinación tal que provocou atrasos nas mesmas de ata tres horas e media, e incluso que aspirantes marcharan sen ter ...



“Estamos pasando de súpeto á preautonomía”, afirmou Alexandre Banhos, representante da CIG-Autonómica no Consello Reitor da EGAP, quen denunciou, en comparecencia de prensa xunto ao responsábel da CIG-Autonómica, Manuel Gallardo Canitrot, o incumprimento da normativa lingüística na administración galega. Banhos destacou que dende a chegada do PP á Xunta de Galiza se ten retrocedido “de golpe” 27 anos en materia de normalización, de xeito que as comunicacións internas volveron recuperar o formato das dúas columnas: español e galego. “As comunicación dentro da administración fanse no bilingüismo preautonómico, baixo a escusa de que tanto español como galego son linguas oficiais”.

Non obstante, explicou, segundo o regulamento da administración, esta deberá usar normalmente a lingua galega, tanto para as comunicacións internas como coa cidadanía. Punto que claramente non se está a cumprir.

Ataques continuados

Pola súa banda, Canitrot criticou o “ataque continuo” do goberno do PP á lingua galega, que baixo a escusa de que o español está discriminado dedícase a atacar ao galego, e a incumprir a lexislación a respecto da obriga de atender aos administrados/as na súa propia lingua.

Canitrot lembrou que o Estatuto de Autonomía recolle que a lingua propia da Galiza é o galego, aínda que o castelán teña tamén rango de oficialidade. Porén, criticou, “o goberno do PP está a potenciar que ocorra o contrario: converter ao español na lingua propia da Galiza”.

Neste senso, advertiu que, lonxe de ter avanzado dende a aprobación do Estatuto en 1981, esta norma recolle máis dereitos lingüísticos que os que podemos exercer neste momento. Por iso, exixiu á Xunta que defenda o dereito de toda a cidadanía deste País a vivir en galego.

O discurso da imposición

Alexandre Banhos criticou o discurso manexado polo PP a respecto da suposta imposición do galego, discurso cuxa primeira medida efectiva se ten plasmado precisamente na modificación do artigo 35 da Lei da Función Pública, que bateu un marca histórico na súa tramitación lexislativa. “A imposición da que falan limitábase a que unha das probas de acceso se tiña que realizar en galego”, lembrou.

Esta modificación, apuntou Banhos, o que permite é que os empregados/as públicos poidan actuar en todo momento como cidadáns, de xeito que os administrados perden os seus dereitos a seren atendidos na súa propia lingua. “Agora son os cidadáns os que se teñen que adaptar ao que a administración impón, impedíndoselles exercer os seus dereitos”. A este respecto lembrou que o Consello de Europa xa ten emitido dous informes nos que se advirte que no noso País non se respectan os dereitos lingüísticos. “É moi fácil vivir en castelán na Galiza, pero é case imposíbel facelo en galego sen atoparse con moitas complicacións”, apuntou.

Esta cambio na política lingüística provoca que o galego vaia en paralelo ao castelán, trasladando a idea de que é desnecesario e polo tanto inútil. “Cando a alguén lle din que o galego non é necesario estanlle restando ao plusvalor que representa esa lingua”, lamentou.

Os cursos da EGAP, en castelán

O representante da CIG-Autonómica criticou que os últimos cursos presentados pola Escola Galega de Administración Pública se fagan en castelán, logo de que o conselleiro de Presidencia, Alfonso Rueda, afirmase que a formación dende a EGAP se ten que realizar en bilingüe, “porque nós non imos discriminar a ninguén por razón de lingua”.

Así os temarios dos cursos e a súa ensinanza estase desenvolvendo en español, de xeito que aos/ás empregados/as non se lles vai impartir formación que os capacite para atender debidamente aos administrados/as en galego.

Alexandre Banhos indicou que estas políticas representaría a un grupo que defende posicionamentos lingüísticos extremadamente minoritarios, pero que contan cunha grande influencia. Neste punto sentenciou que  “quen non defende a lingua está incapacitado para defender o noso país en calquera outro punto”.