- Detalles
No DOG do 01/02/2024 publican a RESOLUCIÓN do 11 de xaneiro de 2024, da Secretaría Xeral Técnica da Vicepresidencia Primeira e Consellaría de Presidencia, Xustiza e Deportes, pola que se dá publicidade á campaña da vixilancia periódica da saúde para o ano 2024 no ámbito da Administración xeral da Xunta de Galiza.
É aplicable a todos/as os/as traballadores/as da Administración xeral da Xunta de Galiza, agás o persoal que presta servizos nos centros docentes da Consallería de Cultura, Educación, Formación Profesional e Universidades; ao persoal dos centros dependentes do Servizo Galego de Saúde e ao persoal de entes públicos e fundacións.
A inscrición previa realizarase de forma telemática no formulario de petición de recoñecemento, que está dispoñible no Portax (Portal do empregado público da Xunta de Galiza) ou do Opax (Oficina Virtual do Persoal da Administración de Xustiza).
O prazo de inscrición rematará transcorridos 4 meses contados a partir do día seguinte ao da publicación da resolución no DOG, agás para o persoal de nova incorporación, o persoal que se incorpore ao traballo tras unha ausencia prolongada por motivos de saúde e o persoal que durante o prazo de solicitude estea gozando das vacacións. Nestes supostos deberá presentarse a debida xustificación ante o Servizo de Prevención de Riscos Laborais.
- Detalles
A Administración enviounos unha proposta de Acordo de condicións de traballo (parcial) para o persoal bombeiro forestal funcionario do SPIF da consellería do Medio Rural. Ás portas das eleccións autonómicas entroulles a présa e teñen pretensión de rematar a negociación e aprobar a proposta nestes días. Descarga a proposta
Ante a necesidade urxente de tratar as cuestións descritas nesta proposta co persoal afectado, a CIG convoca unha asemblea telemática para podermos valorar a proposta todas e todos xuntos.
A asemblea comezará ás 18:00 h do mércores 31 de xaneiro, dende a seguinte ligazón:
https://forga.my.webex.com/forga.my/j.php?MTID=m26ea99a17f7c834e549e78e4d9193638
Número de reunión: 2363 985 5882
Contrasinal: 573Eu
Para asegurar a participación con respecto e responsabilidade de todos e todas, temos que seguir unhas normas básicas na videoconferencia.
- Identifícate co nome e o distrito, e procurar manter a cámara acesa
- Solicita a palabra para intervir
- Mantén o micro apagado cando non esteas no uso da palabra
- Respecta o uso da palabra e as opinión dos compañeiros e compañeiras
- Non graves nin deites os comentarios fóra da plataforma, respectar a intimidade e a liberdade de expresión
Se tes calquera problema ou cuestión sobre a conexión, non dubides en contactar cos delegados/as da CIG. Tamén temos ao teu dispor os locais da CIG para realizar a conexión.
- Detalles
No DOG do 30/01/2024 publican a RESOLUCIÓN do 22 de xaneiro de 2024, da Dirección Xeral da Función Pública, pola que se fan públicas as listas definitivas para o desempeño transitorio de prazas reservadas a persoal funcionario e a contratación temporal de persoal laboral da Xunta de Galiza.
Fan públicas as listas definitivas para o desempeño transitorio de prazas reservadas a persoal funcionario dos corpos, escalas e especialidades que se relacionan no anexo I desta resolución, así como para o desempeño transitorio de postos reservados a persoal laboral dos grupos e categorías que se relacionan no anexo II.
As listas poderán consultarse no portal web corporativo da Xunta de Galiza http://funcionpublica.xunta.gal, epígrafe de listas de contratación e no Servizo de Atención e Información á cidadanía, a través do teléfono 012.
As listas entrarán en vigor a partir do día seguinte ao da publicación desta resolución no Diario Oficial de Galiza.
As persoas solicitantes excluídas disporán do prazo dun mes, contado a partir do día seguinte ao da publicación desta resolución no Diario Oficial de Galiza, para solicitar a devolución das taxas por dereitos de inscrición
- Detalles
Na Mesa Sectorial de Funcionarios que terá lugar o 1 de febreiro de 2024 tratarase a modificación da RPT da consellería de Política Social e Xuventude derivada da aplicación do Acordo sobre as condicións de traballo do persoal dos centros de xestión propia da consellería de Política Social e Xuventude.
Descargar a proposta. Se resulta do teu interese, contacta coa CIG.
