- Detalles
As persoas mutualistas de MUFACE xubiladas, viúvas ou horfas teñen ata o 30 de setembro para solicitar as axudas ao copago farmaceutico. Como novidade ampliase a cuantía mínima de 10 a 50 euros e o límite máximo de renda que agora será de 15.000 euros. As axudas para o 2019 publicaronse no BOE do 21 de xuño e se aplican xa dende o 1 de xullo.
O modelo de solicitude podes descargalo aquí
Podes consultar a resolución completa das axudas de MUFACE nesta ligazón.
- Detalles
Dende a CIG vimos de rexistrar escrito para que a Xunta de Galiza execute as recomendacións técnicas do grupo de expertos de apoio á comisión do Parlamento de Galiza sobre incendios forestais, que suporía o pago pola súa parte da cotización adicional regulamentada para que se apliquen os coeficientes redutores aos bombeiros forestais do SPIF.
Nos últimos anos adicamos moito esforzo á consecución do recoñecemento da categoría profesional 5932 Bombeiro forestal. Isto non foi casualidade, nós sempre fomos conscientes da importancia que este feito tiña e podía ter para o futuro do persoal do SPIF. Unha vez que se acadou este recoñecemento no ano 2016 e incorporada xa a nova categoría á RPT da Consellería do Medio Rural, seguimos a traballar para que se desenvolvan os beneficios do recoñecemento desta categoría profesional.
- Detalles
A CIG-Autonómica solicitamos nun escrito dirixido á Consellería de Medio Rural que incorpore ao sistema formativo a cualificación profesional SEA 596_3 de grao superior xa que unha porcentaxe elevada do persoal superou o grao medio.
Con esta solicitude continuamos o traballo para a imprantación do nivel medio de formación que esta avalado polas recomendacións técnicas do "Grupo de expertos de apoio á comisión do Parlamento de Galiza sobre incendios forestais".
Así a CIG aposta pola formación como un dos elementos fundamentais da profesionalización do servizo de incendios, atendendo ao seguinte:
- Detalles
A Xunta de Galiza ten obriga por lei de negociar cos sindicatos as condicións laborais do persoal empregado público, e sen sentar coa representación legal dos e das traballadores e traballadoras non pode aprobar cuestións que repercutan nesas condicións. Agora ben, parella a esta obriga, a Xunta pode adoptar unha boa fe negocial, ou pode facer que fai unha negociación, fixando xuntanzas para poder afirmar simplemente que as houbo.
Si, efectivamente... Trátase desa segunda opción: as consellarías e Función Pública actúan por sistema con mala fe negocial, empregando como a mellor ferramenta a vulneración do dereito á información dos representantes legais do seu persoal. Até aí algo que calquera pode comprobar cando senta nunha reunión a pedimento de Función Pública e as consellarías para modificar, por exemplo, unha RPT. O habitual é que as consellarías entreguen aos sindicatos a documentación para as cuestións a tratar nas reunións tarde, mal, e a rastro... e iso cando as entregan, porque o normal é que falte moi boa parte da documentación e dos datos imprescindíbeis, e que a que se facilita veña inzada de erros. Se se entrega a documentación -centos de páxinas- será como moito o día antes da xuntanza, ou no mesmo día da xuntanza fixada pola consellaría mentres se está a negociar o asunto..., sen tempo para que os e as representantes sindicais poidan valorala e nin tan sequera vela antes.
Tanto se teñen entre mans a manida amortización de postos de categoría inferior para crear, iso si, postos de categoría superior; como a creación dun posto de xefe dun departamento caído do ceo do que ninguén, agás a consellaría responsábel, sabe que existe; ou ben a creación dun posto por cumprimento dunha sentenza xudicial, despois de varios anos de ordes de execución de sentenza simplemente ignoradas unha detrás doutra pola Xunta..., sempre brilla, por suposto, o superhalo de superioridade das consellarías, e é estelar a prepotiencia de quen se anticipa á impunidade en cada paso que dá cando senta nunha mesa de negociación, sabendo que é a norma marear ao persoal con papelame, como excusa para poder dicir que houbo "negociación sindical". O que hai, nembargantes, é un alto e claro "eu son dono/a e señor/a, dou acceso á información que me peta, e vou aprobar o que sexa tendo en contra o resto do universo -isto tanto me ten..."
En fin, benqueridas consellarías e Función Pública, sabemos o que fixéstedes o último verán, e o anterior, e o outro.
Que saibas, Consellaría de Economía, Emprego e Industria, e ti tamén GAIN, que entramos a ver que se coce e como se coce nas vosas cociñas: acordos nas mesas xerais, nas comisións de persoal para aprobar modificacións de RPTs, que logo levades a aprobar ao Consello da Xunta na data que mellor vos convén, Consello do que logo publicades a resolución do acordo que aproba as modificacións de RPTs tamén cando a vós vos vaia mellor, non sen antes, para o coñecemento dos sindicatos, publicar os decretos de estrutura que fagan falta para esa modificación de RPT que xa aprobástedes hai meses como Deus/a/es do Olimpo que sodes, que nada pode deixarse ao azar... Sabemos que tendes o detalle de publicar un pouco antes o decreto de estrutura no DOG que tiñades que terlles facilitado aos sindicatos meses antes na reunión, e logo deixades correr uns poucos días máis, entre resolucións e aprobacións de acordos, e finalmente xa podedes publicar a bombo e platillo a nova RPT que tanto vos gusta. Que listos/as sodes e que manexo de datas e tempos! Que excelencia negocial!
