- Detalles
Opacidade e presións ao persoal funcionario para a autorización de Altri
Malia o forte clamor de toda Galiza e a enorme presión social e política contra a instalación da pasteira de Altri ―proxecto Gama―, a Xunta do PP teima en seguir adiante co proxecto da pasteira na Ulloa.
Na busca de calquera argumento que xustifique o «si» que xa lle teñen dado publicamente á instalación da pasteira, desta volta centran o seu discurso no persoal funcionario que ten que elaborar os informes e tramitar os procedementos das diferentes autorizacións. Moi ao seu pesar, a cuestión técnica depende do persoal funcionario, quen hoxe ten que traballar con informes que realiza a propia empresa. A presión exercida sobre este persoal está a ser bestial. Falamos de compañeiros e compañeiras funcionarias públicas de diferentes departamentos que se negaron a sacar adiante as autorizacións pola información parcial e sesgada que dá Altri para o seu proxecto. A Xunta tivo que recorrer ás persoas que ocupan postos directivos de libre designación para a asinar os informes.
Augas de Galiza autorizou?
Responsables da Xunta manifestaron publicamente ter a autorización de Augas de Galiza para a retirada de 46.000 m³/día de auga e a posterior vertedura ao río Ulla, mais o certo é que nin a sección de Lugo o tramitou, nin en Servizos Centrais consta que asinaran ditas autorizacións as persoas funcionarias ás que lles correspondería. Sabemos que nin a Área de Calidade de Augas, nin a Sección de Residuos traballaron no proceso de autorización.
Todo indica, segundo as informacións das que dispoñemos, que foi o comisario de Augas, un posto de libre designación, quen validou o informe que lle preparou a propia empresa, sen que nos conste hoxe que estea resolto o expediente. Dados os milleiros de ollos que están postos na parte máis polémica da instalación dunha megapasteira na Ulloa, parécenos raro raro que se atrevan a facelo tan mal.
Dende a CIG non imos permitir que as propias persoas responsables da Administración acosen e ameacen ao persoal funcionario, e tampouco que se secuestren as súas funcións, cumpridas con neutralidade e obxectividade, para outorgárllelas a persoas designadas politicamente e que obvian os criterios técnicos.
- Detalles
O anuncio foi feito no transcurso da Mesa Xeral de Persoal Empregado Público de hoxe ás 12 horas.
A preguntas da CIG sobre a posta en marcha das UICON (Unidades de Intervención de Conservación da Natureza), a vicesecretaria xeral da Consellaría de Medio Ambiente e Cambio Climático adiantou que para a vindeira semana convocará ás centrais sindicais para unha modificación de RPT co obxectivo de poñer a andar estas unidades.
Recordemos que a creación das UICON negociámola hai un ano, polo que xa non é sen tempo a súa posta en funcionamento.
- Detalles
No DOG do 14/02/2025 publican:
1. Transformación de oficio de listas de categorías profesionais equivalentes:
- C1 20D5 Corpo de técnicos de carácter facultativo, escala de axentes técnicos facultativos, especialidade animación sociocultural
- C1 209H Corpo de axudantes de carácter facultativo, escala técnica de condución
- C2 207Y Corpo de auxiliares de carácter técnico, escala auxiliar de coidadores
- C2 208Q Corpo de auxiliares de carácter técnico, escala auxiliar de condución
- C2 209M Corpo de auxiliares de carácter técnico, escala auxiliar de arquivos, bibliotecas e museos, especialidade arquivos e bibliotecas
- C2 209N Corpo de auxiliares de carácter técnico, escala auxiliar de arquivos, bibliotecas e museos, especialidade museos
A relación provisional de persoas excluídas poderá consultarse no portal web corporativo da Xunta de Galiza, https://funcionpublica.xunta.gal, epígrafe e no Servizo de Atención e Información á Cidadanía a través do teléfono 012. As persoas interesadas disporán dun prazo de dez días hábiles, contados a partir do día seguinte ao da publicación desta resolución no Diario Oficial de Galiza, para presentar reclamacións ante a Comisión Permanente (Dirección Xeral de Emprego Público e Administración de Persoal, Consellaría de Facenda e Administración Pública, Edificio Administrativo San Caetano, s/n, Santiago de Compostela).
2. Apertura dun prazo de presentación de solicitudes para a elaboración da lista única para a cobertura con carácter transitorio de prazas reservadas a persoal funcionario exclusivamente para as persoas integrantes das listas de contratación temporal de categorías profesionais laborais equivalentes (o prazo para a presentación de instancias será de dez días hábiles, que se contarán a partir do día seguinte ao da publicación desta resolución no Diario Oficial de Galiza):
- corpo facultativo de grao medio de Administración especial da Administración xeral da Comunidade Autónoma de Galiza, escala de técnicos facultativos, especialidade de educador infantil (subgrupo A2)
- axudantes de carácter facultativo de Administración especial da Administración xeral da Comunidade Autónoma de Galiza, escala técnica de recursos naturais e forestais, especialidade capataz (subgrupo C1)
- corpo de administrativo da Administración xeral da Comunidade Autónoma de Galiza, escala de axentes de inspección, especialidade de vixilancia de estradas (subgrupo C1)
- corpo de axudantes de carácter facultativo de Administración especial da Administración xeral da Comunidade Autónoma de Galiza, escala técnica de cociña (subgrupo C1)
- corpo administrativo da Administración xeral da Comunidade Autónoma de Galiza, escala de axentes de inspección, especialidade de mobilidade (subgrupo C1)
- corpo de axudantes de carácter facultativo de Administración especial da Administración xeral da Comunidade Autónoma de Galiza, escala técnica de análises de laboratorio (subgrupo C1)
- corpo de axudantes de carácter facultativo de Administración especial da Administración xeral da Comunidade Autónoma de Galiza, escala técnica de mantemento de servizos, subgrupo C1
- corpo de auxiliares de carácter técnico de Administración especial da Administración xeral da Comunidade Autónoma de Galiza, escala de gardas de recursos naturais (subgrupo C2)
- corpo de auxiliares de carácter técnico de Administración especial da Administración xeral da Comunidade Autónoma de Galiza, escala auxiliar de mantemento (subgrupo C2)
- corpo de auxiliares de carácter técnico de Administración especial da Administración xeral da Comunidade Autónoma de Galiza, escala auxiliar de recursos naturais e forestais (subgrupo C2)
- corpo de auxiliares de carácter técnico de Administración especial da Administración xeral da Comunidade Autónoma de Galiza, escala auxiliar de cociña (subgrupo C2)
- o corpo de auxiliares de carácter técnico de Administración especial da Administración xeral da Comunidade Autónoma de Galiza, escala auxiliar de laboratorio (subgrupo C2)
As persoas interesadas en formar parte das listas únicas deberán presentar instancia que se presentará preferentemente por vía electrónica, a través do formulario normalizado contido no anexo I da Orde do 22 de febreiro de 2021 (DOG núm. 39, do 26 de febreiro) (código de procedemento AP522T), accesible, así mesmo, na sede electrónica da Xunta de Galicia, https://sede.xunta.gal
Para a presentación electrónica das solicitudes utilizarase a aplicación FIDES e poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede. xunta.gal/chave365).
Opcionalmente, poderán presentarse as solicitudes presencialmente en calquera dos lugares e dos rexistros establecidos no artigo 16.4 da Lei 39/2015, do 1 de outubro, do procedemento administrativo común das administracións públicas.
As instancias dirixiranse á Dirección Xeral de Emprego Público e Administración de Persoal da Consellería de Facenda e Administración Pública.
- Detalles
Nos últimos meses a CIG alertou polo xeito de proceder da EGAP e da AGASP no referente á formación dos empregados e empregadas públicas, coa colaboración e complicidade das consellerías.
Centrándonos na EGAP, as nosas queixas e denuncias van encamiñadas, entre outras cuestións, á inexistencia de criterios e transparencia na escolla de docentes, coordinadores/as e demais figuras precisas para a organización da formación do persoal empregado público.
Formación impartida e concursos específicos
O pasado mes de xaneiro a Dirección Xeral de Emprego Público remitiunos unha proposta de resolución para a publicación dunhas bases marco para as convocatorias das prazas de concurso específico das distintas consellarías. A nosa sorpresa foi cando vemos que a Consellaría de Facenda quérelle puntuar a formación que impartiron a través da EGAP aos/ás participantes nesas convocatorias específicas. Este comportamento, dende a CIG, parécenos intolerábel, e opoñémonos de maneira enérxica e rotunda.
Na xuntanza que vimos de ter os sindicatos coa EGAP o 6 de febreiro, a CIG volveu pedir transparencia e acceso público ao Rexistro de Formadores/as da EGAP. A directora da Escola respondeunos que o rexistro é «amplísimo», pero non considera necesaria a aplicación de ningún principio de transparencia nin publicidade para cumprir co obxectivo dunha formación actualizada e de calidade; unha opinión que é xusto a contraria da que temos na CIG.
Lamentamos que non se faga público o Rexistro de Formadores/as e tamén que non exista ningún baremo ou criterio que obedeza a uns mínimos de transparencia en materia de persoal para a escolla do persoal docente, directores/as, coordinadores/as ou calquera outra figura precisa para a organización dos cursos. Isto parécenos dunha gravidade moi grande, como acontece coas comisións de servizos, que se outorgan co coñecido método da «dedocracia» e a continuación pretenden que se lles puntúe o tempo traballado nas comisións de servizos como mérito.
Hoxe pretenden realizar estes «favoritismos» nas convocatorias dos concursos específicos, pero o máis probable é que nun futuro próximo a intención da Dirección Xeral de Emprego Público sexa a de puntuar a formación impartida como docentes ou outras figuras formativas nos concursos de traslados ordinarios, e isto prexudicaría a milleiros de empregadas e empregados públicas/os.
Resumo dalgunhas retribucións e compensacións económicas por impartir formación e prestación de servizos na EGAP
As retribucións do persoal seleccionado para impartir actuacións formativas na EGAP está regulado na Instrución sobre retribucións das colaboracións que se prestan nas actividades da Escola Galega de Administración Pública (EGAP, 6 de maio de 2022).
Rexistro de Formadores/as da EGAPRetribucións e compensacións económicas |
|||
|
DOCENTES |
|||
|
Cursos de formación |
Cursos de autoformación €/hora** |
Relatorios e conferencias |
Mesas redondas |
|
80 - 140 |
60 |
210 - 700 |
100 - 300 |
|
COORDINADORAS E COORDINADORES |
|||
|
Coordinación xeral |
Coordinación técnica |
||
|
600 |
300 - 3000 |
||
|
DIRECTORAS E DIRECTORES |
|||
|
Cursos de formación continua |
Cursos superiores, seminarios, congresos, simposios xornadas, cursos monográficos |
||
|
75 - 150 |
600 - 6000 |
||
Elaboración propia. Fonte: Instrución sobre retribucións e colaboracións (EGAP, 2022)
*«1. Modalidade presencial e telepresencial: 80€ por hora lectiva. Esta contía poderá incrementarse até 140 € por hora lectiva, en función do seu nivel de dificultade técnica, da calidade académica do docente e especialidade do curso [...]. 3. Modalidade mixta: a retribución das horas impartidas presencialmente ou telepresencialmente farase de acordo co establecido no punto 1 e a retribución das horas de teleformación segundo o establecido no apartado 2.»
**«2. Modalidade de autoformación: 60€ por hora. A estes efectos computaranse tres horas retribuídas para os cursos de até 29 horas e catro horas retribuídas para os cursos de até 50 horas.»
- Detalles
No DOG de hoxe, 13 de febreiro publícase a RESOLUCIÓN do 3 de febreiro de 2025 pola que se convocan as actividades de formación continua en materia de idiomas para o persoal ao servizo da Administración pública da Comunidade Autónoma, das entidades públicas instrumentais, da Administración institucional de Galiza, da Administración de xustiza e das entidades locais, así como para o persoal de administración e servizos (PAS) das universidades do Sistema universitario de Galiza (SUG).
Destinatarios:
- Persoal ao servizo da Administración pública da Comunidade Autónoma,
- Das entidades públicas instrumentais do artigo 45.a) da Lei 16/2010, do 17 de decembro, de organización e funcionamento da Administración xeral e do sector público autonómico de Galiza;
- Da Administración institucional de Galiza;
- Da Administración de xustiza de Galiza;
- Das entidades locais de Galiza;
- De administración e servizos (PAS) das universidades do SUG,
- Persoal empregado público da escala de saúde pública e Administración sanitaria, creada pola Lei 17/1989, que se encontre en situación de servizo activo (incluído o persoal que teña concedido un permiso por motivos de conciliación da vida persoal, familiar e laboral) e que reúna os requisitos
Exceptuados:
- Persoal docente da Consellería de Cultura, Educación, Formación Profesional e Universidades;
- Persoal das escalas dos corpos da policía de Galiza, policía local e bombeiros;
- Persoal do Servizo Galego de Saúde
As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo https://egap.xunta.gal/matricula , dende as 9.00 horas do 14 de febreiro ata as 14.00 horas do 20 de febreiro de 2025 .
As solicitudes entenderanse presentadas unha vez que se complete correctamente o proceso de matriculación.
- O número máximo de actividades formativas que se poden solicitar nesta convocatoria limítase a 3
- Cada persoa só poderá solicitar un nivel por cada idioma ofertado na modalidade de teleformación
- Non se poderá solicitar o mesmo nivel cursado na convocatoria anterior .
- Non está permitido realizar actividades de formación que teñan simultaneidade de horarios nunha ou varias sesións presenciais ou telepresenciais das actividades
- Para a actividade de linguaxe de signos será necesario dispor dun dispositivo de gravación.
- Durante o prazo de presentación de solicitudes todo o persoal que desexe solicitar algún dos niveis das actividades de lingua inglesa, francesa, alemá e portuguesa impartidas na modalidade de teleformación terá dispoñible unha proba de nivel orientativa.
Recibir información e contactar coa CIG:
CIG-Autonómica: http://i.gal/contactarcig
http://t.me/cigautonomica @CIGAutonomica
http://autonomica.cigadmon.gal CIG Autonomica
- Detalles
Información remitida pola Comisión Permanente, en relación á funcionarización das listas que está previsto que publiquen no DOG o venres 14 de febreiro.
1º) Listas que se van a transformar de oficio, ao abeiro do artigo 4.2 da Orde do 20 de xullo de 2021. Publicaranse as persoas excluídas por non cumprir os requisitos das escalas e darase un prazo de alegacións de dez días hábiles :
- I-C-20D5. Corpo de técnicos de carácter facultativo da Administración especial da Administración xeral da Comunidade Autónoma de Galiza. Escala de axentes técnicos facultativos. Especialidade animación sociocultural.
- I-C-209H. Corpo de axudantes de carácter facultativo da Administración especial da Administración xeral da Comunidade Autónoma de Galiza. Escala técnica de condución.
- I-D-207Y. Corpo de auxiliares de carácter técnico da Administración especial da Administración xeral da Comunidade Autónoma de Galiza. Escala de auxiliar de coidadores.
- I-D-209M. Corpo de auxiliares de carácter técnico da Administración especial da Administración xeral da Comunidade Autónoma de Galiza. Escala auxiliar de arquivos, bibliotecas e museos. Especialidade de Arquivos e Bibliotecas.
- I-D-209N. Corpo de auxiliares de carácter técnico da Administración especial da Administración xeral da Comunidade Autónoma de Galiza. Escala auxiliar de arquivos, bibliotecas e museos. Especialidade de Museos.
- I-D-208Q. Corpo de auxiliares de carácter técnico da Administración especial da Administración xeral da Comunidade Autónoma de Galiza. Escala auxiliar de condución
2º) Listas que se van a funcionarizar presentando solicitude as persoas integrantes das listas das categorías laborais equivalentes, ao abeiro do artigo 4.1 e 7.1 da Orde do 20 de xullo de 2021 . O prazo será de dez días hábiles.
- I-B-209D. Corpo facultativo de grao medio de carácter facultativo da Administración especial da Administración xeral da Comunidade Autónoma de Galiza. Escala de axentes técnicos facultativos. Especialidade Educación Infantil.
- I-C-209O. Corpo administrativo do persoal funcionario da Administración xeral da Comunidade Autónoma de Galiza. Escala de axentes de inspección. Especialidade Vixilancia de estradas.
- I-C-209G. Corpo de axudantes de carácter facultativo a Administración especial da Administración xeral da Comunidade Autónoma de Galiza. Escala técnica de cociña.
- I-C-20B6. Corpo de axudantes de carácter facultativo a Administración especial da Administración xeral da Comunidade Autónoma de Galiza. Escala técnica de recursos naturais e forestais. Especialidade Capataz.
- I-C-209E. Corpo de axudantes de carácter facultativo da Administración especial da Administración xeral da Comunidade Autónoma de Galiza. Escala técnica de mantemento de servizos.
- I-C-208I. Corpo administrativo do persoal funcionario da Administración xeral da Comunidade Autónoma de Galiza. Escala de axentes de inspección. Especialidade Mobilidade.
- I-C-209I. Corpo de axudantes de carácter facultativo da Administración especial da Administración xeral da Comunidade Autónoma de Galiza. Escala técnica de análises de laboratorio.
- I-D-207X. Corpo de auxiliares de carácter técnico da Administración especial da Administración xeral da Comunidade Autónoma de Galiza. Escala de gardas de recursos naturais.
- I-D-207Z. Corpo de auxiliares de carácter técnico da Administración especial da Administración xeral da Comunidade Autónoma de Galiza. Escala auxiliar de cociña.
- I-D-208N. Corpo de auxiliares de carácter técnico da Administración especial da Administración xeral da Comunidade Autónoma de Galiza. Escala de auxiliar de mantemento.
- I-D-20D0. Corpo de auxiliares de carácter técnico da Administración especial da Administración xeral da Comunidade Autónoma de Galiza. Escala auxiliar de recursos naturais e forestais.
- I-D-208P.Corpo de auxiliares de carácter técnico da Administración especial da Administración xeral da Comunidade Autónoma de Galiza. Escala auxiliar de laboratorio.
- Detalles
A directora xeral de Emprego Público e Administración de Persoal (DXEP) convocounos a unha xuntanza da Mesa Xeral de Empregados Públicos (MX) e Mesa Sectorial de Persoal Funcionario (MSF) que será o venres 14/02/25, coa seguinte Orde do día:
- RPT do Instituto de Estudos do Territorio (IET).
Dous meses despois da xuntanza inicial, traen a proposta de modificación para a MX. Descargar
- RPT de Vivenda e Planificación de Infraestruturas.
A xuntanza inicial foi o 08/07/2024. CIG presentou alegacións o 16/07/2024. Sete meses despois traen o asunto á MSF. Descargar
- Detalles
Despois de meses solicitando reunirnos con Política Social para tratar os tempos de programación nas escolas infantís, acceden para que pareza que negocian, pero xa traen todo pechado.
Este venres 7 de febreiro, o Comité Intercentros reuniuse con representantes do Consorcio, da AGASS e de Política Social. O obxecto da xuntanza era a negociación dos tempos de programación perdidos hai un ano; loita na que a CIG leva dende o inicio. O que nos trasladan é un calendario escolar para o vindeiro curso 25/26 no que do 1 ao 4 de setembro non terían alumnado e o 5 de setembro sería o día de portas abertas.
Tamén indican que teñen dous días para pechar en Nadal, facendo dúas propostas, para escoller unha delas (peche o 22 e o 23 de decembro ou peche o 26 de decembro e o 2 de xaneiro). Pretenden que sexamos nós as que escollamos, e que collamos esa pequena esmola que non representa, en ningún caso, negociación da empresa cos/as representantes dos traballadores/as. De feito, tras expoñer estas cuestións, pretendían dar por finalizada a xuntanza. E logo, non era o motivo da mesma a negociación dos tempos de titorías e programación?
A resposta é que a organización deses tempos xa está decidida e que será como este curso: 3/4 días de peche anticipado (despois do xantar do alumnado) para que os equipos poidan reunirse 2 horas. Preguntamos: 6/8 horas ao curso para programación/titorías/xuntanzas de equipo? Responden: Si. Asemella unha broma, pero é real.
Tamén preguntamos se teñen claras as instrucións para realizar fóra de horario estes tempos por parte das traballadoras que xa non están na súa quenda de traballo, porque desta vez todo foi improvisado. Responden, de maneira pouco convincente, e veñen a dicir que cada quen que queira quedar... que quede, e senón que marche! Que nivel!
Dende a CIG seguiremos exixindo un ensino de calidade dende o primeiro ciclo de educación infantil!
- Detalles
Consideramos que non hai que esgotar o prazo dun ano que da lei 5/2024 tanto para o establecemento dos coeficientes redutores da xubilación anticipada como para a constitución da comisión de avaliación de enfermidades profesionais.
A CIG vén de reiterar ante o Goberno español a necesidade de avanzar no establecemento dos coeficientes redutores para a xubilación do persoal bombeiro forestal.
E ao mesmo tempo, por ter a consideración legal de organización máis representativa en base á Lei Orgánica de Liberdade Sindical, vimos de reiterar a nosa intención de formar parte da comisión para a avaliación e recoñecemento das enfermidades profesionais.
Lembramos a potestade das organizacións que ostentamos a condición de máis representativas de participar como interlocutores na determinación das condicions de traballo nas administracións públicas, porque é unha cuestión que moitas veces se está a bloquear por outros sindicatos pactistas que sacan as negociacións do marco legal de mesas de negociación para pactar pola súa conta.
E unha vez máis mostramos a nosa preocupación, polas posibles rebaixas aos dereitos da xubilación do persoal bombeiro forestal: logo de mais de 10 anos de loita polos coeficientes e por un catálogo de enfermidades profesionais que garantan unha vellez digna e saudable, non podemos permitir nin un paso atrás!
As disposicións transitorias da lei 5/2024, do 8 de novembro, básica de bombeiros forestais establecen un período dun ano para dar cumprimento as dúas peticións. Temos tempo, pero compre ir facendo o traballo e non ir aos límites legais cando a seguridade e saúde dos nosos compañeiros e compañeiras está en xogo.
- Detalles
Na Illa de Ons a Consellería de Medio Ambiente e Cambio Climático xera e distribúe electricidade de xeito irregular á veciñanza e negocios á custa da seguridade e saúde do seu persoal, pero ademais págalo ti!
O pasado mes de decembro o delegado de prevención de riscos laborais da CIG no Comité de Seguridade e Saúde Laboral (CSSL) da Consellería de Medio Ambiente e Cambio Climático (CMACC) realizou unha visita a Illa de Ons, pertencente ao Parque Nacional das Illas Atlánticas de Galiza. Os motivos son varios, pero principalmente observar de primeira man o estado das instalacións, maquinaria e demais cuestións relacionadas coa seguridade e saúde do persoal.
O aspecto que máis lle sorprendeu é o rol que asume a CMACC como empresa subministradora de electricidade para toda a Illa de Ons, onde ademais das persoas que alí viven (na illa hai aproximadamente 100 vivendas) existen varios negocios de hostalería que atenden aos milleiros de visitantes que chegan cada ano (142.000 en 2024). Esta insólita situación é sobre a que pivotan os problemas máis graves de seguridade e saúde do persoal da Xunta.
A xestión insostible no Parque Nacional
Pois, por se fora pouca a anomalía, resulta que o xeito de xerar a electricidade que utiliza a consellería abandeirada da protección ambiental na Galiza é a máis contaminante posible: baséase na utilización de equipos electróxenos con motores de explosión diésel en funcionamento 24 horas ao día e utilizando gasoleo agrícola. Equipos que por suposto non están automatizados, senón que acenden e apagan a man o persoal da consellería (axentes ambientais, vixilantes, etc.) de xeito precario e varias veces no día, unha delas na madrugada.
O manexo de combustible e equipos
As contas do 2023, que recoñeceu o propio director do Parque, falan de, non menos de 120.000 litros de gasoleo consumidos cada ano en Ons. O gasoleo chega á illa nun barco contratado que descarga habitualmente no porto da illa entre 6 e 8 depósitos de 1.000 litros, o persoal cárgaos alí e traslada con medios improvisados o combustible a grandes depósitos fixos nas instalacións, traballo indispensable para alimentar os grandes, ruidosos e contaminantes xeradores de electricidade.
Esta maquinaria e combustible son as que manexa o persoal da Xunta nunhas instalacións e condicións inaceptables, propias do século pasado. Non é de estrañar que os pequenos derrames de combustible sexan habituais no Parque Nacional, pois nen sequera se conta con balsas de retención.
Por todos estes feitos e outros incidentes informados polo persoal, a CIG solicitou a documentación pertinente ao CSSL da CMACC. Unha vez revisada a información achegada podemos concluír:
- As instalacións non constan dadas de alta en industria como é preceptivo dado o tipo e volume de combustible e a gran potencia dos equipos.
- Non constan os preceptivos proxectos de instalación de depósitos nin de equipos electróxenos.
- Non constan empresas certificadas que realicen as operacións de instalación, revisión e mantemento obrigatorias que garantan o correcto estado das instalacións existentes.
- Non existe persoal especializado ao cargo dos equipos.
- Non consta informe das persoas responsables das incidencias e problemáticas.
Pero a cousa non queda aquí, pois ao indagar na contratación da subministración de combustible (lembremos que o consumo ordinario supera 120.000 litros/ano) non atopamos ese contrato no portal de transparencia da Xunta de Galiza. Cabe ter en conta tamén que as contratacións do transporte marítimo tampouco aparecen no portal, pese a ser un destacado gasto de cartos públicos de carácter ordinario no Parque Nacional.
Inocentes, inocentes!
Estes grandes números enténdense porque a CMACC, non soamente atende ao servizo das súas instalacións e servizos, produce e distribúe irregularmente enerxía para toda a poboación da illa e aos prósperos negocios de hostelaría que teñen alí a súa actividade. Por suposto un servizo en precario de apenas 10 h/día e sen garantías de calidade para as persoas usuarias, que como é normal non pagan o servizo. Non hai que esquecer que a “empresa subministradora” é a consellería e por suposto a “broma” a mantemos economicamente entre todos/as os/as contribuíntes.
O buque sen goberno! E agora que!
Pero, con todo, o que alí acontece dende fai máis de 20 anos ten un efecto intolerable na seguridade e saúde do persoal. Teñen que asumir riscos imposibles froito da irresponsabilidade dos xestores do Parque Nacional. O director, nos 20 anos que leva no cargo, apostou decididamente por unha xestión medioambientalmente insostible e irresponsable caracterizada pola improvisación. É evidente o desprezo á seguridade e saúde dos/as seus compañeiros/as, pois as medidas que agora esiximos con urxencia xa se contemplaban nas avaliacións de riscos e plans de acción que ten no caixón dende 2017.
A CIG esixe, ben sexa á CMACC ou á propia Presidencia da Xunta de Galiza, que asuman a responsabilidade dos feitos que temos comprobado e inicien de inmediato as medidas obrigadas para solucionar a situación. Non é aceptable seguir con esta xestión propia do “exército de Pancho Villa”.