- Detalles
A Dirección Xeral de Función Pública vén de convocarnos a unha Mesa Sectorial de Funcionarios que terá lugar o 1 de febreiro de 2024 na que se tratarán os borradores dos concursos ordinarios para a provisión de postos de traballo vacantes nas escalas do Servizo de Gardacostas de Galiza e nas escalas de Consumo.
Descarga a proposta do concurso de Gardacostas.
Descarga a proposta do concurso de Consumo.
Se resultan do teu interese, contacta coa CIG.
- Detalles
35 horas no 2024 XA para todo o persoal empregado público da Xunta de Galiza!!
As experiencias de redución de xornada laboral ao longo destes anos demostran que unhas xornadas acordes ao século XXI implican grandes beneficios, un mellor clima laboral e unha maior produtividade. Frente ao presentismo como idea do pasado, ábrese camiño outro modelo de entender a realidade laboral.
Na Administración da Xunta de Galiza hai varios sectores (SERGAS e persoal dos centros de Política Social) onde a xornada de 35 horas é xa unha realidade.
En varias administracións públicas do Estado español de distinta cor política sucede o mesmo con carácter universal para todo o seu persoal.
Noutros estados europeos a semana laboral de 4 días está a implantarse en varios ámbitos e con éxito, non só como ampliación de dereitos senón que repercute no incremento da produtividade.
A implantación da xornada de 35 horas do Acordo de persoal de centros de Política Social implicou de xeito directo a creación de máis de 120 postos de traballo e a conversión de postos de media xornada en xornada completa.
As vantaxes da redución de xornada na Xunta de galiza son claras:
- Favorece a creación de emprego público.
- Mellora a calidade asistencial e dos servizos públicos.
- Reduce os riscos laborais e o síndrome de burnout.
- Mellora a produtividade e reduce o absentismo.
- Favorece a conciliación do traballo coa vida persoal e familiar.
Solicitamos á Xunta de Galiza que implante con carácter inmediato as 35 horas de xornada semanal máxima para todo o persoal da Administración xeral (corpos xerais, especiais, escalas e categorías de persoal laboral).
Para o persoal que ten xornadas especiais, con fins de semana, quendas, nocturnidade ou xornada partida, solicitamos a aplicación directa da xornada máxima semanal de 32 horas xa que o tempo de noite ou rotado ten un peso maior na saúde das persoas traballadoras.
Ademais instamos á apertura dun proceso negociador para camiñar cara as 32 horas e á semana de catro días laborais con carácter ordinario.
Recollida de sinaturas
Estamos a recoller sinaturas coa xornada de 35 horas. Convidámoste a que o imprimas, asines e llo facilites a algún delegado ou delegada da CIG. Descargar.
- Detalles
Bombeiros e bombeiras forestais e persoal do SPDIF concentráronse a mañá deste xoves 25 de xaneiro diante de Medio Rural, no edificio administrativo da Xunta de Galiza, para exixir que se remate coa precariedade no servizo público de extinción de incendios de Galiza e demandar a súa profesionalización. Denunciaron, ademais, que o anuncio realizado por Rueda foi “claramente electoralista” e que a administración que está constantemente paralizando as negociacións.
Neste sentido lembramos o persoal segue a traballar como fixo descontinuo, só durante seis meses ao ano. Respecto do anuncio do Presidente da Xunta en funcións, Alfonso Rueda, afirmou que “non nos vale”, porque a pretensión é que ese incremento do tempo de traballo a 9 meses se faga en tres anos. Na CIG entendemos que iso se pode facer xa agora para o 2024 e que acordan tarde, se tiña que ter feito hai tempo. Ademais lembramos que na mesa de negociacion do acordo esta reclamación a fixo so a CIG e non querían tratar nin eso nin meter ao persoal laboral dentro do acordo, afondando na división do persoal, que teria condicións laborais diferentes.
Nesta xornada e no noso manifesto e comunicación aos medios insistimos en que a CIG xa presentara esta proposta de ampliación á Xunta cun plan de reorganización do servizo “que tiña un custo de practicamente cero”. O persoal leva máis de un ano e medio con mobilizacións e tratando de chegar a un Acordo marco regulador de condicións de traballo que asegure os dereitos laborais do persoal empregado público do sector de extinción de incendios forestais. Unha negociación que, denunciamos, “paraliza constantemente a propia consellaría na mesa”.
Principais demandas
O persoal reclama, ademais de traballar todo o ano, rematar coa suspensión de dereitos imposta pola Xunta en 2012, porque non hai compensación por traballar festivos e domingos e vacacións reguladas. Denuncian os problemas de conciliación e que teñen que traballar todas as fins de semana seguidas que poderían impoñerse ao non ter regulación, a falta de cartelera anual regulada ou incluso que che marquen as vacacións cando queren como xa pasou co persoal das brigadas helitransportadas este ano. “Isto ten que estar regulado nun convenio que este persoal, a esta altura, non o ten, está sen dereitos laborais”. Pero hai moitas cousas máis que quedaron no aire ao non ter convenio.
Demandamos tamén un servizo profesional público de extinción e de atención de multiemerxencioas no medio natural e rural. “É o que necesitamos en Galiza”, para isto “o persoal ten que traballar todo o ano e ten que ser profesional”. Xunto a isto denunciamos que ao persoal fixo descontinuo non se lle permitia traballar no sector público o resto do tempo de inactividade do contrato afondando na sua precaridade.
O colectivo de bombeiros/as fortestais está conformado por preto de 1.200 brigadistas que traballan doce meses ao ano e máis de oitocentos que traballan unicamente seis meses ao ano. Denunciamos que a crise dos péllets demostrou que a Xunta “prefire tirar de empresas antes de chamar ao seu propio persoal” e lembramos que nestes días o risco de incendios era cero, que “tiña ao persoal, tiña os medios, ao persoal espallado polo territorio e a capacidade de poder chamar e mobilizar, en apenas unhas horas, ao persoal da consellaría de Medio rural. Non o fixo, nin ao da consellaría de Medio Ambiente e moito menos aos bombeiros e bombeiras forestais que estabamos no territorio e dispostos”.
Servizo multiemerxencias
O persoal de seis meses da mobilización ilustraron coas suas declaracións a precariedade que padecen. Como persoal procedente de SEAGA, onde xa estaban precarizados, pasaron á administración en 2019 e denunciaron que non se pode considerar profesional un servizo no que o persoal traballe só tres ou seis meses ao ano.
E recalcamos que como servizo de emerxencias traballan a quendas, en noites, domingos e feriados coa funcionarizacion mais de 600 compañeiros carecen hoxe de convenio e agora terian que ter un acordo marco, que si teñen, por exemplo, os axentes forestais. Asegurouse que levamos dous anos tratando de negociar unha proposta, feita pola CIG partindo do V Convenio, para que non haxa esa diferenza entre funcionarios e laborais porque como dixeron os compañeiros “ao cabo respondemos ás mesmas ordes de mando e traballamos no mesmo”. E denunciamos que, “polo de agora, non temos ningunha resposta”.
Até o de agora “non podiamos traballar nin no sector público ou con capital público”, unha situación que se está modificando e considerou inxustas as condicións laborais deste colectivo porque somos un servizo de multiemerxencias que podería actuar “se hai nevadas, quitando a neve do rural; se hai unha crise, como agora dos péllets, podemos intervir; se hai unha treboada podemos retirar árbores caídas”. Considerou que, porén, “parece ser que non interesa, non sei se por aforro ou porque non se ten en mente”.
Concluímos exixindo que se reactiven as negociacións do acordo marco porque é o momento de rematar con esta situación que é unha mostra de desleixo cara o seu propio persoal.
LECTURA AO MANIFESTO
Logo de máis de unha hora de cantos e berros para que con forza se oíse a voz e as reclamacións do colectivo de traballadores/as do SPIF deuse lectura a un manifesto situando as loitas do persoal no seu contexto actual, a necesidade de continuar coa mesa de negociación e loitar ata conseguir un BO Acordo de condicións de traballo con dereitos laborais para todos/as e a ampliación ata 12 meses o ano do tempo de traballo para ter un SERVIZO PROFESIONAL E 100% PUBLICO!!
Un día despois da mobilización, hoxe venres 26 Medio Rural convocanos a xuntanza da mesa de negociación, que como sabedes a tiñan parada dende o mes de novembro. A reunión para tratar o Acordo de condicións laborais vai ser este martes 30.
AGRADECEMENTOS A TODOS OS COMPAÑEIROS E COMPAÑEIRAS QUE LOITADES PARA QUE O ACORDO MARCO REGULADOR PARA TODO O PERSOAL DE INCENDIOS VAIA ADIANTE.
COA CIG SEMPRE DEFENDEREMOS UN SERVIZO PÚBLICO UNICO E SEN DISCRIMINACIÓNS!!
- Detalles
Na xuntanza da Comisión de listas de contratación que tivo lugar o 24 de xaneiro informaron do seguinte:
- No DOG do 30 de xaneiro está previsto que se publiquen as listas de contratación coas novas inclusións do ano 2023 que estaban pendentes de publicar.
- Plan de reforzo dos Equipos de Valoración e Orientación Discapacidade (EVOS): a consellería de Política Social pediu autorización para cubrir a través das listas de contratación de persoal laboral un posto de médico/a, mentres se manteña o Plan de reforzo.
- Plan Corresponsables de Galicia: solicítan autorización para facer uns chamamentos a través das listas de contratación de persoal laboral do grupo III, categoría 90 (animador/a sociocultural) para toda Galicia. Para cubrir os postos en Lugo terán que facelo a través dun chamamento ao Servizo Público de Emprego (SEPE). A aceptación destes chamamentos será voluntaria.
- Agacal: solicitan autorización para a cobertura dun posto a través das listas de contratación de persoal laboral do grupo III, categoría 68 (oficial/a 1ª agrario. Capataz agrario) para un Proxecto de avaliación e comercialización das prantas da vide. A aceptación deste chamamento será voluntaria.
- Detalles
Nun informa conxunto doutras organizacións sindicais coméntase que chegaron a un “acordo” coa Xunta sobre algunhas condicións laborais unicamente para o persoal funcionario do SPIF
CCOO-CSIF-UGT informan de que, segundo as súas palabras, nestas semanas tiveron “vías abertas” coa Administración para consensuar posturas de cara a avanzar na regulación das condicións de traballo, mentres estabamos a espera da continuidade das negociacións na mesa acordada.
Pero indo ao fondo da cuestión, se isto é certo, na CIG estamos de parabéns porque se recoñezan algunhas das propostas recollidas no Acordo Marco Regulador e no anexo de incendios presentados pola CIG hai case dous anos. Cantos máis a unha mellor!
Aledámonos tamén de que manifesten que a Xunta está disposta, aínda que con retraso, a reducir a xornada máxima anual a 1550 horas, xornadas de 10 horas sen posibilidade de prolongación, restaurar o dereito ao descanso de dous días naturais ininterrumpidos, a compensación por traballar en domingos e festivos e ter un carteleira de traballo única para todo o ano.
Resulta curioso coñecer por outras organizacións sindicais que tras a última reunión de mesa de negociación do 09 de novembro se aceptan agora as achegas da CIG. Pero aínda quedan moitas outras propostas da CIG por tratar e regular: nocturnidade, vacacións e permisos, compensacións adicionais, funcións, enfermidades profesionais, instalacións, sistema de cobertura de prazas, etc…
Agora ben, o que non podemos compartir é este xeito de negociar de “despachitos”, fóra do marco da mesa de negociación. Entendemos que a Xunta vese apretada ante a mobilización masiva do persoal, pero rexeitamos a utilización política do persoal empregado público.
Sen ánimo de polemizar, non seguir os cauces establecidos na negociación colectiva fai que se teña a impresión de que son medidas improvisadas pola falta de transparencia do proceso. Por que se había unha mesa negocial aberta agora se opta por outra vía? Porque se pretende a desmobilización do persoal? Queren que perdan forza as reivindicacións dos/as traballadores/as?
Tampouco podemos compartir que se siga separando ao persoal funcionario do persoal laboral e que teñan diferentes condicións e dereitos laborais. Este é un servizo único e coma tal ten que ser tratado.
E queda claro que calquera avance nos dereitos laborais virá dado pola mobilización e a libre reivindicación do persoal do SPIF.
- Detalles
Función Pública achegounos o listado de postos para a elección de destino de A1.Agrónomos/as e A2.Téc. Agrícolas. Na comunicación recibida indican que o listado é para "efectos informativos", polo que a CIG xa solicitou poder facer alegacións ao listado.
No documento, que podes descargar aquí, aparecen códigos e descripcións da formación, que son os seguintes:
cod_forma - descripción
- 168 - CARNÉ DE CONDUCIR B1 (MÉRITO).
- 370 - DOUTORAMENTO EN MATERIA AGRARIA (R.I.).
- 372 - DOUTORAMENTO EN VITICULTURA (R.I.).
- 640 - PARA PERSOAL DOUTRA ADMINISTRACIÓN, CURSO DE PERFECCIONAMENTO DE GALEGO (R.I.).