- Detalles
O día 5 de agosto de 2019 os delegados da CIG acompañamos ao Servizo de Prevención de Riscos Laborais na visita para realización da avaliación de riscos laborais do centro de traballo da Xefatura territorial de Medio Rural en Ourense.
A maioría do persoal está de vacacións polo que non é posible realizar unha correcta identificación de riscos laborais no que participe o persoal de traballador nin se recollen as enquisas suficientes para que sexan representativas.
- Detalles
O día 12 de agosto de 2019 os delegados da CIG acompañamos ao Servizo de Prevención de Riscos Laborais na visita para realización da avaliación de riscos laborais do centro de traballo da Xefatura territorial de Sanidade en Avda. de Zamora, 13, Ourense. A maioría do persoal está de vacacións polo que non é posible realizar unha correcta identificación de riscos laborais no que participe o persoal de traballador nin se recollen as enquisas suficientes para que sexan representativas.
- Detalles
Esiximos que se garanta o pago de soldos e carreira profesional a todo o persoal da Xunta
Ante as declaracións do conselleiro de Facenda nas que alertaba de supostas dificultades para afrontar o pago dos salarios persoal da administración xeral da Xunta derivadas da débeda estatal con Galiza, dende o sector de Autonómica da CIG-Administración instámolo a non empregar os servizos públicos nin ao seu persoal “para chantaxes políticas”, ao tempo que esiximos que se garanta o pago de todos os soldos e incrementos salariais.
Remitimos un escrito reclamando información tanto da Consellería como da Dirección Xeral da Función Pública para ver que hai de certo nesas informacións, xa que a día de hoxe non temos ningunha comunicación a pesar de que tivemos Mesa Xeral de Empregados/as Públicos/as e Comisión de Persoal os días 1 e 2 de agosto.
Denunciamos a “chantaxe velada” que supón, por parte do conselleiro de Facenda e do Vicepresidente da Xunta, un ataque de forma directa aos salarios do persoal empregado público para presionar politicamente na formación de goberno no Estado español.
- Detalles
A sección sindical da CIG do persoal laboral da Consellaría de Política Social na provincia da Coruña vén de reclamar por escrito que as inspeccións anunciadas pola conselleira, Fabiola García, nos centros residenciais para persoas maiores se leven a cabo nos festivos do 15 e 16 de agosto e 2019, cando menos nos dependentes da xefatura territorial da Coruña.
Vai rematar o verán e as inspeccións anunciadas “a bombo e platillo” aínda non se realizaron, polo que está sen verificar o cumprimento das ratios de persoal e a ocupación máxima destes centros.
- Detalles
A CIG vén de rexistrar escrito perante a Secretaría Xeral Técnica de Medio Rural esixindo documentación da contrata con TRAGSA referente aos materiais e vehículos das novas brigadas do Servizo de Prevención contra Incendios Forestais (SPIF).
Logo da recente incorporación do persoal de brigadas no SPIF, de nova contratación, coñecemos algúns datos unha vez os tivemos diante dos nosos ollos, diante da total opacidade e descontrol en todos os eidos que nos brindou a Consellería do Medio Rural nestas últimas semanas.
Até o de agora, no que aos materiais e vehículos para o SPIF se refire, dende a Secretaría Xeral Técnica do Medio Rural escolléranse procedementos abertos onde alomenos coñeciamos as condicións técnicas dos materiais e vehículos que se esixían.
Desta vez para esquivar as mínimas garantías, a Consellería decantouse por utilizar un subterfuxio legal e acolleuse un artigo da lei 9/2017 de contratos do sector público que habilita este tipo de encomendas a empresas que teñen consideración de medio propio -como neste caso TRAGSA-, tal e como recolle a orde de execución de encargo asinada pola Secretaría Xeral Técnica con data de 20 de maio de 2019.
- Detalles
A Xunta resposta á presión e abre unha mesa de negociación de traballo do persoal técnico dos distritros forestais sen Función Pública. A Consellería de Medio Rural convocou cos representantes sindicais o venres 9 de agosto de 2019 á Mesa de negociación demandada dende maio de 2018 e logo de varias mobilizacións do persoal.
As organizacións sindicais levamos á mesa as demandas dos enxeñeiros técnicos forestais e enxeñeiros de montes, que traballan na coordinación e xestión forestas e das emerxencias por incendios nos 19 distritos forestais sen que a administración fose capaz de presentar ningunha proposta.
Cun acordo de condicións de traballo de 2008 desfasado polos cambios na consellería, cambios no réxime de prestación de servizos e distribución de persoal ao cargo e condicións de xestión do monte e bioclimáticas actuais, para a CIG é vital chegar a un novo acordo que regule as condicións de traballo para o que compre ao menos:
